SportPress.kz قازاقستان سپورت جاڭالىقتارى
6-8 اقپان كۇندەرى نۇر-سۇلتان قالاسىندا IMMAF حالىقارالىق ارالاس جاۋىنگەرلىك جەكپە-جەك ۇيىمىنىڭ ديرەكتورلار كەڭەسى ءوتتى، دەپ حابارلادى قازاقستاندىق مما ارالاس جاۋىنگەرلىك جەكپە-جەك فەدەراتسياسىنىڭ ءباسپاسوز قىزمەتى.
وعان IMMAF پرەزيدەنتى كەريت براۋن، IMMAF ديرەكتورلار كەڭەسىنىڭ مۇشەسى جانە ازيا ايماعى بويىنشا ديرەكتورى ۆيسام ابي نادەر، وزبەكستان رەسپۋبليكاسى ارالاس جاۋىنگەرلىك جەكپە-جەك قاۋىمداستىعىنىڭ ۆيتسە-پرەزيدەنتى شەرزود توشماتوۆ جانە مما قازاقستاندىق ارالاس جاۋىنگەرلىك جەكپە-جەك فەدەراتسياسىنىڭ باس ديرەكتورى ۆاليحان تەن قاتىستى.
كەڭەستە ورتالىق ازيا ايماعىندا مما ارالاس جاۋىنگەرلىك جەكپە-جەگىن دامىتۋ جانە تانىمال ەتۋ، بيىلعى جىلدىڭ ماۋسىمىندا نۇر-سۇلتان قالاسىندا مما ارالاس جەكپە-جەكتەن ازيا چەمپيوناتىنىڭ وتكىزۋ، سونداي-اق، قازاقستان، وزبەكستان، قىرعىزستان، تاجىكستان جانە ءازىربايجان ەلدەرىنىڭ مما ارالاس جەكپە-جەكتەن ورتالىق ازيا كونفەدەراتسياسىن قۇرۋ ماسەلەلەرى كەڭىنەن تالقىلاندى.
ودان كەيىن سوڭعى كوتەرىلگەن ماسەلە بويىنشا ناقتى كەلىسىم جاسالدى. ياعني، وتىرىستا مما ورتالىق ازيا كونفەدەراتسياسىن قۇرۋ تۋرالى حاتتاماعا قول قويىلدى. ونىڭ پرەزيدەنتى بولىپ وزبەكستان ارالاس جاۋىنگەرلىك ونەر قاۋىمداستىعىنىڭ باسشىسى وتتابەك وماروۆ تاعايىندالدى. ال كونفەدەراتسيانىڭ ۆيتسە-پرەزيدەنتى لاۋازىمىنا IMMAF ديرەكتورلار كەڭەسىنىڭ مۇشەسى يسكاندەر كارىم مەن مما قازاقستان بىرىككەن فەدەراتسياسىنىڭ باس ديرەكتورى ۆاليحان تەن بەكىتىلدى. كەڭەستە سونداي-اق، ۇيىمنىڭ شتاب-پاتەرى وزبەكستاندا ورنالاساتىن بولىپ شەشىلدى.
جيىندا IMMAF پرەزيدەنتى كەريت براۋن ازيا چەمپيوناتىنىڭ قازاقستاندىق مما فەدەراتسياسىنىڭ قولداۋىمەن ءتيىس دەڭگەيدە وتەتىنىنە سەنىم بىلدىرە وتىرىپ، قازاقستان سپورتشىلارىنىڭ حالىقارالىق جارىستارداعى جەتىستىكتەرىنە كوڭىلى تولاتىنىن، سونداي-اق، بيىلعى چەمپيوناتتا دا قازاقتار جاقسى ونەر كورسەتەتىنىن ايتتى.
كەڭەس قازاقستاندىق مما ارالاس جاۋىنگەرلىك جەكپە-جەك فەدەراتسياسىنىڭ ۇيىمداستىرۋىمەن ءوتتى. قازاقستاندىق مما فەدەراتسياسى ءانۋار سادىقۇلوۆ. فەدەراتسيا قازاقستاننىڭ جاۋىنگەرلىك ونەر قاۋىمداستىعىنىڭ قامقورلىعىمەن جۇمىس ىستەيدى.
