• Қазақ
  •   
  • Qazaq
  •   
  • قازاق
  •   
  • Рус
  •   

    ساقتانساڭ ساقتايدى

    جەر شارىنا تارالعان جامان ىندەتتىڭ قاسىرەتى ءسال بوساڭداي باستاعان سەكىلدى. دەگەنمەن دە ارقانى كەڭگە سالاتان ۋاقىت ءالى كەلگەن جوق. ول تۋرالى قازاقستان پرەزيدەنتى قاسىم-جومارت توقاەۆ حالىققا جولداۋىنا ايتقان بولاتىن.

    بۇگىنگى كۇنى سپورت سالاسى دا ايتۋلى دەرتكە قارسى بارىنشا ازىرلىكپەن قارسى تۇرىپ كەلەدى. سپورت – ول دەنساۋلىق كەپىلى. سونىمەن قاتار ەلىمىزدىڭ اتىن الەمگە شىعاراتىن بىردەن-ءبىر ماڭىزدى سالا بولعاندىقتان مەملەكەت باسشىسىنىڭ دا سپورت سالاسىنا ەرەكشە نازار اۋدارىپ وتىرعانى قۋانتادى. الماتى قالاسىندا كوپتەگەن ءىرى سپورت عيماراتتارى مەن دارىندى جاستاردى تاربيەلەپ وتىرعان سپورت مەكتەپتەرى، ينتەرنات-كوللەدجدەر جەتەرلىك. سوندىقتان دا ەلىمىزدەگى ءىرى مەگاپوليستەگى سپورت وشاقتارىنىڭ قازىرگى كەزدە ءجۇرىپ جاتقان ىندەتپەن قالاي كۇرەسۋدە قانداي شارا قولدانىپ جاتقاندىعى  بارشا جۇرتتى الاڭداتاتىن وزەكتى ماسەلە. وسى ورايدا، جۋىردا  وڭتۇستىكتەگى سپورتتىڭ قال-احۋالىن ءبىلۋ ماقساتىندا مادەنيەت جانە سپورت ۆيتسە-ءمينيسترى ساكەن مۇسايبەكوۆ  اتالعان ۆەدومستۆونىڭ الماتى قالاسىنداعى باعىنىشتى سپورت ۇيىمدارىنىڭ جۇمىسىن ارالاپ كورگەن بولاتىن.

