ەلامان ەرعاليەۆ «قازاقستان بارىسى» اتاندى

استانادا ءوتىپ جاتقان قازاق كۇرەسىنەن «قازاقستان بارىسى-2017» تۋرنيرىنىڭ جەڭىمپازى انىقتالدى..

الماتى وبلىسىنىڭ وكىلى ۇلان رىسقۇل مەن «اسكەر بارىسى» ەلامان ەرعاليەۆ باس جۇلدەگە تالاستى. اسا تارتىستى وتكەن شەشۋشى سىندا ەلامان ۇلاندى قاپى قالدىرىپ «قازاقستان بارىسى-2017» اتاعىن جەڭىپ الدى. وسىلايشا ۇلان رىسقۇل كۇمىس جۇلدەگەر، ايبەك نۇعىماروۆ قولا جۇلدەگەر اتاندى.

جارىس قورىتىندىسى بويىنشا ءبىرىنشى ورىندى جەڭىپ العان ەرعاليەۆ 25 ميلليون تەڭگەنى جانە التىن بەلبەۋ مەن التىن تايتۇياققا يە بولدى. ال ونىڭ باپكەرىنە 3،5 ميلليون تەڭگە سىياقى تاپسىرىلدى. ەكىنشى ورىن العان ۇلان رىسقۇل 5،5 ميلليون تەڭگەمەن ماراپاتتالسا، باپكەرى 1،8 ميلليون تەڭگەگە يە بولدى. ۇزدىك ۇشتىكتى تۇيىندەگەن ايبەك نۇعىماروۆقا 1،8 ميلليون تەڭگە سىياقى تاپسىرىلسا، باپكەرى 900 مىڭ تەڭگەنى قانجىعاسىنا بايلادى.