Almatyda jyldyń úzdikteri anyqtaldy

Búgin qazaq sportynyń qara shańyraǵy, álemdegi eń úzdik oqý oryndarynyń biri – Qazaqtyń Sport jáne Týrızm akademııasynda elimizdiń abyroıyn asqaqtatyp, kók týymyzdy kókke kóterip júrgen búgingi kún batyrlary, elimizdiń eń úzdik sportshylaryn marapattaý saltanaty men «Uly dala batyrlary» kitabynyń tusaýkeseri bolyp ótti.

Osymen úshinshi jyl qatarynan Qazaqtyń Sport jáne Týrızm akademııasy men «Sport juldyzdary» respýblıkalyq jýrnalynyń uıymdastyrýymen ótip otyrǵan bul sharaǵa bıyl qazaq sporty juldyzdarynyń bir shoǵyry jınaldy. Onyń basty sebebi, olardyń jeńiske toly sporttyq joldary týraly «Uly dala batyrlary» kitabyna jazylǵan bolatyn.

Igilikti shara Qazaqtyń Sport jáne týrızm akademııasynyń birinshi prorektory Muhtar Esqalıevtiń Jaqsylyq Úshkempirov aǵamyzdy KazStanyń 75 jyldyq medalimen marapattaýdan bastaldy. Odan keıin jeńil atletıkadan Keńes Odaǵynyń 8 dúrkin chempıony jáne KSRO qarýly kúshteriniń 14 dúrkin chempıony atanyp, Eýropa kýbogyn ıelenip, KSRO halyqtary spartakıadasynyń jeńimpazy bolǵan Ámın Tuıaqov pen grek-rım kúresinen Máskeý Olımpıadasynyń chempıony, eki dúrkin KSRO chempıony, álem chempıony jáne álem kýbogynyń ıegeri jáne Eńbek eri atanǵan álemdegi jalǵyz sportshy Jaqsylyq Úshkempirov aǵalarymyz kitaptyń tusaýyn kesip, ózderiniń aq batasyn berdi.

Jınaqqa shyqqan maqtanyshtarymyzǵa «Sport ardageri» tósbelgisi men kitap tabys etildi. Olar: Bokstan 3 dúrkin KSRO chempıony jáne Eýropa chempıony Serik Nurqazov, Qazaqtan shyqqan tuńǵysh kásipqoı boksshy, eki dúrkin KSRO chempıony Kárimjan Abdrahmanov, Bokstan TMD chempıony, eki dúrkin Azııa chempıony jáne Olımpıada oıyndarynyń qola júldegeri, bul kúnderi Vengrııa qurama komandasynyń bas jattyqtyrýshysy qyzmetin atqaryp júrgen Bolat Nııazymbetov, sambodan eki dúrkin KSRO chempıony, eki dúrkin KSRO qarýly kúshteriniń chempıony, KSRO men álem kýbogynyń ıegeri, Eýropa chempıony, sheberler arasynda álemniń 8 dúrkin chempıony Almas Mýsabekov, sambodan eki dúrkin KSRO men Eýropa chempıony, álem kýbogynyń ıegeri Aıtjan Shańǵaraev, sambodan jastar arasynda eki dúrkin KSRO chempıony, álem chempıony Máden Qalıekov, bokstan jasóspirimder arasynda eki dúrkin KSRO chempıony, Azııa oıyndarynyń chempıony jáne álem kýbogynyń ıegeri Arkadıı Topaev, dzıýdodan KSRO chempıonatynyń kúmis júldesine ıe bolǵan tuńǵysh qazaq Bostan Jańbyrbaev, bokstan jastar arasynda eki dúrkin KSRO chempıony, eresekter arasynda eki dúrkin álem chempıonatynyń júldegeri, Olımpıada chempıony jáne júldegeri Ermahan Ibraımov. Qurmetti qonaqtar qatarynda qazaq boksynyń atasy Shoqyr Bóltekulynyń qyzy Toty Shoqyrqyzy apamyz da boldy.

