SportPress.kz Qazaqstan sport jańalyqtary
Ulttyq Olımpıada komıteti (QR UOK) men «DrýgoıTy» YouTube arnasy birigip, karantın ýaqytynda úıde dene shynyqtyrýǵa arnalǵan jattyǵýlardy bastaıdy. Bul týraly Qazaqstandyq MMA aralas jaýyngerlik jekpe-jek birikken federaııasy habarlady.
Búgingi arnaıy shyǵarylymda 2016 jylǵy Olımpıada oıyndarynyń chempıony, Azııa oıyndarynyń úsh dúrkin chempıony, Ýnıversıada oıyndarynyń jeńimpazy, júzýden Qazaqstan Respýblıkasynyń eńbek sińirgen sport sheberi Dmıtrıı Balandın jattyǵý ótkizedi. Onyń karantın kezinde deneniń shynyǵýyna áseri kóp bolady.
Ulttyq Olımpıada komıteti karantınde dene tárbıesimen aınalysqysy keletin adamdardy qoldaı otyryp, Olımpıada chempıondary men fıtnes salasyndaǵy belgili kásibı mamandardyń jattyǵýlaryn Fıtnes – online-keshenine tirkedi.
Sondaı-aq, búgin fıtnesten kásipqoı maman Damır Esenovtyń dene shynyqtyrýǵa arnalǵan trenıngi ótedi.
Fýnkıonaldyq jattyǵýlar ózimiz kúndelikti jasatyn tizeni búgý, alǵa umtylý, otyryp turý, aıaqpen, qolmen ıterý, tartý, buraý jáne burý sekildi dene qozǵalystarynan turady.
Jattyǵýlar men qyzyqty baǵdarlamalardy ár dúısenbi, sársenbi jáne juma kúnderi kóre alasyzdar. Bul baǵdarlamalar tek koronavırýs pandemııasyna baılanysty karantın kezinde ǵana emes, ol aıaqtaǵannan keıin de sportpen aınalysýǵa múmkindik beredi. «DrýgoıTy» YouTube-arnasymen jáne Ulttyq Olımpıada komıtetimen birge deneńizdi bir qalypta ustańyz.
Úıde otyryńyzdar, aýrýdan saqtanyńyzdar!
