Úzdikter «Altyn tuǵyrda» anyqtaldy

Ulttyq sport qaýymdastyǵynyń uıymdastyrýymen, «Nur Otan» partııasynyń qoldaýymen «Qazmedıa» ortalyǵynyń konert zalynda «Altyn Tuǵyr-2019» atty ulttyq sport úzdikterin marapattaý jıyny ótti, dep habarlady Ulttyq sport qaýymdastyǵy.

Ulttyq sport salasyndaǵy úzdikterdiń mereıin kóterýdi maqsat tutqan «Altyn tuǵyr» saltanatty jıyny bıyl jetinshi márte uıymdastyryldy. Dástúrli marapattaý jıynyna «Nur Otan» partııasy tóraǵasynyń birinshi orynbasary Baýyrjan Baıbek, Mádenıet jáne sport vıe-mınıstri Eldos Ramazanov, Sport jáne deneshynyqtyrý isteri komıtetiniń tóraǵasy Serik Sapıev, Ulttyq sport qaýymdastyǵynyń qurmetti prezıdenti, general-maıor Qaırat Satybaldyuly, Májilis depýtaty, Ulttyq sport qaýymdastyǵynyń prezıdenti Bekbolat Tileýhan men basqa da laýazym ıeleri qatysyp, ulttyq sporttyń jyl úzdikterine syılyqtar tapsyryp, quttyqtaý sóz sóıledi.

«Altyn tuǵyr» saltanatyna qatysqan kópshilik elimizge tanymal sahna ónerpazdarynyń sazdy áýenderin tamashalady.

Bıylǵy «Altyn tuǵyr» syılyǵynyń ıegerleri — 2019 jylǵy ulttyq sporttyń respýblıkalyq, halyqaralyq básekesinde dara shyqqan jeńimpazdar boldy. Aýdaryspaq, teńge ilý, jamby atýdan, kókpardan Almatyda ótken Jastar arasyndaǵy I Azııa chempıonatynda, «Altyn jebe» I álem chempıonatynda jeńimpaz atanǵan, báıge men qusbegilik básekelerinde top jarǵan jáne toǵyzqumalaqtan, asyq atýdan, qazaq kúresinen halyqaralyq jarystarda júldeli oryn ıelengen kóptegen sportshylar «Altyn tuǵyr» syılyǵyna laıyq dep tanyldy.

Atap aıtsaq, ulttyq sport túrleriniń úzdikter nomınaııasy boıynsha «Úzdik mergender» – Aıkóz Eralhan men Babajan Baqdáýlet, «Úzdik báıge attary» – «Qoıanqasqa», «Úshqońyr», «Qyzjıren», «Úzdik aýdaryspaq balýandary» – Amanjol Nurbek, Quralbaı Ermek, Imanǵazyuly Narmaǵanbet, Aǵabek Ǵabıt, «Úzdik qazaq kúresiniń balýany» – Tutqyshev Narıman, «Úzdik toǵyzqumalaq oıynshysy» – Temirbaev Ǵalymjan, «Úzdik asyq atý komandasy» – Nur-Sultan qalasynyń komandasy, «Úzdik búrkitshi» – Serikbolsyn Jalǵasuly, «Úzdik teńge ilý sportshysy» – Ǵalymjan Izjanov, «Úzdik kókpar komandasy» – kókpardan QR Jastar qurama komandasy, «Úzdik kókparshy» – Qurmanbek Turǵanbek, «Ulttyq at sportynyń úzdik tóreshisi» – Erlan Júsipov, «Úzdik jattyqtyrýshy» – Arslan Qabjanov, «Úzdik ulttyq sport klýby» – «Áýlıe ata» ulttyq sport klýby, «Jappaı kókpar úzdikteri» – Ǵalymjan Myrzabaev, Jomart Zııabek atandy. Sondaı-aq, Almaty oblysynyń ákimi Amandyq Batalov pen Ulttyq olımpıada komıtetiniń bas hatshysy Sáken Musaıbekovke «Elimjan» medali tabys etilip, uzaq jyldar osy salaǵa eńbek sińirgen kóptegen ardagerlerge qurmet kórsetildi.