Osydan keıin qazaq sportynda óshpesteı iz qaldyryp, óz esimderin altyn árippen jazyp qaldyrǵan osy aǵalarymyz «Jyl úzdikteri-2019» jeńimpazdaryn marapattap qurmet kórsetti. Sport salasynda jyl ishinde orasan zor tabystarǵa qol jetkizip, júzden júırik, myńnan tulpar shyqqandar:

1. «QR úzdik oblystyq sport basqarmasy – 2019» jeńimpazy Qyzylorda oblysynyń dene shynyqtyrý jáne sport basqarmasy (Basshysy Oljas Akımov)
2. «QR úzdik sportqa janashyr aýdan ákimi – 2019» jeńimpazy Qaıratbek Sársenbaev (Qyzylorda oblysy, Jalaǵash aýdanynyń ákimi)
3. «QR úzdik buqaralyq is-sharalar uıymdastyrýshy — 2019» jeńimpazy QR mektep sporty federaııasy (Bas dırektory Nurjan Nurahmetov)
4. «QR úzdik sport janashyry -2019» jeńimpazy Kelbatyr Qulǵazıev («Mako» JShS prezıdenti, Atyraý oblysy, Qulsary qalasy)
5. «QR úzdik sport janashyry -2019» jeńimpazy Baýyrjan Musaqanov (Qaraǵandy oblystyq qazaq kúresi federaııasynyń prezıdenti)
6. «QR úzdik sport janashyry -2019» jeńimpazy: Anatolıı Veklıch (Qostanaı oblysy, Rýdnyı qalasy)
7. «QR úzdik qazaq kúres federaııasy — 2019» jeńimpazy Azııa qazaq kúres federaııasy (prezıdenti Serik Kenenbaı, birinshi orynbasary Jıan Lın Song)
8. «QR úzdik sambo federaııasy — 2019» jeńimpazy: Mańǵystaý oblystyq sambo federaııasy (prezıdenti Aıdos Aqjanov)
9. «QR úzdik ámbebap jekpe-jek federaııasy — 2019» jeńimpazy Qyzylorda oblystyq ámbebap jekpe-jek federaııasy (Prezıdenti Nurbek Jarmahanov)
10. «QR úzdik paradzıýdo federaııasy – 2019» jeńimpazy: QR Dzıýdo Paralımpıada federaııasy (Prezıdenti Qanatqalı Dýsalıev)
11. «QR úzdik aýdandyq sport bólimi – 2019» jeńimpazy Atyraý oblysy, Jylyoı aýdany dene shynyqtyrý jáne sport bólimi (Bólim basshysy mindetin atqarýshy Abzal Bekenov)
12. «QR úzdik aýdandyq fýtbol federaııasy – 2019» jeńimpazy Batys Qazaqstan oblysy, Jánibek aýdandyq fýtbol federaııasy (Prezıdenti Jandos Ýalıev)
13. «QR úzdik aýdandyq ulttyq sport federaııasy – 2019» jeńimpazy Batys Qazaqstan oblysy, Jánibek aýdandyq at sporty federaııasy (Prezıdenti Nurbolat Shagırov)
14. Qalybek Ernazarov (Saga-Omega» JShS bas dırektory, Aqtóbe qalasy)
15. «Qazaq sport jýrnalıstıkasynyń qaıratkeri» jeńimpazy Qultas Dostanov («Prezıdent jáne Sport» jýrnalynyń bas redaktory, Almaty qalasy)
16. «QR úzdik sport mektebi — 2019» jeńimpazy №4 OMBJORM (Aqtóbe qalasy) (Dırektory Bolat Eńsepbaev)
17. «QR úzdik sport mektebi — 2019» jeńimpazy «Jas batyr» OMBJSM. (Dırektory Manarbek Bısekenov, Mańǵystaý oblysy)
18. «QR úzdik sport mektebi — 2019» jeńimpazy Qyzylorda oblysynyń joǵary sport sheberligi mektebi (Dırektory Baǵdat Qalenov)
19. «QR úzdik aýdandyq sport mektebi — 2019» jeńimpazy №4 Jylyoı aýdandyq BJSM. (Dırektory Jumabaı Qudaıbergenov, Atyraý oblysy)
20. «QR úzdik sportshysy – 2019» jeńimpazy Talǵat Jumaǵalıev (Atyraý oblysy, Jylyoı aýdany)
