ۇلتتىق سپورت تۇرلەرىنەن فەستيۆال: قۇسبەگىلىك باسەكەسى 

اقتوبە قالاسىنىڭ ىرگەسىندەگى اقجار اۋىلى اۋماعىندا وتكەن قۇسبەگىلەر باسەكەسى كەشە اياقتالدى. بۇل تۋرالى ۇلتتىق سپورت قاۋىمداستىعى حابارلادى.

 جارىسقا ەلىمىزدىڭ 11 ءوڭىرىنىڭ قۇسبەگى-سپورتشىلارى قاتىستى. جانكۇيەرلەر سايات قۇستارىنىڭ ەركىن ۇشىرۋ، قولعا شاقىرۋ  باسەكەلەرىن، بۇركىتتىڭ شىرعاعا، قويانعا، تۇلكىگە تۇسكەنىن، قارشىعالاردىڭ قويان، كەپتەر ۇستاعانىن، يتەلگىلەردىڭ قويانعا ءتۇسىپ، دالبايدا ويناعانىن بىرنەشە كۇن بويى تاماشالادى. ءتورت جىلدا ءبىر رەت ۇيىمداستىرىلاتىن ۇلتتىق سپورت فەستيۆالىندەگى قۇسبەگىلەر  جارىسىنىڭ ناتيجەسى تومەندەگىدەي:

بۇركىت:

1 ورىن – سارمات ابدۋلكاريم ۇلى (بۇركىت – نارىن) (اتىراۋ وبلىسى)

2 ورىن – پاڭ سەيدۋللا (بۇركىت – بوتاگوز) (تۇركىستان وبلىسى)

3 ورىن – قانات شۇلەنباەۆ (بۇركىت – ساقتان) (اقمولا وبلىسى)

قارشىعا:

1 ورىن – پاڭ تولەمىرزا (قارشىعا – گۇلسارى) (تۇركىستان وبلىسى)

2 ورىن – بەكنياز قۋانىشباەۆ (قارشىعا – العىر) (اتىراۋ وبلىسى)

3 ورىن – قۇدايبەرگەن راۋيل ۇلى (قارشىعا – قاراكوز) (نۇر-سۇلتان قالاسى)

يتەلگى:

1 ورىن – ايقىن قۋانوۆ (يتەلگى – اقبالاق) (ماڭعىستاۋ وبلىسى)

2 ورىن – مەدەت شاليپوۆ  (يتەلگى – اقمونشاق) (الماتى وبلىسى)

3 ورىن – ەرلان كەنجەتاەۆ (يتەلگى – قاراكوز) (اقمولا وبلىسى)