بالا ويىنمەن وسەدى

مەملەكەتتىك ساياساتتى بالالاردىڭ مۇددەلەرى ءۇشىن ىسكە اسىرۋعا جانە ولاردىڭ قۇقىقتارىن قامتاماسىز ەتۋگە قوعامنىڭ نازارىن اۋدارۋدا مەملەكەتتىك قۇرىلىمداردىڭ، قوعامدىق، ۇكىمەتتىك ەمەس، حالىقارالىق ۇيىمداردىڭ، ىسكەر توپتاردىڭ، بۇقارالىق اقپارات قۇرالدارىنىڭ كۇشتەرىن بىرىكتىرۋ ماقساتىندا 1 ماۋسىم – حالىقارالىق بالالار قورعاۋ كۇنىنە ارنالعان «بارلىعى بالالار ءۇشىن» رەسپۋبليكالىق اكتسياسى اياسىندا رەسپۋبليكا بويىنشا ءتۇرلى ءىس-شارالار ۇيىمداستىرىلادى. «بارلىق جاقسىلىق بالالار ءۇشىن» ۇرانى مەرەكەلىك ءىس-شارالاردا نەگىزگى قاعيدا بولادى. بۇل تۋرالى ءبىلىم جانە عىلىم مينيسترلىگى ۇلتتىق عىلىمي-پراكتيكالىق دەنە تاربيەسى ورتالىعىنىڭ ءباسپاسوز قىزمەتى حابارلادى.

ءبىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعى» جەرگىلىكتى دەنە تاربيەسى ورتالىقتارىمەن بىرلەسىپ مەكتەپ وقۋشىلارى مەن ستۋدەنتتەر اراسىندا «قازاقستان بالالارى سپورتتى تاڭدايدى» تاڭعى جاتتىعۋ جوباسىن وتكىزەدى. شاراعا ەلىمىزدىڭ 6-18 جاس ارالىعىنداعى بالالارى قاتىسادى. 1 ماۋسىم كۇنى ورتالىق دايارلاعان تاڭعى جاتتىعۋ ۇلگىسى QazSport تەلەارناسىندا كورسەتىلەدى.

«بالالار – ءبىزدىڭ جارقىن بولاشاعىمىز. مەن دە ەكى ۇلىممەن جاتتىعۋ جاساپ، دەنساۋلىقتى مىقتى ەتۋدىڭ نەگىزگى جولى سپورتپەن شۇعىلدانۋ ەكەنىن تۇسىندىرەمىن. اعا ۇرپاق دەنى ساۋ، ءبىلىمدى، تاربيەلى جاستار لەگىن قالىپتاستىرۋ جولىندا ەڭبەك ەتۋدەمىز. بۇل جوبانىڭ ماقساتى – سالاۋاتتى ءومىر سالتىن ناسيحاتتاۋ، جاتتىعۋلاردىڭ ورىندالۋ تەحنيكاسىن ۇيرەتۋ. كەشەندى جاتتىعۋلاردى ورىنداۋ ارقىلى ەپتىلىككە، يكەمدىلىككە، ءوزىن سەرگەك ۇستاي بىلۋگە تاربيەلەۋ»،  دەدى ۇلتتىق عىلىمي-پراكتيكالىق دەنە تاربيەسى ورتالىعى باس ديرەكتورىنىڭ مىندەتىن اتقارۋشى ساعدات سادىقوۆ.