21. «QR úzdik sportshysy – 2019» jeńimpazy Tursynbaı Qulahmet (Qyzylorda oblysy)
22. «QR úzdik samboshysy – 2019» jeńimpazy Dáýren Tólegenov (Mańǵystaý oblysy)
23. «QR úzdik paradzıýdoshy – 2019» jeńimpazy Zarına Baıbatına (Atyraý oblysy)
24. «QR úzdik paradzıýdo bapkeri – 2019» jeńimpazy Naran Eshıbaev (QR paradzıýdodan aǵa bapkeri)
25. «QR úzdik bapkeri – 2019» jeńimpazy Ábýtálip Amanov (Qyzylorda oblysy)
26. «QR úzdik sambo bapkeri – 2019» jeńimpazy Berik Jumaǵalıev (Mańǵystaý oblysy)
27. «QR úzdik ardager samboshy — 2019» jeńimpazy Almas Mýsabekov (Taraz qalasy)
28. «QR úzdik ardager doıbyshy — 2019» jeńimpazy Berik Pshanov (Jambyl oblysy, Qarataý qalasy)
29. «QR úzdik karate-do shotokan bapkeri – 2019 jeńimpazy Baǵlan Kúlbaev (Taraz qalasy)
30. «QR úzdik sport klýby – 2019» jeńimpazy «Raıymbek Pıkchers» kásipqoı sport klýby (Prezıdenti Azat Qataýbaev, Almaty)
31. «QR úzdik sportqa janashyr mektep — 2019» jeńimpazy Almaty oblysy, Tekeli qalalyq №5 orta mektebi (Dırektory Elmıra Imanberdıeva)
32. «QR úzdik sportqa janashyr mektep — 2019» jeńimpazy Jambyl oblysy, Tóle bı orta mektebi (Dırektory Janat Shardarbekova)
33. «QR JOO dene shynyqtyrý jáne sport salasynyń úzdik oqytýshysy — 2019» jeńimpazy Nursapa Ahmetov (Sh.Esenov atyndaǵy Kaspıı memlekettik tehnologııalar jáne ınjırıng ýnıversıteti, dene shynyqtyrý kafedrasynyń doenti)
34. «QR úzdik oblystyq sport ádiskeri — 2019» jeńimpazy Alı Qabaqov (Mańǵystaý aımaqtyq dene tárbıesi ortalyǵy dırektorynyń orynbasary)
35. «QR Jyl jańalyǵy — Otkrytıe goda RK — 2019» jeńimpazy «Sport-radio» (dırektory Ilıa Pýstogachev, Nur-Sultan qalasy)
36. «QR úzdik baspasóz hatshysy – 2019» jeńimpazy Laýra Shońǵalova (Qyzylorda oblysynyń dene shynyqtyrý jáne sport basqarmasynyń baspasóz hatshysy)
37. «QR úzdik sport sarapshysy – 2019» jeńimpazy Aspandııar Esenjolov (Aqtóbe qalasy)
38. «QR úzdik sport júrgizýshisi — 2019» jeńimpazy Erjan Muqash («Sport-radio» bas redaktory, Nur-Sultan qalasy)
39. «QR úzdik sport jýrnalısi — 2019» jeńimpazy Dastan Kenjalın (www.sportpress.kzaqparattyq-saraptamalyq sport saıtynyń bas redaktory, Nur-Sultan qalasy)
40. «QR úzdik dene shynyqtyrý páni muǵalimi — 2019» jeńimpazy Jambyl Esirkepov (Taraz «Parasat» kolledji)
41. «QR úzdik dene shynyqtyrý páni muǵalimi — 2019» jeńimpazy Berik Alımhodjaev (Almaty oblysy, Qarasaı aýdany)
42. «QR úzdik dene shynyqtyrý páni muǵalimi — 2019» jeńimpazy Ǵanı Sadyqov (Jambyl oblysy, Tólebı orta mektebi)
43. «QR úzdik dene shynyqtyrý páni muǵalimi — 2019» jeńimpazy Nurlybek Jumahan (Qostanaı oblysy, Arqalyq qalasy)
44. «QR úzdik áskerı-patrıottyq baǵyttaǵy ustaz — 2019» jeńimpazy Qaırat Ramazan (Almaty oblysy, Tekeli qalasy
45. «QR úzdik áskerı-patrıottyq baǵyttaǵy ustaz — 2019» jeńimpazy Baqyt Tashenov (Aqtóbe oblysy, Hromtaý aýdany)

