• Қазақ
  •   
  • Qazaq
  •   
  • قازاق
  •   
  • Рус
  •   

    اتىراۋدا «دارابوز – 2019» ءتۋرنيرى اياقتالدى

    اتىراۋدىڭ تالدىكول ەلدىمەكەنى اۋماعىندا وتكەن «التىن تۇلپار» الامان بايگەسىمەن قاتار ۇلتتىق سپورت تۇرلەرىنەن «دارابوز-2019» ءتۋرنيرى  ءوتتى، دەپ حابارلادى قازاقستان ۇلتتىق سپورت قاۋىمداستىعى.

    11-12 قازان كۇندەرى ماحامبەت اۋدانىنداعى تالدىكولدىڭ ءتوسىن دۇبىرلەتكەن «دارابوز-2019» ءتۋرنيرى اتىراۋلىقتاردىڭ اسا قىزىعا تاماشالاعان سپورتتىق جارىسى بولدى.  جايىق جاعاسىنداعى اۋا-رايىنىڭ قولايسىزدىعىنا قاراماستان جارىس  الاڭىنا حالىق مولىنان جينالدى. ۇلتتىق سپورتتىڭ كوكپار، اۋدارىسپاق، تەڭگە ءىلۋ، جامبى اتۋ، بايگە تۇرلەرىنەن جانە قازاقى تازى يتتەر جارىسى بويىنشا وتكەن «دارابوز-2019» ءتۋرنيرىنىڭ جالپى جۇلدە قورى 32 ميلليون تەڭگەدەن استام.

    اتىراۋ قالاسى كۇنىنە وراي، اتىراۋ وبلىسى اكىمدىگىنىڭ باستاماسىمەن، اتىراۋ وبلىسى دەنە شىنىقتىرۋ جانە سپورت باسقارماسىنىڭ،  وبلىستىق «ۇلتتىق سپورت تۇرلەرى» فەدەراتسياسىنىڭ (باسشىسى اسلانبەك جانبالاەۆ) ۇيىمداستىرۋىمەن وتكەن «دارابوز» ءتۋرنيرى بيىلعى جىلى ءۇشىنشى رەت تۋ كوتەردى. ەسكە سالا وتەلىك، بيىلعى جاستار جىلىنا بايلانىستى «دارابوز-2019» ءتۋرنيرىنىڭ  كوكپار، اۋدارىسپاق، تەڭگە ءىلۋ، جامبى اتۋ باسەكەلەرى 26 جاسقا دەيىنگى جاستار اراسىندا ءوتتى.

    جامبى اتۋ (دارابوز-2019)

    مەرگەندىك باسەكەسىنە اقمولا وبلىسىنان جالعاس قۇرمان مەن ەسداۋلەت رىسپامبەتوۆ، جامبىل وبلىسىنان ءدامىر امانبەك پەن باقداۋلەت باباجان (جاستار اراسىنداعى ءى ازيا چەمپيوناتىنىڭ جەڭىمپازى)، نۇر-سۇلتان قالاسىنان ىنتىماق شىڭعىسباي، اتىراۋ قالاسىنان امانگەلدى ومىرزاقوۆ، سولتۇستىك قازاقستان وبلىسىنان ءاليا بەكەن، باتىس قازاقستان وبلىسىنان قاينار قوسماعۇلوۆ  جانە تۇركىستان وبلىسىنان ايتبەك سارىباي مەن بەكزات جاقسىبەك قاتىستى.

    ساداق اتۋدىڭ «قالقان اتۋ»  جانە جامبى اتۋ ستيلىنەن سىنعا تۇسكەن جاس مەرگەندەر وسى ەكى سايىس قورىتىندىسى بويىنشا جەڭىمپازداردى انىقتادى. سونىمەن «دارابوز-2019» ءتۋرنيرىنىڭ جامبى اتۋ بويىنشا جامبىل وبلىسىنىڭ جاس ورەنى باقداۋلەت باباجان 34 ۇپايمەن جەڭىمپازى اتاندى.
    كۇمىس جۇلدەنى ەكى ستيل بويىنشا 24 ۇپاي جيناعان اتىراۋ قالاسىنىڭ تۇلەگى امانگەلدى ومىرزاقوۆ يەلەندى. ءتۋرنيردىڭ قولا جۇلدەسى جامبى اتۋ سپورتىنداعى ساناۋلى قىزدارىمىزدىڭ ءبىرى، «دارابوز-2019» تۋرنيرىنە قاتىسقان جالعىز قىز – ءاليا بەكەنگە  بۇيىردى. سولتۇستىك ءوڭىردىڭ مەرگەن قىزى 15 ۇپايدى ولجالادى.

