«التىن تۇلپاردا» جۇلدە العان جۇيرىكتەر

«التىن تۇلپاردا» – 2014 جى­لى 75 جۇيرىك، 2015 جىلى 96 جۇيرىك، 2016 جىلى 78 ءجۇي­رىك، 2017 جىلى 37 جۇيرىك  باق سىنادى.

«التىن تۇلپار» الامان بايگەسىنىڭ قازاقستاننىڭ ەڭ ۇزدىك سايگ ۇلىكتەرى قاتىساتىن، ايتۋلى اتبەگىلەردىڭ اسىعا كۇتەتىن قىزىقتى مەرەكەسىنە اينالا باستاعانىنا بىرنەشە جىل. ناقتى ايتقاندا، بۇل ات جارىسى ەڭ العاش 2014 جىلى «نۇر-وتان» پارتياسىنىڭ قولداۋىمەن، پارتيانىڭ 15 جىلدىق مەرەيتويىنا وراي ۇيىمداستىرىلعان بولاتىن. سونداي-اق،  «التىن تۇلپار» بايگەسى 2015 جىلى «قازاق حاندىعىنىڭ 550 جىلدىعىنا» وراي، 2016 جىلى قازاقستان رەسپۋبيكاسى تاۋەلسىزدىگىنىڭ 25 جىلدىعى قۇرمەتىنە، ال، 2017 جىلى «ەكسپو-2017» حالىقارالىق كورمەسى اياسىندا ءوتتى. بارلىق جارىس نۇر-سۇلتان قالاسى اۋماعىندا تاماشالاندى.

«التىن تۇلپار» بايگەسىن ۇيىمداستىرۋداعى باستى ماقسات – قازاقى قولتۋما جۇيرىك جىلقىلار تۇقىمىنىڭ قالىپتاسۋىنا ىقپال جاساۋ جانە ۇزاققا شاباتىن بايگە اتتارىن باپتايتىن اتبەگىلەردى ىنتالاندىرۋ ەدى. از ۋاقىتتا جۇرشىلىق كوڭىلىنەن شىققان بۇل ات جارىسىنىڭ كەڭ قانات جايۋىنا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ، ۇلتتىق سپورت قاۋىمداستىعىنىڭ قۇرمەتتى پرەزيدەنتى قايرات ساتىبالدى ۇلىنىڭ، قاۋىمداستىق پرەزيدەنتى بەكبولات تىلەۋحاننىڭ سىڭىرگەن ەڭبەگى زور ەكەنىن اتسۇيەر قاۋىم جاقسى بىلەدى.

ەڭ العاشقى «التىن تۇلپار» بايگەسىنىڭ قاشىقتىعى 43 شاقىرىم بولعانى جانكۇيەرلەر ەسىندە. «جۇيرىكتەن جۇيرىك وزار جارىسقاندا» دەگەندەي،  2014 جىلعى الاماندا قاراعاندى وبلىسىنىڭ جۇيرىگى «باقتورى» الدىنا قارا سالماي دارا كەلدى.  ەلىمىزدىڭ اتبەگىلەرى سول جولى بايگە قاشىقتىعىنىڭ 43 شاقىرىمنان دا كوبىرەك بولۋىن وتىنگەن-ءدى.

2014 جىل. 43 شاقىرىم.

باس بايگە –  «باقتورى»، قاراعاندى ءوڭىرىنىڭ جۇيرىگى

2 ورىن –  «رابات»، تۇركىستان ءوڭىرىنىڭ جۇيرىگى

3 ورىن – «بەكتورى»، قاراعاندى ءوڭىرىنىڭ جۇيرىگى

 

2015 جىلى «التىن تۇلپاردىڭ» بايگە جولى 51 شاقىرىمعا ۇزارتىلدى. جاڭا قاشىقتىقتا    جامبىل وبلىسىنىڭ تۇلپارى «Cامالدان» وزعان قىلقۇيرىقتى بولعان جوق.

2015 جىل. 51 شاقىرىم.  

باس بايگە – «سامال»، جامبىل وڭىرىنىڭ جۇيرىگى

2  ورىن – «بەيبارىس»، كەرەكۋ وڭىرىنىڭ جۇيرىگى

3 ورىن – «جاننۇر» الماتى وڭىرىنىڭ جۇيرىگى

4 ورىن «باقتورى»، قاراعاندى ءوڭىرىنىڭ جۇيرىگى

 

2016 جىلعى بايگەدە جەتىسۋ ولكەسىنىڭ جۇيرىگى «جاننۇر» مارەدەن جارقىراپ جالعىز ءوتتى.  

