Atyraýda «Daraboz – 2019» týrnıri aıaqtaldy

Atyraýdyń Taldykól eldimekeni aýmaǵynda ótken «Altyn tulpar» alaman báıgesimen qatar ulttyq sport túrlerinen «Daraboz-2019» týrnıri  ótti, dep habarlady Qazaqstan Ulttyq sport qaýymdastyǵy.

11-12 qazan kúnderi Mahambet aýdanyndaǵy Taldykóldiń tósin dúbirletken «Daraboz-2019» týrnıri atyraýlyqtardyń asa qyzyǵa tamashalaǵan sporttyq jarysy boldy.  Jaıyq jaǵasyndaǵy aýa-raıynyń qolaısyzdyǵyna qaramastan jarys  alańyna halyq molynan jınaldy. Ulttyq sporttyń kókpar, aýdaryspaq, teńge ilý, jamby atý, báıge túrlerinen jáne qazaqy tazy ıtter jarysy boıynsha ótken «Daraboz-2019» týrnıriniń jalpy júlde qory 32 mıllıon teńgeden astam.

Atyraý qalasy kúnine oraı, Atyraý oblysy ákimdiginiń bastamasymen, Atyraý oblysy dene shynyqtyrý jáne sport basqarmasynyń,  oblystyq «Ulttyq sport túrleri» federaııasynyń (basshysy Aslanbek Janbalaev) uıymdastyrýymen ótken «Daraboz» týrnıri bıylǵy jyly úshinshi ret tý kóterdi. Eske sala ótelik, bıylǵy Jastar jylyna baılanysty «Daraboz-2019» týrnıriniń  kókpar, aýdaryspaq, teńge ilý, jamby atý básekeleri 26 jasqa deıingi jastar arasynda ótti.

JAMBY ATÝ (Daraboz-2019)

Mergendik básekesine Aqmola oblysynan Jalǵas Qurman men Esdáýlet Ryspambetov, Jambyl oblysynan Dámir Amanbek pen Baqdáýlet Babajan (Jastar arasyndaǵy I Azııa chempıonatynyń jeńimpazy), Nur-Sultan qalasynan Yntymaq Shyńǵysbaı, Atyraý qalasynan Amangeldi О́mirzaqov, Soltústik Qazaqstan oblysynan Álııa Beken, Batys Qazaqstan oblysynan Qaınar Qosmaǵulov  jáne Túrkistan oblysynan Aıtbek Sarybaı men Bekzat Jaqsybek qatysty.

Sadaq atýdyń «Qalqan atý»  jáne Jamby atý stılinen synǵa túsken jas mergender osy eki saıys qorytyndysy boıynsha jeńimpazdardy anyqtady. Sonymen «Daraboz-2019» týrnıriniń Jamby atý boıynsha Jambyl oblysynyń jas óreni Baqdáýlet Babajan 34 upaımen jeńimpazy atandy.
Kúmis júldeni eki stıl boıynsha 24 upaı jınaǵan Atyraý qalasynyń túlegi Amangeldi О́mirzaqov ıelendi. Týrnırdiń qola júldesi Jamby atý sportyndaǵy sanaýly qyzdarymyzdyń biri, «Daraboz-2019» týrnırine qatysqan jalǵyz qyz – Álııa Bekenge  buıyrdy. Soltústik óńirdiń mergen qyzy 15 upaıdy oljalady.

TEŃGE ILÝ (Daraboz-2019)

Teńge ilý saıysyna  Boranbaev Izbasar (Aqmola oblysy), Nurolla Ǵabdýlaıbat (Aqmola oblysy), Maǵjan Jeńisov  (Batys Qazaqstan oblysy), Mansur Jumyrov (Atyraý qalasy), Azamat Serǵazın (Aqtóbe oblysy), Jandos Qalymtaev (Aqmola oblysy), Nurhan Eljanov (Jambyl oblysy), Mahambet Naýryzbek (jambyl oblysy),  Rahat Kombarov (Túrkistan oblysy), Nurlyhan Ulyqpanov (Atyraý qalasy), Beknur Serikov (Batys Qazaqstan oblysy), Shyńǵyshan Erjanov (Aqtóbe oblysy) jáne Nurbaǵylan Sádýaqas (Túrkistan oblysy) qatysyp, tómendegi sportshylar teńge ilýde sheberlik ozdyrdy.

