Aqtóbede kókpar jarysy aıaqtaldy

Aqtóbe qalasynda 18 qyrkúıekte bastalǵan kókpar dodasy búgin márege jetti. Festıvalǵa qatysqan elimizdiń 12 kókpar komandasy arasynan úzdik shyqqan tórt komanda tańerteńnen bastap júldeli oryndardy sarapqa saldy. Bul týraly Ulttyq sport qaýymdastyǵy habarlady.

Soltústik Qazaqstan oblysy men Aqtóbe oblysy komandalary arasyndaǵy báseke 3:2 esebimen aıaqtalyp, aqtóbelik kókparshylar qola júldege qol jetkizdi.

Al, fınaldyq oıynda QR Eńbek sińirgen jattyqtyrýshysy Nurdáýlet Momynovtyń shákirtteri festıvaldaǵy kókpar básekesiniń bas júldesin qanjyǵalaryna baılady. «Áýlıe-ata» (Jambyl oblysy) men «Qulager» (Túrkistan oblysy) arasyndaǵy aqtyq oıyn 3:1 esebimen aıaqtaldy. Eske sala ótelik, «Áýlıe-ata» komandasy «Qulager» komandasynan bıylǵy jyly ekinshi ret basym tústi.

1 oryn – Jambyl oblysynyń «Áýlıe-ata» kókpar komandasy
2 oryn – Túrkistan oblysynyń «Qulager» kókpar komandasy
3 oryn – Aqtóbe oblysynyń «Álim-ata» kókpar komandasy