2016 جىل. 51 شاقىرىم.

باس بايگە – «جاننۇر»، الماتى وڭىرىنىڭ جۇيرىگى

2 ورىن – «كوكباستاۋ»، قاراعاندى ءوڭىرىنىڭ جۇيرىگى

3 ورىن – «كوگەرشىن»،  جامبىل وڭىرىنىڭ جۇيرىگى

 

2017 جىلى «سامال» سايگ ۇلىك «التىن تۇلپاردىڭ» ون ميلليون تەڭگەلىك باس بايگەسىن ەكىنشى مارتە قانجىعاسىنا بايلادى.

2017 جىل. 51 شاقىرىم.

باس بايگە «سامال»،   جامبىل وڭىرىنىڭ جۇيرىگى

2 ورىن – «قويانقاسقا»، الماتى وڭىرىنىڭ جۇيرىگى

3 ورىن – «قارا ايعىر»، الماتى وڭىرىنىڭ جۇيرىگى

 «التىن تۇلپاردى» تەك ەلوردا توڭىرەگىندە عانا ەمەس،  ەلىمىزدىڭ باسقا وڭىرلەرىندە دە وتكىزگەندى ءجون كورگەن ۇلتتىق سپورت قاۋىمداستىعى كەزەكتى الامان بايگەنى اتىراۋ وڭىرىندە ۇيىمداستىرۋدا. جارىستىڭ رەسمي اتاۋى –  «التىن تۇلپار – جايىق جاعاسىندا» V رەسپۋبليكالىق تۋرنير. سونىمەن، بيىلعى جىلدىڭ باستى بايگەسى 12 قازاندا اتىراۋ وبلىسى، ماحامبەت اۋدانى، تالدىكول اۋىلىنىڭ ىرگەسىندە تاماشالانباق. بۇل رەتتە، بەسىنشى مارتە ۇيىمداستىرىلاتىن «التىن تۇلپاردىڭ» ەلىمىزدىڭ باتىس وڭىرىندە وتۋىنە ىقپالداستىق جاساعان اتىراۋ وبلىسىنىڭ اكىمى نۇرلان اسقار ۇلى نوعاەۆتىڭ ازاماتتىق بەلسەندىلىگىن اتاپ ايتۋعا ءتيىسپىز.

جايىق جاعاسىندا وتەتىن «التىن تۇلپار»   بايگەسىنە بارلىق جۇيرىك جىلقى تۇقىمدارى جىبەرىلەدى.  ەلىمىزدىڭ 14 وبلىسى جانە نۇر-سۇلتان، الماتى، شىمكەنت قالالارىنىڭ ارقايسىسىنان 5 سايگ ۇلىكتەن قاتىسادى. جۇلدە قورى – 22 ميلليون تەڭگە. باس جۇلدەسى – 10 ميلليون تەڭگە. الدىڭعى كەلگەن توعىز جۇيرىككە جۇلدە بەرىلەدى.

اتىراۋ ولكەسىندە بەسىنشى مارتە ۇيىمداستىرىلاتىن بيىلعى ايتۋلى الامانعا ەلىمىزدىڭ ەڭ تاڭداۋلى جەتپىستەن استام سايگ ۇلىكتەرى باق سىنايدى دەپ كۇتىلۋدە. ءبىر قىزىعى، 2015 جىلى جانە 2017 جىلى «التىن تۇلپاردا» ەكى رەت باس بايگە العان «سامال» سايگ ۇلىكتىڭ، سونداي-اق، 2017 جىلعى الاماندا ەكىنشى ورىن العان جەتىسۋلىق جۇيرىك «قويانقاسقانىڭ» اتبەگىلەرى بابى كەلىسكەن تۇلپارلارىنىڭ باعىن اتىراۋ توپىراعىندا تاعى ءبىر سىناپ كورمەككە بەكىنىپتى. سوندىقتان، بىلىكتى ماماندار پىكىرىنشە جايىق جاعاسىندا وتەتىن «التىن تۇلپار»   بايگەسىنىڭ بۇل جولعى باسەكەسى ءتىپتى ەرەكشە بولماقشى.

تولەگەن جاكىتاي