1 oryn – Nurbaǵylan Sádýaqas (Túrkistan oblysy)

2 oryn – Rahat Kombarov (Túrkistan oblysy)

3 oryn – Nurhan Eljanov  (Jambyl oblysy)

AÝDARYSPAQ (Daraboz-2019)

Qalyń jankúıer qaýymnyń nazaryn aýdarǵan básekeniń biri – jastar arasyndaǵy aýdaryspaq sporty boldy. Elimizdiń túkpir-túkpirinen kelgen jas balýandar arasynda aqtóbelik Arman Saǵynbaevtyń juldyzy jandy. Buǵan deıin eresekter arasynda III Azııa chempıonatynyń jeńimpazy atanǵan Arman balýanǵa óz zamandastary ishinen qarsylas shaq kelmedi.

1-oryn: Arman Saǵynbaev (Aqtóbe oblysy)

2-oryn: Abzal Saǵyntaev (Jambyl oblysy)

3-oryn: Meıirbek Qusaıynov (Atyraý oblysy)

KО́KPAR (Daraboz-2019)

Komandalyq kókpar oıynyna qatysqan Atyraý óńirindegi «Naryn», «Myrza-adaı», «Jýaly» komandalary arasyndaǵy báseke eki kún boıy tamashalandy. Oıyn nátıjelerine kelsek, «Myrza-adaı» qurama komandasy  «Jýaly» komandasyn 2:0 esebimen utsa, «Naryn» komandasy men «Jýaly» komandasy arasyndaǵy oıyn 6:1 esebimen aıaqtaldy. Sóıtip, fınaldyq oıyn «Naryn» komandasy men «Myrza-adaı» komandalary arasynda ótti. Aqtyq básekede tájirıbesi mol «Naryn» komandasy týrnır jeńimpazy atandy. Oıyn 7:0 esebimen aıaqtaldy.

1 oryn – «Naryn» komandasy

2 oryn – «Myrza-adaı» komandasy

3 oryn – «Jýaly» komandasy

ALAMAN BÁIGE (Daraboz-2019)

  8 aınalymnan turatyn 25 shaqyrymdyq alaman báıgede 12 sáıgúlik baq synady. Bul at jarysynda aldyńǵy kelgen 5 júırikke júlde berildi.

1-oryn: Almaty oblysy Qarasaı aýdanynan kelgen «Jel» atty aǵylshyn tuqymdy 4 jasar kúreń aıǵyr. Shabandozy – Aqjol Jumataı, at ıesi – Álnur Nazarbaev, bapkeri – Bolat Bóbekbaev.

2-oryn: Qaraǵandy oblysynan kelgen «Buıryq atty aǵylshyn tuqymdy 6 jasar qara aıǵyr. Shabandozy – Erkebulan Eltaı, at ıesi ári bapkeri – Jasulan Seıilov.
3-oryn: Batys Qazaqstan oblysynan kelgen «Batyr» atty aǵylshyn tuqymdy 4 jasar qara aıǵyr. Shabandozy – Dáýren Bısultan, at ıesi Janqabyl Sátbaev, bapkeri – Ernaz Sátbaev.
4-oryn: Almaty oblysynan kelgen «Kerýha» atty aǵylshyn tuqymdy 5 jasar keri aıǵyr. Shabandozy – Asylqul Aqan, at ıesi – Asylbek Seıtáshimov, bapkeri – Qaıyrjan Rahymbaev.
5-oryn: Pavlodar oblysy Baıanaýyl aýdanynan kelgen «Aqtilek» atty aǵylshyn tuqymdy 5 jasar qarager aıǵyr. Shabandozy – Erhan Yrysbaev, at ıesi – Birilik Kárimov, bapkeri – Maqsat Nurjanuly.

TOP BÁIGE (Daraboz-2019)
       12 shaqyrymdyq top báıgede jıyrmaǵa jýyq sáıgúlik baq synady.  Bas báıgesine 2 mln teńge tigilgen top báıgede de 5 atqa júlde berildi.

1-oryn: Aqtóbe oblysynan kelgen «Mısıs» atty aǵylshyn tuqymdy 4 jasar tory qasqa aıǵyr. Shabandozy – Aldııar Sansyzbaı, at ıesi – Bekbol Baıjarqynov, bapkeri – Darhan Dáýelov.

2-oryn: Jambyl oblysynan kelgen «Germes» atty aǵylshyn tuqymdy 3 jasar tory baıtal. Shabandozy – Baýyrjan Úrgenishbaev, at ıesi – Esbol Japbasov, bapkeri – Muhamed Halyq.
3-oryn: Nur-Sultan qalasynan kelgen «Qazyna» atty aǵylshyn tuqymdy 5 jasar qarager aıǵyr. Shabandozy – Erhan Yrysbaev, at ıesi – Danıel Karımov, Maqsat Nurjanuly.
4-oryn: Aqtóbe oblysynan kelgen «Sherhaná» atty aǵylshyn tuqymdy 3 jasar jıren qasqa aıǵyr. Shabandozy – Músilim Turaqbaı, at ıesi – Bekbol Baıjarqynov, bapkeri – Darhan Dáýelov.

