توعىزقۇمالاقتان ونلاين تۋرنير مارەسىنە جەتتى

ءبىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعى» مەن توعىزقۇمالاق سپورتى فەدەراتسياسىنىڭ ۇيىمداستىرۋمەن مەكتەپ وقۋشىلارى اراسىندا اباي قۇنانباي ۇلىنىڭ 175 جىلدىق مەرەيتويىنا ارنالعان ءتۋرنيردىڭ جەڭىمپازدارى انىقتالدى. تۋرنير 2-3 مامىردا  iggamecentre.com سايتىندا ونلاين ءتۋرنيرى ءوتتى. بۇل تۋرالى مينيسترلىكتىڭ اتالعان ورتالىعىنىڭ ءباسپاسوز قىزمەتى حابارلادى.

وعان ەلىمىزدەگى  3 قالا مەن 14 وبلىستان 68 وقۋشى، سونىڭ ىشىندە 1 سپورت شەبەرى، 24 سپورت شەبەرىنە ۇمىتكەر قاتىستى. جارىس شۆەيتسار جۇيەسىمەن 9 تۋر بليتس تۇرىندە وتكىزىلدى.

ۇلدار اراسىندا ءبىرىنشى ورىندى جۇماكەلدى تۇراقباي  (ماڭعىستاۋ)‪ جەڭىپ الدى. ەكىنشى ورىنعا دياس جانباۋ (اقتوبە)، ءۇشىنشى ورىنعا دارحان انۋاربەكوۆ (بقو) پەن ‪ ەرجىگىت مۇحيت (الماتى ق.) يە بولدى.

قىزدار اراسىندا ءبىرىنشى ورىندى جانسايا كابراشەۆا (قوستاناي) يەلەندى. ەكىنشى ورىندى جانسايا توعىزباەۆا (ماڭعىستاۋ)، ءۇشىنشى ورىندى انەل امانگەلدى (اقتوبە) مەن ارايلىم قۇسايىنوۆا (اتىراۋ) قاناعات تۇتتى.