ۇلتتىق ويىننان ونلاين تۋرنير ءوتتى

18-19 ساۋىردە توعىزقۇمالاق  ءتۋرنيرى Iggamecenter.com پلاتفورماسىندا ءوتتى. ءبىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعى» مەن توعىزقۇمالاق سپورتى فەدەراتسياسى بىرلەسىپ وتكىزگەن جوعارى وقۋ ورىندارىنىڭ ستۋدەنتتەرى اراسىنداعى بۇل تۋرنيرگە 89 ستۋدەنت قاتىستى. بۇل تۋرالى مينيسترلىكتىڭ اتالعان ورتالىعىنىڭ ءباسپاسوز قىزمەتى حابارلادى.

تۋرنيردە ۇلدار اراسىندا ءبىرىنشى ورىندى رينات كەرەيباەۆ (پاۆلودار مپۋ) جەڭىپ الدى. ەكىنشى ورىندى م.ساپارباەۆ اتىنداعى وقگي-نىڭ ستۋدەنتى  ابىلايحان سۇلەيمەن يەلەنسە، ءۇشىنشى ورىندى ازامات قايداروۆ (اقتوبە ءومۋ) پەن قورقىت اتا اتىنداعى قمۋ-ءنىڭ وكىلى اسىلبەك قارجاۋباەۆ ءبولىستى.

قىزدار اراسىندا پاۆلودار مپۋ-ءنىڭ ستۋدەنتى ارۋجان ابدىحانوۆا جەڭىمپاز اتاندى. كۇمىس جۇلدەگە گۇلجانات الدابەرگەنوۆا (اقتوبە ءومۋ) يە بولسا، قولا مەدالدى راحماتۋللاەۆا ارۋجان (قازۇمۋ) مەن قازاق باس  ساۋلەت قۇرىلىس اكادەمياسىنىڭ ستۋدەنتى ايتولعان ءاجتۇرلى قاناعات تۇتتى.

جەڭىمپازداردى قۇتتىقتاي وتىرىپ، بارشا جاستاردى سپورتتى سەرىك ەتۋگە شاقىرامىز!