5 oryn. Atyraý oblysynyń júırigi «Gúlsezim» atty tory baıtal. Shabandozy – Arystanbaı Qasıet, at ıesi Jastalap Tankıev, at bapkeri – kenje О́mirqul.

QUNAN BÁIGE (Daraboz-2019)

7  shaqyrymdyq qunan báıgede 23 jas tulpar baq synady. Bas báıge Almaty oblysynyń «Albantory» atty júırigine buıyrdy.

1 oryn – «Albantory» (Almaty oblysy), shabandozy – Súnetaı Nurbolat, at ıesi Merhat Bulǵynov, at bapkeri – Nurjigit Tabyldıev.

2 oryn – «Aqjaıyq» (Shyǵys Qazaqstan oblysy), shabandozy – Raýan, at ıesi – Jarqyn Temirbaev, at bapkeri – Rınat Shahıdbaev.

3 oryn – «Baqtory» (Almaty oblysy), shabandozy – Aqjol Jumataı, at ıesi – Álnur Nazarbaev, at bapkeri – Bolat  Bóbekbaev.

4 oryn – «Indısata» (Aqtóbe oblysy), shabandozy – Turaqbaı Mýslım, at ıesi – Bekbol Baıjarqynov, at bapkeri – Darhan Dáýelov.

5 oryn – «Týrnır» (Shymkent qalasy), shabandozy – Amanjol Jandos, at ıesi – Jeńis Tozaqbaev, at bapkeri – Eltaı Qılybaev.

JORǴA JARYS (Daraboz-2019)

Júrisinen sý tógilmes jorǵa jarystyń bas báıgesi 2 mln teńge boldy. Bul jarysta Soltústik Qazaqstan oblysynan kelgen Arman Qabdýllaevtyń eki jorǵasynyń biri bas báıgeni alsa, ekinshisi  besinshi oryndy ıelendi.

1-oryn: Soltústik Qazaqstan oblysynan kelgen «Revansh» atty qaraker jorǵa. Shabandozy – Aleksandr Kornılov, at ıesi – Arman Qabdýllaev, bapkeri – Aleksandr Kornılov.

2-oryn: Almaty oblysynank elgen «Alt» atty aǵylshyn tuqymdy 4 jastaǵy tory jorǵa. Shabandozy – Bolat Sısebek, at ıesi – Dıas Aıdos, bapkeri – Janǵabyl Qymyzbaev. (1 mln teńge)

3-oryn: Aqtóbe oblysynan kelgen «Bórte» atty boz jorǵa. Shabandozy – Andreı Zeınovoı, at ıesi – Serik Muqashev, bapkeri – Arman Starov. (500000 teńge).

4-oryn: Almaty oblysynan kelgen «Aıagóz» atty aǵylshyn tuqymdy 5 jastaǵy boz jorǵa. Shabandozy – Asylqul Aqyn, at ıesi – Asylbek Seıtáshimov, bapkeri – Qaıyrjan Raqymbaev. (300000 teńge).

5-oryn: SQO-dan kelgen «Motıv» atty tory jorǵa. Shabandozy – Alena Dakýchaeva, at ıesi – Arman Qabdýllaev, bapkeri – Aleksandr Kornılov. (200000 teńge).

TAZY ITTER JARYSY (Daraboz-2019)

Qazaqtyń  taza qandy tazy ıtteriniń jyldamdyǵyn anyqtaý jáne taza tuqymdy  tazy ıtterdiń tuqymǵa sáıkestigin anyqtaýǵa arnalǵan jarysqa Atyraý óńirinen barlyǵy 45 tazy qatysty.  Tuqymǵa sáıkestiligin baıqaý kezeńinde bulardyń ishinen 9 kúshik tazyǵa eń joǵary upaı berildi. Ádilqazylar alqasy 36 eresek tazylar arasynan 28 ıtti asyl tuqymdy, 8 ıtti asyl tuqymǵa jaqyn dep baǵalady. Tazy ıtterdi baǵalaý alqasyna halyqaralyq dárejedegi 3 ekspert qatysty. Jarystyń bas tóreshisi – respýblıkalyq «Tazy-Tóbet-Bóribasar» federaııasynyń prezıdenti Oralbek Toqtaruly Qaısanov boldy.

 1 oryn – «Tuıǵyn», ıesi – Dúısalıev

2 oryn – «Nóker», ıesi – Muhtarov

3 oryn – «Joldy», ıesi – Oralov

4 oryn – «Qumaı», ıesi – Ábdirahmanov

5 oryn – «Qyran», ıesi – О́miralıev