    تەڭگە ءىلۋ (دارابوز-2019)

    تەڭگە ءىلۋ سايىسىنا  بورانباەۆ ءىزباسار (اقمولا وبلىسى)، نۇروللا عابدۋلايبات (اقمولا وبلىسى)، ماعجان جەڭىسوۆ  (باتىس قازاقستان وبلىسى)، مانسۇر جۇمىروۆ (اتىراۋ قالاسى)، ازامات سەرعازين (اقتوبە وبلىسى)، جاندوس قالىمتاەۆ (اقمولا وبلىسى)، نۇرحان ەلجانوۆ (جامبىل وبلىسى)، ماحامبەت ناۋرىزبەك (جامبىل وبلىسى)،  راحات كومباروۆ (تۇركىستان وبلىسى)، نۇرلىحان ۇلىقپانوۆ (اتىراۋ قالاسى)، بەكنۇر سەرىكوۆ (باتىس قازاقستان وبلىسى)، شىڭعىسحان ەرجانوۆ (اقتوبە وبلىسى) جانە نۇرباعىلان سادۋاقاس (تۇركىستان وبلىسى) قاتىسىپ، تومەندەگى سپورتشىلار تەڭگە ىلۋدە شەبەرلىك وزدىردى.

    1 ورىننۇرباعىلان سادۋاقاس (تۇركىستان وبلىسى)

    2 ورىن – راحات كومباروۆ (تۇركىستان وبلىسى)

    3 ورىن – نۇرحان ەلجانوۆ  (جامبىل وبلىسى)

    اۋدارىسپاق (دارابوز-2019)

    قالىڭ جانكۇيەر قاۋىمنىڭ نازارىن اۋدارعان باسەكەنىڭ ءبىرى – جاستار اراسىنداعى اۋدارىسپاق سپورتى بولدى. ەلىمىزدىڭ تۇكپىر-تۇكپىرىنەن كەلگەن جاس بالۋاندار اراسىندا اقتوبەلىك ارمان ساعىنباەۆتىڭ جۇلدىزى جاندى. بۇعان دەيىن ەرەسەكتەر اراسىندا ءىىى ازيا چەمپيوناتىنىڭ جەڭىمپازى اتانعان ارمان بالۋانعا ءوز زامانداستارى ىشىنەن قارسىلاس شاق كەلمەدى.

    1-ورىن: ارمان ساعىنباەۆ (اقتوبە وبلىسى)

    2-ورىن: ابزال ساعىنتاەۆ (جامبىل وبلىسى)

    3-ورىن: مەيىربەك قۇسايىنوۆ (اتىراۋ وبلىسى)

    كوكپار (دارابوز-2019)

    كوماندالىق كوكپار ويىنىنا قاتىسقان اتىراۋ وڭىرىندەگى «نارىن»، «مىرزا-اداي»، «جۋالى» كوماندالارى اراسىنداعى باسەكە ەكى كۇن بويى تاماشالاندى. ويىن ناتيجەلەرىنە كەلسەك، «مىرزا-اداي» قۇراما كومانداسى  «جۋالى» كومانداسىن 2:0 ەسەبىمەن ۇتسا، «نارىن» كومانداسى مەن «جۋالى» كومانداسى اراسىنداعى ويىن 6:1 ەسەبىمەن اياقتالدى. ءسويتىپ، فينالدىق ويىن «نارىن» كومانداسى مەن «مىرزا-اداي» كوماندالارى اراسىندا ءوتتى. اقتىق باسەكەدە تاجىريبەسى مول «نارىن» كومانداسى تۋرنير جەڭىمپازى اتاندى. ويىن 7:0 ەسەبىمەن اياقتالدى.

    1 ورىن – «نارىن» كومانداسى

    2 ورىن – «مىرزا-اداي» كومانداسى

    3 ورىن – «جۋالى» كومانداسى

    الامان بايگە (دارابوز-2019)

      8 اينالىمنان تۇراتىن 25 شاقىرىمدىق الامان بايگەدە 12 سايگ ۇلىك باق سىنادى. بۇل ات جارىسىندا الدىڭعى كەلگەن 5 جۇيرىككە جۇلدە بەرىلدى.

    1-ورىن: الماتى وبلىسى قاراساي اۋدانىنان كەلگەن «جەل» اتتى اعىلشىن تۇقىمدى 4 جاسار كۇرەڭ ايعىر. شاباندوزى – اقجول جۇماتاي، ات يەسى – ءالنۇر نازارباەۆ، باپكەرى – بولات بوبەكباەۆ.

