«ءبىز بىرگەمىز!» اكتسياسى باستالدى

ەلباسى، «Nur Otan» پارتياسىنىڭ توراعاسى ن.ءا. نازارباەۆتىڭ تاپسىرماسى بويىنشا پارتيالىق جوبالاردىڭ اياسىندا 18 ناۋرىزدان باستاپ «#Biz birgemiz!» اكتسياسى باستالدى. قازىرگى ۋاقىتتا «Nur Otan» پارتياسىنىڭ الماتى قالالىق فيليالىمەن 1000-نان استام اسا قاجەتتىلىكتى تالاپ ەتەتىن قالالىق ازاماتتارعا كومەك كورسەتىلدى، دەپ حابارلادى Nomad MMA قازاقستان رەسپۋبليكالىق فەدەراتسياسىنىڭ ءباسپاسوز قىزمەتى.

كارانتين كەزەڭىندە ەگدە جاستاعى جالعىزباستى ادامدارعا ازىق-ت ۇلىك ساتىپ الۋ جانە تاماق دايىنداۋ قيىندىق تۋدىرادى.

وسىعان وراي، «#Biz birgemiz!» اكتسياسى مەن «ارداگەرلەردى ارداقتايىق» پارتيالىق جوباسىنىڭ اياسىندا «Nur Otan» پارتياسىنىڭ الماتى قالالىق فيليالى، الماتى قالاسىنىڭ اكىمدىگى جانە Nomad MMA قازاقستان رەسپۋبليكالىق فەدەراتسياسى 27 ناۋرىزدان باستاپ 90 جاستان اسقان جالعىز باستى قارت ادامداردىڭ ۇيىنە تەگىن ىستىق تاماق جەتكىزۋدى ۇيىمداستىرماق.

–ەلىمىز ءۇشىن تۋعان قيىن ساتتەردە ەلباسىنىڭ نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ تۇرعىنداردى قولداۋ بويىنشا شاقىرۋىنا ءبىز – NOMAD MMA فەدەراتسياسى، قازاقستاندىق مما ارالاس جاۋىنگەرلىك جەكپە-جەگى بويىنشا بىرىككەن فەدەراتسياسى جانە قازاقستاننىڭ جاۋىنگەرلىك ونەر قاۋىمداستىعىمەن بىرلەسە وتىرىپ «#Biz birgemiz!» اكتسياسىن قولداۋ ماقساتىندا كارانتين كەزەڭىنىڭ اياعىنا دەيىن 90 جاستان اسقان بارلىق جالعىز باستى قارت ادامداردى كۇن سايىن ىستىق تاماقپەن قامتاماسىز ەتۋدە ءوز ۇلەسىمىزدى قوسايىق دەپ شەشتىك. قازىر بۇل ادامدارعا كومەك قاجەت، ولار تاماق دايىنداۋعا شاماسى جوق. ءبىز كومەك قاجەت بولعان كەزدە شەت قالمايمىز جانە بارلىق كۇش-جىگەرىمىزدى جۇمسايمىز، – دەدى Nomad مما رەسپۋبليكالىق فەدەراتسياسىنىڭ پرەزيدەنتى گادجي گادجيەۆ.

سونىمەن قاتار ول سپورتشىلاردى جاي عانا ءوسىرۋ ەمەس، جاس ۇرپاقتى وتانسۇيگىشتىك رۋحتا تاربيەلەپ، سالت-ءداستۇرىمىزدى ساقتاپ، اعا بۋىنعا قۇرمەت پەن قامقورلىق جاساۋدى ۇيرەتۋ كەرەكتىگىن ايتتى.

-ءبىزدىڭ «Jas Otan» جاستار قاناتىنىڭ ەرىكتىلەرى كۇن سايىن اسا قاجەتتىلىكتى تالاپ ەتەتىن از قامتىلعان ازاماتتارعا كومەك كورسەتىپ ءجۇر. ارنايى شوتقا قاراجات بولگەن ءبىزدىڭ كاسىپكەرلەر دە شەتتە قالماي، وزدەرىنىڭ قوماقتى ۇلەستەرىن قوسۋدا. ءبىز وسى قيىن-قىستاۋ ۋاقىتتا بارلىق ازاماتتاردى بىرىگىپ، ءبىر-بىرىمىزگە كومەكتەسۋگە شاقىرامىز. ءبىز بىرگەمىز!، – دەدى ءمادي احمەتوۆ، «Jas Otan» جق الماتىلىق فيليالىنىڭ توراعاسى.

ءوز كەزەگىندە تىل فرونتىنىڭ ارداگەرى ورازكۇل ماميسەروۆا ىستىق تاماق تۇرىندە كورسەتىلگەن كومەك ءۇشىن العىسىن ءبىلدىرىپ: «Nur Otan» پارتياسىنا راقمەت. ءبىز ەشقاشان ارداگەرلەردى ۇمىتقان ەمەسسىزدەر. بۇل شىنىمەن دە سەنۋگە بولاتىن پارتيا. ەلباسى مەن پرەزيدەنتىمىزگە بىزگە ارناپ جاساپ جاتقان قامقورلىعى ءۇشىن مىڭ العىس!»، – دەدى.

اتالعان اكتسيا اياسىندا كۇن سايىن كارانتين كەزەڭىنىڭ اياعىنا دەيىن 400-دەن استام اسا قاجەتتىلىكتى تالاپ ەتەتىن قارت ادامداردى ىستىق تاماقپەن قامتاماسىز ەتۋ جوسپارلانعان.

 #BizBirgemiz! #مىۆمەستە! #NurOtan #Almaty #NurOtanAlmaty #JasOtan