SportPress.kz Qazaqstan sport jańalyqtary
Búgin ulttyq sportty damytýǵa arnalǵan úsh kúndik alqa májilisiniń qorytyndy jıyny bolyp ótti, dep habarlady Ulttyq sport qaýymdastyǵy.
Elordadaǵy Ulttyq mýzeıde ótken jıyndy júrgizgen Ulttyq sport qaýymdastyǵynyń prezıdenti Bekbolat Tileýhan birneshe kúndik alqa májilisiniń mán-mańyzyn aıta kelip, ýaqyttaryn bólip arnaıy kelgen barsha qatysýshylarǵa óz rızalyǵyn jetkizdi. Mádenıet jáne sport vıe-mınıstri Eldos Ramazanovtyń quttyqtaý haty oqyldy.
Qorytyndy jıynnyń kún tártibi boıynsha «2019 jyly atqarylǵan is-sharalardyń qorytyndysy jáne 2020 jylǵa arnalǵan kúntizbelik jospardaǵy is-sharalar» týraly Ulttyq sport qaýymdastyǵynyń atqarýshy dırektory Nursultan Ibragımovtyń, «QR Ulttyq sport qaýymdastyǵy men memlekettik organdar arasyndaǵy qarym-qatynasty nyǵaıtý» týraly Sport jáne dene shynyqtyrý isteri komıtetiniń basqarma basshysy Qarlyǵash Ramazanovanyń jáne «Álemdik etnosport» týraly «Dástúrli sadaq atý» federaııasynyń prezıdenti Azamat Ospanovtyń baıandamalary tyńdaldy.
Sondaı-aq, Qaýymdastyq prezıdenti osy jıynda kókpar, aýdaryspaq, jamby atý, teńge ilý sport túrleri boıynsha jańadan taǵaıyndalǵan federaııa basshylary men vıe-prezıdentterdi tanystyrdy. Atap aıtsaq, «Kókpar» sport túri boıynsha – Muhtar Imashev, «Aýdaryspaq» sport túri boıynsha – Danııar Qobylandın, «Jamby atý» sport túri boıynsha – Erlan Saýranbaev, «Teńge ilý» sport túri boıynsha – Qýanysh Kýrashev syndy ulttyq sport túrlerine birneshe jyl qoldaý kórsetip kelgen isker, kásipker azamattar Qaýymdastyqtyń vıe-prezıdenti qyzmetine taǵaıyndaldy.
Májilis sońynda ulttyq sporttyń damýyna belsendi túrde úles qosyp, eńbek sińirgen qyzmetkerler men sport mamandaryna Ulttyq sport qaýymdastyǵynyń alǵys hattary tapsyrylyp, syılyqtar tabys etildi.
Eske salyp ótsek, ulttyq sportty damytýǵa arnalǵan úsh kúndik alqa májilisiniń ótken eki kúninde ulttyq sportqa qatysty bir qatar máseleler talqylanyp, óz sheshimin tapty. Jańa redakııadaǵy Erejeler bekitildi. Bas tóreshilerdiń jyl boıy atqarylǵan jumystary jóninde esepteri tyńdalyp, sport túrlerinen 2020 jylǵa bas tóreshiler jańadan saılandy. Tártiptik Keńes otyrysy ótti.
