داۋىس بەرگەن بارلىق جانكۇيەرگە العىس ايتامىز!

ونلاين-فۋتبولدان قازاقستان جۋرناليستەر ليگاسىنىڭ ۇيىمداستىرۋىمەن وتكەن «كارانتينو CUP» تۋرنيرىندە «حابار» اگەنتتىگىنىڭ «Khabar» كومانداسى جەڭىسكە جەتتى.

بۇل تۋرنير ەلدە كارانتيننىڭ جاريالانۋىنا بايلانىستى داۋىس بەرۋ پىشىنىندە BAQ League جوباسىنىڭ ينستاگرامداعى پاراقشاسىندا جۇرگىزىلدى. ياعني، اتالعان الەۋمەتتىك جەلىگە تىركەلگەن وقىرمان پاراقشاعا كىرىپ، ءبىر رەت داۋىس بەرە الدى. جارىس ەكى اپتاعا سوزىلىپ، وعان 16 كوماندا قاتىستى. كوماندالار كۇن سايىن ونلاين ويىندار وتكىزدى. وسى سايىستاردا داۋىس بەرۋ ناتيجەسىندە ەڭ كوپ ۇپاي جيناعان كلۋب كەلەسى كەزەڭگە شىعىپ وتىردى. ال فينال «Khabar» مەن «Qsport» سايتىنىڭ كوماندالارى اراسىندا ءوتتى. بۇل ويىن 23 مىڭعا جۋىق وقىرماندى جينادى. داۋىس بەرۋ 16 ءساۋىر كۇنى كەشكى ساعات 23.30-دا باستالىپ، كەلەسى كۇنى ساعات 23.00-دە ءبىتتى.

بۇل دودادا «Khabar» كلۋبى 10 725 داۋىس جيناپ، 9 106 داۋىس العان «Qsport» كومانداسىنان باسىم ءتۇستى. وسى جەردە كارانتين كەزىندە ونلاين-فۋتبول وتكىزگەن BAQ League جوباسىنىڭ جەتەكشىسى ءازيز جۇمادىلگە العىس ايتامىز. سونداي-اق، قىزىقتى جانە تارتىستى تۋرنيرگە قاتىسقان بارلىق كومانداعا جانە داۋىس بەرگەن جانكۇيەرلەرگە ريزاشىلىعىمىزدى بىلدىرەمىز.

ەندى مەنىڭ ءوز ويىما كەلسەم، «Khabar» كومانداسى قازاقستان جۋرناليستەر ليگاسى (Bag league بىرىنشىلىگى) باستالعالى بەرى الاڭدا جاقسى ويناپ، مىقتىلىعىن دالەلدەپ ءجۇر. ولار تاعى قازاقستاننىڭ اۋەسقوي فۋتبول ليگاسىندا دا وينايدى. ەلدەگى بۇكىل جۋرناليستەردىڭ نامىسىن قورعاپ، باسقا كوپتەگەن مەكەمەلەردىڭ كلۋبتارىمەن كۇش سىناسىپ كەلەدى. سوندىقتان مەن جۋرناليست بولعان سوڭ، اۋەسقوي فۋتبولشىلار ليگاسىندا «Khabar» ۇجىمىنا بولىسىپ ءجۇرمىن جانە وعان بولىسا بەرەمىن دە.

ال كوماندانىڭ شەتەلدەگى جارىستارىنا كەلسەم، بۇل كوماندا ءبىزدىڭ ەلدىڭ اتىنان جۋرناليستەردىڭ حالىقارالىق ليگاسىنا قاتىسىپ كەلە جاتقان جالعىز كلۋب. مەنىڭ بىلۋىمشە، «Khabar» جاساعىنىڭ جىگىتتەرى شەتەلدە قازاقستاننىڭ نامىسى ءۇشىن جان اياماي ويناپ جاتىر. قازىر جەر-جۇزىندە تاۋ-تاستى قوپاراتىن تولاعايلار وتە كوپ. سونداي ادامدار شەتەلدىك ارىپتەستەرىمىزدىڭ اراسىندا دا بار. مىنە، سولارمەن جىگىتتەردىڭ يىق ءتۇيىستىرىپ، يىق تەڭەستىرىپ كۇش سىناسىپ جاتقاندارىنا ريزا بولاسىڭ. ويىن بولعان سوڭ، الاڭدا نەشە ءتۇرلى جاعداي بولادى. سونداي كەزدە ەلدىڭ نامىسى مەن كوك بايراعىمىزدى بيىكتەن كورسەتۋ ءۇشىن «Khabar» ويىنشىلارى اق تەر، كوك تەرگە ءتۇسىپ، يىقتارىن شىعارىپ، اياقتارىنان جاراقات العان جاعدايلارى دا بولعان. مىنە، ەرلەردىڭ الاڭداعى ايقاستارى وسىنداي بولادى.

سوندىقتان مەن «كارانتينو CUP» ونلاين-تۋرنيرىندە ءوز داۋىسىمدى «Khabar» كومانداسىنا بەردىم جانە سىزدەردەن دە سونى سۇرادىم.

Bag league جوباسىنىڭ كارانتينو كۋبوگىن ۇيىمداستىرىپ جاتقانى جاقسى باستاما بولدى. بىراق كۋبوكتىڭ يەگەرىن انىقتاۋ كەزىندە تەڭبىل دوپ ونەرىن تۇسىنەتىن، ونى باعالايتىن ادامداردىڭ داۋىستارى باسىمىراق بولسا دەدىم. تۇپتەپ كەلگەندە ءبىر اللا تاعالانىڭ بۇيرىعىمەن قارسىلاستارىنان 1 616 داۋىس كوپ جيناعان «Khabar» كومانداسى كۋبوكتىڭ يەگەرى اتاندى.

ارىپتەستەرىمىزدى وسى جەڭىسىمەن قۇتتىقتايمىز! لايىقتى جەڭىس بولدى. داۋىس بەرۋ دە جاقسى ءوتتى.

قۇرمەتپەن، فۋتبول جانكۇيەرى، سپورت ءجۋرناليسى، Sportpress.kz اقپاراتتىق-ساراپتامالىق سپورت سايتىنىڭ باس رەداكتورى داستان كەنجالين