Qazaqtyń birtýar azamattarynyń qolynan atalǵan jyl úzdikteri marapattarǵa ıe boldy. El maqtanyshtarynan alǵan marapattary olarǵa aldaǵy ýaqytta jańasha qulshynyspen, erekshe shabytpen jumys isteýge serpin beredi degen oıdamyz!
«Beıbitshilik álemi» halyqaralyq qazaq tvorchestvolyq birlestigi marapattaý komıssııasynyń tóraıymy, qurmetti professor Gúlııa Imanova men karateden 5-shi dan ıegeri, Gınnestiń Qazaqstandyq rekordtar kitabyna 3 ret engen Jamalı Dıhanuly sport sańlaqtaryna ásem ánnen shashý shashqan qazaq estradasynyń retro-juldyzy О́ktem Altaevqa «Beıbitshilik álemi» birlestigi atynan «Altyn qyran» ordenin tapsyryp, erekshe qurmet kórsetti.

«Sport juldyzdary» respýblıkalyq jýrnalynyń bas redaktory, qazaq jýrnalıstıkasynyń qaıratkeri, Qazaqtyń Sport jáne Týrızm akademııasynyń qurmetti professory, «Uly dala batyrlary» kitabyn qurastyrýshy Mýsaǵalı Tasqalıev shara sońynda osy jınaqty shyǵarýǵa qarjylaı qoldaý kórsetken, Grek-rım kúresinen qatarynan 7 dúrkin Keńes Odaǵynyń chempıony atanǵan tarıhtaǵy jalǵyz balýan, KSRO halyqtary spartakıadasynyń jeńimpazy jáne Olımpıada oıyndarynyń kúmis júldegeri, álem chempıony, eki dúrkin Eýropa chempıony, eki márte álem kýbogynyń ıegeri, Azııa oıyndarynyń jáne Azııanyń eki dúrkin chempıony, qazaqtyń birtýar azamaty Dáýlet Bolatuly Turlyhanov aǵamyzǵa shyn júrekten alǵys aıtty.

Osy keshke qatysqan barlyq sport juldyzdaryna zor densaýlyq tilep, rızashylyǵyn bildirdi. Kitaptyń tusaýyn kesken qazaqtyń ardaqty azamattary Ámın Tuıaqov pen Jaqsylyq Úshkempirov aǵalarymyzǵa QazSta birinshi prorektory Muhtar Esqalıev jáne Olımpıada chempıony Ermahan Ibraımov úsheýi qazaqtyń dástúrimen shapan jaýyp, qurmet kórsetti.

Búgingi keshte marapatqa ıe bolǵan barlyq jyl úzdikterine marapattaryńyz qutty bolsyn jáne jeńisti kúnderińiz kóp bolsyn deımiz! «Uly dala batyrlary» kitabyna engen asyl aǵalarymyzdyń jeńisti joly keıingi jas urpaqqa úlgi bolyp, olardyń izin jalǵastyrýshy jastarymyz álemdik syndarda Alashtyń atyn shyǵarady degen úmittemiz! Qazaq sporty jasasyn! Qazaq sportynyń maqtanyshtary aman júrsin!

 

Jandos AIaNBEKULY,

«Sport juldyzdary»

 ALMATY