بەردىقۇلوۆ بايقاۋى باستالدى

مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى جۋرناليستەر اراسىندا قوعام قايراتكەرى، پۋبليتسيست، قازاق سپورت جۋرناليستيكاسىنىڭ كوشباسشىسى سەيداحمەت بەردىقۇلوۆتىڭ اتىنداعى بايقاۋدىڭ بولاتىنىن حابارلادى.

سىيلىق جىلىنا ءبىر رەت ءۇش جەڭىمپازعا تاپسىرىلادى. ونىڭ ىشىندە ەكى سىيلىق — مەملەكەتتىك ءتىلدىڭ مارتەبەسىن كوتەرۋ ماقساتىندا قازاق تىلىندە جاريالانعان ماتەريالدارعا، ءبىر سىيلىق — ورىس تىلىندە شىققان ماتەريالعا بەلگىلەنگەن.

• ۇمىتكەرلەر الەم جانە ازيا چەمپيوناتتارىنا، الەم كۋبوكتارىنا، حالىقارالىق جارىستارعا جانە قازاقستان بىرىنشىلىكتەرىنە ارنالعان جاريالانىمدار (وچەركتەر، ماقالالار، تالداۋ، تەلەترانسلياتسيالار، تەلەكوپىرلەر جانە ت.ب.)،
• باق-تا بۇقارالىق سپورتتى، بالالار مەن جاسوسپىرىمدەر اراسىنداعى سپورتتى، مۇگەدەكتەر اراسىنداعى جانە ۇلتتىق سپورت تۇرلەرىنەن ويىندار (سپارتاكيادالار، تۋرنيرلەر، ۇلتتىق سپورت تۇرلەرى فەستيۆالى، اۋىل سپورتى) مەن باسقا دا جارىستارعا ارنالعان ماتەريالداردى قامتۋى ءتيىس.
• سونداي-اق، ەلىمىزدە دەنە شىنىقتىرۋ جانە سپورت سالاسىنىڭ پروبلەمالارىن كوتەرۋ جانە ونىڭ شەشۋ جولدارىن كورسەتۋ،

ليتسەنزيالىق جارىستاردى ناسيحاتتاۋ (تەلە جانە راديو تۇسىرىلىمدەر مەن باعدارلامالار، ينتەرنەت، گازەت جانە جۋرنالداعى ماقالالار مەن وچەركتەر) قۇپتالادى.

بايقاۋعا 2019 جىلى شىققان اۆتورلىق جۇمىستار (كىتاپتار، سپورتتىق ەنتسيكلوپەديالار، ت.ب.) دا قاتىسا الادى.

وتىنىشتەر مەن ماقالالار نۇر-سۇلتان قالاسى، ماڭگىلىك ەل كوشەسى، مينيسترلىكتەر ءۇيى، 6 قابات، سپورت جانە دەنە شىنىقتىرۋ ىستەرى كوميتەتىنىڭ ءباسپاسوز قىزمەتىندە («2019 جىلعى س. بەردىقۇلوۆ اتىنداعى بايقاۋعا» دەگەن بەلگىمەن) قابىلدانادى.

قابىلداۋ مەرزىمى — 2019 جىلدىن 13 جەلتوقسانىنا دەيىن. وتىنىمدەردى rauhan_13@bk.ru ادرەسىنە دە جىبەرە الاسىزدار.

بايقاۋدىڭ جەڭىمپازدارى «سەيداحمەت بەردىقۇلوۆ اتىنداعى سىيلىقتىڭ لاۋرەاتى» ارنايى توسبەلگىسىمەن ماراپاتتالىپ، ديپلوم جانە اقشالاي سىيلىققا يە بولادى. اتالعان مالىمەتتى  سپورت جانە دەنە شىنىقتىرۋ ىستەرى كوميتەتى (www.sport.gov.kz)  مەن ۇلتتىق شتاتتىق كوماندالار ديرەكتسياسىنىڭ رەسمي سايتتارىنان تابا الاسىز. لاۋرەاتتاردىڭ اتى-ءجونى اقپارات قۇرالدارىندا جانە جوعارىدا اتالعان سايتتاردا جاريالانادى.

قوسىمشا مالىمەت الۋ ءۇشىن مىنا تەلەفون نومەرىنە حابارلاسۋعا بولادى  87711838853