Aýyl shekarasyn qalaı jabýǵa bolady?

…Sálem, DOSTAR! Meniń keshegi AÝYL jaıly tolǵanyp jazǵanym shyn júrekten edi. Jasyratyny joq, bizdiń Úkimet Prezıdentimizdiń pármenimen myna beti aýlaq indettiń aldyn alý sharalaryn álemdegi mańdaı aldy memleketterdiń biri retinde oryndap,elimizdi bul páleniń erkin jaılaýynan saqtap qaldy! Syrttan kelgen kúmándi adamdardy oqshaýlaý jumysy da ýaqytyly,tasqan jaýapkershilikpen júrgizildi. Biraq álemdik mysaldy qarap otyrsaq,bul pále esikti japsań bosaǵadan jelmen kirip ketetin jyndaı eshkimge jalyn sıpatpaı tur ǵoı. Oǵan mysal – onyń álemniń bar memleketine taralýy! …AÝYL jaıly aıtqanda biz bári kelip tur, bári tirelip tur dep jatqan joqpyz. Ondaı kúnniń beti aýlaq! Tek Jaratqannyń ózi «Saqtansań – saqtaımyn!» degenine súıenip, aldyn ala qorǵanyp jatqanymyz.

Aýyldardyń shekarasyn qalaı jabýǵa bolady? Búginde aýyl bitkennen qalaǵa keletin joldarǵa temir-beton nemese tas dýaldan bóget qoıýdyń qajeti joq. Ondaı kún týmaı-aq qoısyn! Tek ár oblystaǵy aýyl-aýyldan qalalarǵa,aýdan ortalyqtaryna keletin kúre tamyrdaı joldarǵa polıııa, OMON, áskerıler, eriktiler qatarynan bir adamnan kúzet qoısa bolǵany. Ýaqytsha ala syryq (shlagbaým) kerip qoısa tipti jaqsy. Sol kúzet jónsiz jóńkilgen aýyl kólikterin keri qaıtaryp turýy kerek! Ári olardyń memlekettik nómirlerin jazyp alyp,ortalyq bazaǵa jibersin. Júrgizýshige eger osy kólik ne aýdan,ne oblys ortalyǵynan kózge tússe aıyppul tóleıtini eskertilsin. Árıne, sebeppen kelgen kólik,júrgizýshi jiberiledi. Qalada da sol tártip qoı. Aýyldardan júz jol shyqqanymen qalaǵa kiretin kúre joldar kóp emes. Mysaly,meniń aýdanymnyń ortalyǵy Úshtóbe qalasy. Aýyl men qala ortasy 200 shaqyrymdaı. Eshkim bul qalaǵa jaıaý kelmeıdi ǵoı. Úshtóbege jan-jaǵynan kóp bolsa 5-7 jol kiredi. Bar óńirde solaı. El erteńi úshin olardy kúzete turǵannan kem bolmaımyz! Tek aýyl-aýylǵa azyq-túlik pen aýyz sý jetkizý máselelerin únemi nazarda ustaǵan jón. Jasyrmaımyz,aýyl-aýyldan qalaǵa kelip,bala-shaǵasyna nápaqa tabatyndar da kóp bul kúnde. Amal joq,shydaı turýǵa týra keledi. Álemdegi qalalardaǵy aıyna mıllıon dollar tabatyn mekemelerdiń jumysshy-qyzmetshileri de úıde otyr emes pe búgin! Bul sharalar ásirese jumyssyz ishteri pysyp,qala kórmese tura almaıtyn aqylsyz jastardyń elge zııany tıer pálelerge ushyrap qalýynan saqtaıdy. …Sonymen qatar, oblys ákimshilikteri bas bolyp,aýyl-aýylǵa medıınalyq qural-jabdyq,dári-dármekter jibere berýge pármen bergeni jón. Qamsyz otyrmasyn. Ol dúnıeler aýyldaǵy elge jáı kúnde de kerek. Myna pále indettiń de aldyn aldy ǵoı memleketimiz. Sol úlgi bolsyn jer-jerdegi ákimderge!!! …Durys deseńizder osy oıdy ary qaraı kópshilikke,ákim-qaralarǵa jetkizýge qol ushyn berińizder!

 Nesip JÚNISBAIULY, jýrnalıst-jazýshy, sport qaıratkeri,

Qazaqstan Respýblıkasynyń eńbek sińirgen qaıratkeri.