Elaman Erǵalıev «Qazaqstan barysy» atandy

Astanada ótip jatqan qazaq kúresinen «Qazaqstan barysy-2017» týrnıriniń jeńimpazy anyqtaldy..

Almaty oblysynyń ókili Ulan Rysqul men «Ásker barysy» Elaman Erǵalıev bas júldege talasty. Asa tartysty ótken sheshýshi synda Elaman Ulandy qapy qaldyryp «Qazaqstan barysy-2017» ataǵyn jeńip aldy. Osylaısha Ulan Rysqul kúmis júldeger, Aıbek Nuǵymarov qola júldeger atandy.

Jarys qorytyndysy boıynsha birinshi oryndy jeńip alǵan Erǵalıev 25 mıllıon teńgeni jáne altyn belbeý men altyn taıtuıaqqa ıe boldy. Al onyń bapkerine 3,5 mıllıon teńge syıaqy tapsyryldy. Ekinshi oryn alǵan Ulan Rysqul 5,5 mıllıon teńgemen marapattalsa, bapkeri 1,8 mıllıon teńgege ıe boldy. Úzdik úshtikti túıindegen Aıbek Nuǵymarovqa 1,8 mıllıon teńge syıaqy tapsyrylsa, bapkeri 900 myń teńgeni qanjyǵasyna baılady.