Ońlasyn atbegi ómirden ozdy

Jetisý óńirine atbegilik ónerimen tanymal bolǵan Ońlasyn qarııa   fánıden baqıǵa attandy, dep habarlady Ulttyq sport qaýymdastyǵy. Sanaly ǵumyryn asyl tuqymdy jylqy baǵýmen ótkizgen tájirıbeli atbegi, kánigi shabandoz týraly keńinen sóz qozǵaýdy aldaǵy kúnderdiń enshisine qaldyrdyq. Al,  Jetisý óńirine esimi máshhúr Əbiqaı Japarov, Nərken Qalybekov syndy ataqty atbegilerden tálim alǵan Ońlasyn aqsaqaldyń ónegeli ómiri yqshamdaı aıtqanda tómendegideı óriledi.

Ońlasyn  SATYBALDYULY – 1940 jyly Almaty oblysy,  Jambyl aýdany, Degeres aýylynda dúnıege kelgen. Jetisý óńirine esimi málim qart atbegi seksen jasynda ómirden ozdy.  

Ońlasyn Satybaldyuly bala kúninen júırik atqa qumar bolyp, aýyl, aýdan kóleminde ǵana emes, Almaty qalasy ıppodromyndaǵy jarystarda shabandozdyq óner kórsetken. Almaty ıppodromynda ótken 1958 jylǵy alaman báıgede Ońlasyn shabandoz «Ábiqaıtory» atty júırikpen bas júldeni oljalaıdy.

Ońlasyn Satybaldyuly  55 jasynda Qyrǵyzstan respýbıkasy uıymdastyrǵan uzaq qashyqtyqtaǵy alaman báıgege qatysty (1995 j). «Manas» eposynyń 1 000 jyldyǵy qurmetine arnalǵan bul alaman báıgeniń qashyqtyǵy  bir myń shaqyrymdyq. Ár shabandoz qos atpen baq synaǵan kóp kúndik alaman báıge Túrkimenstan astanasy Ashhabadtan bastalǵan.

Jetisý óńirine esimderi áıgili Əbiqaı Japarov, Nərken Qalybekov syndy ataqty atbegilerdi ustaz tutqan Ońlasyn atbegi shırek ǵasyr ishinde Qarlyǵash, Elik, Shaǵala, Súlikqara, Suńqar, Narbota, Kerbota, Kóktaı, Sarytaı, Basbatyr, Jibek, Gerkýles, Aqtanaý, Daratory, Botakóz, Tasqara, Berikqara sııaqty sáıgúlikterdi baptap, kóptegen respýbıkalyq alaman báıgelerdiń bas júldelerin oljalapty.

Almaty óńirindegi Aryqbaev Berik, Nurbaev Ǵalymjan, Qalybekov Aıdos, Quttybaı Jandos syndy jas bapkerler Ońlasyn atbeginiń təlim-tərbıesin alǵan shákirtteri. Qart atbegi sońǵy jyldary Almaty oblysy, Jambyl aýdany, Suńqar aýylynda turdy. Ońlasyn atbeginiń uly  Ertileý Satybaldıev elimizge tanymal atbegi, báıge túrlerinen Bas tóreshi, respýblıkalyq «Báıge» federaııasynyń vıe-prezıdenti.

Búgin Ulttyq sport qaýymdastyǵynyń prezıdenti Bekbolat Tileýhan Ońlasyn atbeginiń uly  Ertileý Satybaldıevke qaıǵyly qazaǵa sabyr tilegen kóńil aıtý jedelhatyn joldady.