    2-ورىن: قاراعاندى وبلىسىنان كەلگەن «بۇيرىق اتتى اعىلشىن تۇقىمدى 6 جاسار قارا ايعىر. شاباندوزى – ەركەبۇلان ەلتاي، ات يەسى ءارى باپكەرى – جاسۇلان سەيىلوۆ.
    3-ورىن: باتىس قازاقستان وبلىسىنان كەلگەن «باتىر» اتتى اعىلشىن تۇقىمدى 4 جاسار قارا ايعىر. شاباندوزى – داۋرەن بيسۇلتان، ات يەسى جانقابىل ساتباەۆ، باپكەرى – ەرناز ساتباەۆ.
    4-ورىن: الماتى وبلىسىنان كەلگەن «كەرۋحا» اتتى اعىلشىن تۇقىمدى 5 جاسار كەرى ايعىر. شاباندوزى – اسىلقۇل اقان، ات يەسى – اسىلبەك سەيتاشىموۆ، باپكەرى – قايىرجان راحىمباەۆ.
    5-ورىن: پاۆلودار وبلىسى باياناۋىل اۋدانىنان كەلگەن «اقتىلەك» اتتى اعىلشىن تۇقىمدى 5 جاسار قاراگەر ايعىر. شاباندوزى – ەرحان ىرىسباەۆ، ات يەسى – بىرىلىك كارىموۆ، باپكەرى – ماقسات نۇرجان ۇلى.

    توپ بايگە (دارابوز-2019)
           12 شاقىرىمدىق توپ بايگەدە جيىرماعا جۋىق سايگ ۇلىك باق سىنادى.  باس بايگەسىنە 2 ملن تەڭگە تىگىلگەن توپ بايگەدە دە 5 اتقا جۇلدە بەرىلدى.

    1-ورىن: اقتوبە وبلىسىنان كەلگەن «ميسيس» اتتى اعىلشىن تۇقىمدى 4 جاسار تورى قاسقا ايعىر. شاباندوزى – الديار سانسىزباي، ات يەسى – بەكبول بايجارقىنوۆ، باپكەرى – دارحان داۋەلوۆ.

    2-ورىن: جامبىل وبلىسىنان كەلگەن «گەرمەس» اتتى اعىلشىن تۇقىمدى 3 جاسار تورى بايتال. شاباندوزى – باۋىرجان ۇرگەنىشباەۆ، ات يەسى – ەسبول جاپباسوۆ، باپكەرى – مۇحامەد حالىق.
    3-ورىن: نۇر-سۇلتان قالاسىنان كەلگەن «قازىنا» اتتى اعىلشىن تۇقىمدى 5 جاسار قاراگەر ايعىر. شاباندوزى – ەرحان ىرىسباەۆ، ات يەسى – دانيەل كاريموۆ، ماقسات نۇرجان ۇلى.
    4-ورىن: اقتوبە وبلىسىنان كەلگەن «شەرحانا» اتتى اعىلشىن تۇقىمدى 3 جاسار جيرەن قاسقا ايعىر. شاباندوزى – ءمۇسىلىم تۇراقباي، ات يەسى – بەكبول بايجارقىنوۆ، باپكەرى – دارحان داۋەلوۆ.

    5 ورىن. اتىراۋ وبلىسىنىڭ جۇيرىگى «گۇلسەزىم» اتتى تورى بايتال. شاباندوزى – ارىستانباي قاسيەت، ات يەسى جاستالاپ تانكيەۆ، ات باپكەرى – كەنجە ومىرقۇل.

    قۇنان بايگە (دارابوز-2019)

    7  شاقىرىمدىق قۇنان بايگەدە 23 جاس تۇلپار باق سىنادى. باس بايگە الماتى وبلىسىنىڭ «البانتورى» اتتى جۇيرىگىنە بۇيىردى.

    1 ورىن – «البانتورى» (الماتى وبلىسى)، شاباندوزى – سۇنەتاي نۇربولات، ات يەسى مەرحات بۇلعىنوۆ، ات باپكەرى – نۇرجىگىت تابىلديەۆ.

    2 ورىن – «اقجايىق» (شىعىس قازاقستان وبلىسى)، شاباندوزى – راۋان، ات يەسى – جارقىن تەمىرباەۆ، ات باپكەرى – رينات شاحيدباەۆ.

    3 ورىن – «باقتورى» (الماتى وبلىسى)، شاباندوزى – اقجول جۇماتاي، ات يەسى – ءالنۇر نازارباەۆ، ات باپكەرى – بولات  بوبەكباەۆ.

