«Altyn tulpar – Jaıyq jaǵasyndaǵy» alaman báıge aıaqtaldy

«Altyn tulpar»  alǵash ret  Atyraýdyń tósin bir dúbirletti. Besinshi márte uıymdastyrylǵan 51 shaqyrymdyq at jarysyn tamashalaý atyraýlyqtarǵa buıyrdy.  Qazaqstan Respýblıkasy Ulttyq sport qaýymdastyǵy men Atyraý oblysy ákimdigi jáne Ulttyq sport qaýymdastyǵynyń Atyraý oblystyq fılıalynyń uıymdastyrýymen ótken alamanda on eki óńirdiń qyryqqa jýyq júırigi baq synady. «Nur Otan» partııasy men Mádenıet jáne sport mınıstrliginiń qoldaýymen ótken báıgeniń bas júldesi 10 mln teńge. Al 9 atqa júlde bergen saıystyń jalpy júlde qory 22 mln teńge boldy, dep habarlady Ulttyq sport qaýymdastyǵy.

2017 jylǵy «Altyn tulparda» Tarazdyń tulpary «Samaldan» arqan boıy ǵana artta kelip, ekinshi oryndy ıelengen Jetisýdyń júırigi «Qoıanqasqany» arada eki jyl ótkende ıeleri Qyzylorda oblysy atynan «Altyn tulparǵa» taǵy da baptap qosty.  «Qoıanqasqa» sáıgúlik bul joly naǵyz babynda eken. At ıesi Mahanov Berdibektiń aıtýynsha bul jarysqa júırikti bir aı boıy Atyraýda arnaıy baptaǵan eken. At bapkeriniń eńbegi aqtalyp «Qoıanqasqa» jarys jolyna shyqqan qyryqqa jýyq sáıgúliktiń  aldy bolyp, 10 mıllıon teńgelik bas báıgeni oljalap qaıtty.

Jankúıer jadynda bolsa,  «Altyn tulpar» respýblıkalyq týrnıriniń bas báıgesin 2014 jylǵy báıgede 75 júırik arasynan «Baqtory», 2015 jylǵy báıgede 96 júırik arasynan «Samal», 2016 jylǵy báıgede 78 júırik arasynan «Jannur», 2017 jylǵy báıgede 37 júırik  arasynan ekinshi ret «Samal» bas báıgeni utqan edi.

«Altyn tulpar – Jaıyq jaǵasyndaǵy» alaman báıgede júlde alǵan júırikter:

1-oryn: Qyzylorda oblysynan kelgen «Qoıanqasqa» atty aǵylshyn tuqymdy jıren bıe. Shabandozy – Ǵalymnur Noǵaıbek, at ıesi – Berdibek Myhanov, bapkeri – Qýat Ábsalıamov (10 mln teńge).

2-oryn: Jambyl oblysynan kelgen «Shymshyq» atty 7 jastaǵy býdan tory bıe. Shabandozy – Aldııar Sansyzbaı, at ıesi – Jasulan Ábdibekov, bapkeri – Maqsat Mýrahanbaev (5 mln teńge).

3-oryn: Jambyl oblysynan kelgen «Dos» atty 5 jastaǵy araby tory aıǵyr. Shabandozy – Nur Saılaý, at ıesi – Eldos Sultanbekov, bapkeri – Serik Álimbekov  (2 500 000).

4-oryn: Mańǵystaý oblysynan kelgen «Aıtóbel» atty 5 jasar qońyr býdan aıǵyr. Shabandozy – Erbolat Jańbyrbaev, at ıesi ári bapkeri – Keldibaı Ibraev (1 500 000).

5-oryn: Atyraý oblysy Mahambet aýdanynan kelgen «Jezkıik» atty aǵylshyn tuqymdy 7 jasar qula bıe. Shabandozy – Inaphan Nurasyl, at ıesi – Marat О́tepov, bapkeri – Qanat Mahametálıev (1 mln teńge).

6-oryn: Atyraý oblysy Jyloı aýdanynan kelgen 2-shi nómirli «Jetiqazyna» atty býdan aıǵyr. Shabandozy – Jandáýlet Shalabekov, at ıesi – «Baqaı» korparaııasy, bapkeri – Azamat Pirjanov (750 000).

7-oryn: Almaty oblysy Aqqaınar aýylynan kelgen 16-shy nómirli «Jaýjúrek» atty 4 jastaǵy qazaqy kúreń aıǵyr. Shabandozy – Erasyl Ádilbek, at ıesi – Bekarys Úmbetov, bepkeri – Zańǵar Baıqanbaev (550 000).

8-oryn: Almaty oblysy Talǵar aýdanynan kelgen 27-shi nómirli «О́skemen» atty 4 jasar aǵylshyn tuqymdy tory aıǵyr. Shabandozy – Nurbolat Súnetaı, at ıesi – Merhat Bulǵynov, bapkeri – Nurjigit Tabyldıev (400 000 teńge).

9-oryn: Atyraý oblysy, Inder aýdanynan kelgen 21-shi nómirli «Amına» esimdi 6 jastaǵy kók bıe. Shabandozy – Baqdáýlet Esimjan, at ıesi ári bapkeri – Oljas Shonyshev (300 000 teńge).

Sonymen bıylǵy «Altyn tulpar» alaman báıgesinde osy attary atalǵan toǵyz tulpar júlde aldy. Alaman báıgeniń jeńimpazdaryn «Nur Otan» partııasynyń hatshysy Ǵabıdolla Ospanqulov, Atyraý oblysy ákiminiń birinshi orynbasary Serik Jambyluly, Ulttyq sport qaýymdastyǵynyń Bas hatshysy Nursultan Ibragımov qatarly azamattar marapattady.

(Bıylǵy «Altyn tulparda» «Qoıanqasqa» sáıgúlik bas báıgeni aldy)