SportPress.kz قازاقستان سپورت جاڭالىقتارى
قازاقستاندىق گرەك-ريم كۇرەسى شەبەرلەرى اراعا ون سەگىز جىل سالىپ الەم چەمپيوناتىنداعى جەتىستىگىن قايتالاي الدى.
پاريجدە وتكەن ءدۇبىرلى دودادا قازاقستاندىق پالۋاندار ەكى كۇمىس ەنشىلەدى. قورجىنعا العاشقى كۇمىستى 71 كەلى سالماقتاعى دەمەۋ جادىراەۆ سالدى.
59 كەلىدەگى مەيرامبەك ايناعۇلوۆ تا فينالعا دەيىن قارسىلاسىنىڭ ءبارىن جەڭگەنمەن، اقتىق بەلدەسۋدە ساتتىلىك جولداس بولماي، كۇمىس مەدالدى قاناعات تۇتتى.
بۇل قازاقستان گرەك-ريم كۇرەسى پالۋاندارىنىڭ ۇزاق كۇتكەن مەدالى بولاتىن. سوڭعى رەت قازاقستاندىق ەكى پالۋان الەم چەمپيوناتىنىڭ فينالىنا 1998 جانە 1999 جىلدارى شىققان ەدى.
1998 جىلعى الەم بىرىنشىلىگىندە باقتيار بايسەيىتوۆ پەن محيتيار مانۋكيان التىن جۇلدەگە قول جەتكىزگەن. اراعا جىل سالىپ محيتيار مانۋكيان ءوز جەتىستىگىن قايتالاسا، يۋري مەلنيچەنكو 1999 جىلعى الەم چەمپيوناتىنىڭ كۇمىس جۇلدەگەرى اتانعان.