    4 ورىن – «ينديساتا» (اقتوبە وبلىسى)، شاباندوزى – تۇراقباي مۋسليم، ات يەسى – بەكبول بايجارقىنوۆ، ات باپكەرى – دارحان داۋەلوۆ.

    5 ورىن – «تۋرنير» (شىمكەنت قالاسى)، شاباندوزى – امانجول جاندوس، ات يەسى – جەڭىس توزاقباەۆ، ات باپكەرى – ەلتاي قيلىباەۆ.

    جورعا جارىس (دارابوز-2019)

    جۇرىسىنەن سۋ توگىلمەس جورعا جارىستىڭ باس بايگەسى 2 ملن تەڭگە بولدى. بۇل جارىستا سولتۇستىك قازاقستان وبلىسىنان كەلگەن ارمان قابدۋللاەۆتىڭ ەكى جورعاسىنىڭ ءبىرى باس بايگەنى السا، ەكىنشىسى  بەسىنشى ورىندى يەلەندى.

    1-ورىن: سولتۇستىك قازاقستان وبلىسىنان كەلگەن «رەۆانش» اتتى قاراكەر جورعا. شاباندوزى – الەكساندر كورنيلوۆ، ات يەسى – ارمان قابدۋللاەۆ، باپكەرى – الەكساندر كورنيلوۆ.

    2-ورىن: الماتى وبلىسىنانك ەلگەن «الت» اتتى اعىلشىن تۇقىمدى 4 جاستاعى تورى جورعا. شاباندوزى – بولات سيسەبەك، ات يەسى – دياس ايدوس، باپكەرى – جانعابىل قىمىزباەۆ. (1 ملن تەڭگە)

    3-ورىن: اقتوبە وبلىسىنان كەلگەن «بورتە» اتتى بوز جورعا. شاباندوزى – اندرەي زەينوۆوي، ات يەسى – سەرىك مۇقاشەۆ، باپكەرى – ارمان ستارتسوۆ. (500000 تەڭگە).

    4-ورىن: الماتى وبلىسىنان كەلگەن «اياگوز» اتتى اعىلشىن تۇقىمدى 5 جاستاعى بوز جورعا. شاباندوزى – اسىلقۇل اقىن، ات يەسى – اسىلبەك سەيتاشىموۆ، باپكەرى – قايىرجان راقىمباەۆ. (300000 تەڭگە).

    5-ورىن: سقو-دان كەلگەن «موتيۆ» اتتى تورى جورعا. شاباندوزى – الەنا داكۋچاەۆا، ات يەسى – ارمان قابدۋللاەۆ، باپكەرى – الەكساندر كورنيلوۆ. (200000 تەڭگە).

    تازى يتتەر جارىسى (دارابوز-2019)

    قازاقتىڭ  تازا قاندى تازى يتتەرىنىڭ جىلدامدىعىن انىقتاۋ جانە تازا تۇقىمدى  تازى يتتەردىڭ تۇقىمعا سايكەستىگىن انىقتاۋعا ارنالعان جارىسقا اتىراۋ وڭىرىنەن بارلىعى 45 تازى قاتىستى.  تۇقىمعا سايكەستىلىگىن بايقاۋ كەزەڭىندە بۇلاردىڭ ىشىنەن 9 كۇشىك تازىعا ەڭ جوعارى ۇپاي بەرىلدى. ادىلقازىلار القاسى 36 ەرەسەك تازىلار اراسىنان 28 ءيتتى اسىل تۇقىمدى، 8 ءيتتى اسىل تۇقىمعا جاقىن دەپ باعالادى. تازى يتتەردى باعالاۋ القاسىنا حالىقارالىق دارەجەدەگى 3 ەكسپەرت قاتىستى. جارىستىڭ باس تورەشىسى – رەسپۋبليكالىق «تازى-توبەت-ءبورىباسار» فەدەراتسياسىنىڭ پرەزيدەنتى ورالبەك توقتار ۇلى قايسانوۆ بولدى.

     1 ورىن – «تۇيعىن»، يەسى – دۇيساليەۆ

    2 ورىن – «نوكەر»، يەسى – مۇحتاروۆ

    3 ورىن – «جولدى»، يەسى – ورالوۆ

    4 ورىن – «قۇماي»، يەسى – ءابدىراحمانوۆ

    5 ورىن – «قىران»، يەسى – ومىراليەۆ

     

     

     

     

     

    پىكىر جازۋ

    Your email address will not be published. Required fields are marked *

    *