SportPress.kz قازاقستان سپورت جاڭالىقتارى
وسى كۇندەرى الەمنىڭ ەكىنشى ۇستازى اتانعان ءال-ءفارابيدىڭ 1150 جىلدىعىنا ارنالعان VIII قازاقستان ۋنيۆەرسياداسىنىڭ ويىندارى ودان ءارى جالعاسىپ جاتىر.
بۇگىن قىسقى پرەزيدەنتتىك كوپسايىستان جارىستار اياقتالدى. بۇل سىندا قىزدار اراسىندا ءبىرىنشى ورىندى س. امانجولوۆ اتىنداعى شقمۋ، ەكىنشى ورىندى ە.ا. بوكەتوۆ اتىنداعى قارمۋ، ءۇشىنشى ورىندى ءو. سۇلتانعازين اتىنداعى قمپۋ ستۋدەنتتەرى جەڭىپ الدى. بۇل تۋرالى ءبىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعىنىڭ» ءباسپاسوز قىزمەتى حابارلادى.
ەرلەر اراسىنداعى جارىستار دا قىزىقتى جانە تارتىستى ءوتتى. مۇندا م.قوزىباەۆ اتىنداعى سقمۋ-ءنىڭ جاستارى الدىنا جان سالماي، باس بايگەنى جەڭىپ السا، ەكىنشى ورىندى ءو. سۇلتانعازين اتىنداعى قمپۋ-ءنىڭ ستۋدەنتتەرى يەلەندى. ال ءۇشىنشى ورىندى س.امانجولوۆ اتىنداعى شقمۋ-ءنىڭ سپورتشىلارى قاناعات تۇتتى.
جارىس سوڭىندا ستۋدەنتتەردى ۋنيۆەرسياداعا دايىنداعان جاتتىقتىرۋشىلار دا ماراپاتتالدى.
