• Қазақ
  •   
  • Qazaq
  •   
  • قازاق
  •   
  • Рус
  •   

    Daýys bergen barlyq jankúıerge alǵys aıtamyz!

    Onlaın-fýtboldan Qazaqstan Jýrnalıster lıgasynyń uıymdastyrýymen ótken «Karantıno CUP» týrnırinde «Habar» agenttiginiń «Khabar» komandasy jeńiske jetti.

    Bul týrnır elde karantınniń jarııalanýyna baılanysty daýys berý pishininde BAQ League jobasynyń Instagramdaǵy paraqshasynda júrgizildi. Iaǵnı, atalǵan áleýmettik jelige tirkelgen oqyrman paraqshaǵa kirip, bir ret daýys bere aldy. Jarys eki aptaǵa sozylyp, oǵan 16 komanda qatysty. Komandalar kún saıyn onlaın oıyndar ótkizdi. Osy saıystarda daýys berý nátıjesinde eń kóp upaı jınaǵan klýb kelesi kezeńge shyǵyp otyrdy. Al fınal «Khabar» men «Qsport» saıtynyń komandalary arasynda ótti. Bul oıyn 23 myńǵa jýyq oqyrmandy jınady. Daýys berý 16 sáýir kúni keshki saǵat 23.30-da bastalyp, kelesi kúni saǵat 23.00-de bitti.

    Bul dodada «Khabar» klýby 10 725 daýys jınap, 9 106 daýys alǵan «Qsport» komandasynan basym tústi. Osy jerde karantın kezinde onlaın-fýtbol ótkizgen BAQ League jobasynyń jetekshisi Ázız Jumadilge alǵys aıtamyz. Sondaı-aq, qyzyqty jáne tartysty týrnırge qatysqan barlyq komandaǵa jáne daýys bergen jankúıerlerge rızashylyǵymyzdy bildiremiz.

    Endi meniń óz oıyma kelsem, «Khabar» komandasy Qazaqstan Jýrnalıster lıgasy (Bag league birinshiligi) bastalǵaly beri alańda jaqsy oınap, myqtylyǵyn dáleldep júr. Olar taǵy Qazaqstannyń Áýesqoı fýtbol lıgasynda da oınaıdy. Eldegi búkil jýrnalısterdiń namysyn qorǵap, basqa kóptegen mekemelerdiń klýbtarymen kúsh synasyp keledi. Sondyqtan men jýrnalıst bolǵan soń, Áýesqoı fýtbolshylar lıgasynda «Khabar» ujymyna bolysyp júrmin jáne oǵan bolysa beremin de.

    Al komandanyń sheteldegi jarystaryna kelsem, bul komanda bizdiń eldiń atynan Jýrnalısterdiń halyqaralyq lıgasyna qatysyp kele jatqan jalǵyz klýb. Meniń bilýimshe, «Khabar» jasaǵynyń jigitteri shetelde Qazaqstannyń namysy úshin jan aıamaı oınap jatyr. Qazir jer-júzinde taý-tasty qoparatyn Tolaǵaılar óte kóp. Sondaı adamdar sheteldik áriptesterimizdiń arasynda da bar. Mine, solarmen jigitterdiń ıyq túıistirip, ıyq teńestirip kúsh synasyp jatqandaryna rıza bolasyń. Oıyn bolǵan soń, alańda neshe túrli jaǵdaı bolady. Sondaı kezde eldiń namysy men kók baıraǵymyzdy bıikten kórsetý úshin «Khabar» oıynshylary aq ter, kók terge túsip, ıyqtaryn shyǵaryp, aıaqtarynan jaraqat alǵan jaǵdaılary da bolǵan. Mine, erlerdiń alańdaǵy aıqastary osyndaı bolady.

    Sondyqtan men «Karantıno CUP» onlaın-týrnırinde óz daýysymdy «Khabar» komandasyna berdim jáne sizderden de sony suradym.

    Bag league jobasynyń Karantıno kýbogyn uıymdastyryp jatqany jaqsy bastama boldy. Biraq kýboktyń ıegerin anyqtaý kezinde teńbil dop ónerin túsinetin, ony baǵalaıtyn adamdardyń daýystary basymyraq bolsa dedim. Túptep kelgende bir Alla taǵalanyń buıryǵymen qarsylastarynan 1 616 daýys kóp jınaǵan «Khabar» komandasy kýboktyń ıegeri atandy.

    Áriptesterimizdi osy jeńisimen quttyqtaımyz! Laıyqty jeńis boldy. Daýys berý de jaqsy ótti.

     

    Qurmetpen, fýtbol jankúıeri, sport jýrnalısi, Sportpress.kz aqparattyq-saraptamalyq sport saıtynyń bas redaktory Dastan KENJALIN

    2 pikir

    1. Tólenbı Ramazan Ablahatuly

      Quttyqtaımyn , tek alda bolýlaryńa tilektespin!

    Pikir jazý

    Your email address will not be published. Required fields are marked *

    *