    ءىس-ساپار بارىسىندا ۆيتسە-مينيستر  كاركەن احمەتوۆ اتىنداعى وليمپيادا رەزەرۆى رەسپۋبليكالىق مامانداندىرىلعان مەكتەپ-ينتەرنات-كوللەدجىنە جانە شاڭىراق اۋدانىنداعى رەسپۋبليكالىق مامانداندىرىلعان وليمپيادالىق رەزەرۆىنىڭ مەكتەپ-ينتەرنات-كوللەدجىنە بارىپ ارالاپ شىقتى. اتالعان وقۋ ورىندارىنىڭ ەلدەگى جاعدايعا قاتىستى كولدەنەڭ تۇرعان ماسەلەلەرىمەن تانىسىپ، مەكتەپ جاتاقحاناسى، ءار سپورت تۇرىنە ارنالعان سپورت زالدارى مەن اسحاناسىنىڭ جاي-كۇيىن كورىپ ءبىلدى. الماتىداعا  تاريحى تەرەڭدە جاتقان سپورت مەكتەپتەرىنىڭ ىشىندە كاركەن احمەتوۆ اتىنداعى وليمپيادا رەزەرۆى رەسپۋبليكالىق مامانداندىرىلعان مەكتەپ-ينتەرنات-كوللەدجىنىڭ الار ورنى بولەك. نەگىزى،  ايتۋلى مەكتەپ-كوللەدج كوپ جىلدان بەرى تۇرتسە  توزىعى كورىنەتىن شاققا كەلىپ جەتكەن بولاتىن. اللانىڭ قالاۋىمەن تاريحى تەرەڭەن تامىر العان ايتۋلى سپورت مەكتەبىنە باسشىلىققا سەيىلحان قاراقوۆ مىرزا كەلگەلى، مەكتەپ ەكىنشى تىنىسىن العانداي قۇلپىرىپ سالا سالا بەردى. مەكتەپتىڭ ىشىندەگى سپورتشىلارعا ارنالعان جاتاحانا، سپورت زالدار مەن اسحانالار جاڭا زامان اعامىنا  ساي قايتا جوندەۋدەن وتكزىلىپ، ەرەكشە  باعاسىن الدى. «جاقسى كەلدى –دەگەنشە جارىق-كەلدى دەسەڭشى»،  دەمەكشى، ءوز ىسىنە ىسكەر، بىلگىر مامان جاتپاي-تۇرماي جان-جاقتان دەمەۋ كوزدەرىن تارتىپ، قۇرىلىسىن قايتا جاڭعىرتىپ ەل كورىپ ريزا بولاتىنداي جاساپ ءبىتىردى. ال، وسى مەكتەپ اۋلاسىندا بوي كوتەرگەن ءزاۋلىم دزيۋدو اكادەمياسى تۋرالى ايتار ءسوز وزگەشە. بۇگىنگى كۇنى ءزاۋلىم سپورت كەشەندە  جاتتىعاتىن ءجاسوسپىرىم بالۋاندار تولاعاي تابىستارعا قول جەتكىزۋدە.  بۇل دزيۋدو اكادەمياسى ەلىمىزدەگى دزيۋدو كۇرەسىنە ارنالعان كوشباسشى سپورت سارايىنىڭ ءبىرى بىرەگەيى دەپ ايتۋعا تولىق نەگىز بار. بوتا بالۋاندارعا بار جاعداي جاسالعان. ءجاسوپىرىم بالۋانداردىڭ ارمانى بىرەۋ وليمپيادا اسۋىن باعىندىرۋ. ارمانى مىقتى ەلدىڭ شىعار بيىگى دە جارقىن بولارى ءسوزسىز. قازاقستاننىڭ اتىن الەمگە تانىتقان بىرقاتار شوق جۇلدىزداردىڭ توماعاسىن سىپىرىپ، قاناتىن قاتايتىپ شىعارىپ وتىرعان بەينە-ءبىر ۇستاحانا ىسپەتتەس  ايتۋلى سپورت وشاعىندا بولعان ۆيتسە-مينيستر ساكەن مۇسايبەكوۆ سپورت زالدارى مەن جاتاقحانا، اسحانالارىن تۇگەلدەي  ارالاپ كورىپ، مەكتەپ ۇجىمىنىڭ جوعارى دەڭگەيدە بار تالاپقا ساي تىڭعىلىقتى  دايىندىق جۇمىسىنا  كوزىن جەتكىزىپ كوڭىلى تولدى. ءيا، قازىرگى جاعدايعا قاتىستى سوڭعى ايلاردى وقۋشىلار مەن كوللەدج ستۋدەنتتەرى  ونلاين جۇيەسىمەن وقىپ بىتىرۋگە تۋرا كەلدى. دەگەنمەن دە مەكتەپ ۇجىمى الداعى وقۋعا قابىلداۋ ماۋسىمىنا دا ايرىقشا دايىندىق جۇرگىزدى جوسپارلاعان ەكەن.

    سونداي-اق، ۆيتسە-مينيستر دوپينگكە قارسى ۇلتتىق ورتالىقتا جانە سپورتشىلاردىڭ دوپينگكە قارسى زەرتحاناسىندا بولدى. ال دوپينگكە قارسى ۇلتتىق ورتالىق كارانتين كەزىندە دە ءوز جۇمىسىن توقتاتپاعان. وليمپياداعا ليتسەنزيا الىپ ۇلگەرگەن سپورتشىلارمەن ۇدايى بايلانىستا ورناتىپ، ءار سپورتشىمەن جەكە ونلاين كەزدەسۋ ءوتتى. سونىمەن قوسا مينيسترلىككە قاراستى 5 ۇيىمعا ارنايى دوپينگكە قارسى شارالاردى كۇشەيتۋ ماڭىزدىلىعىنا بايلانىستى ونلاين سەمينار ۇيىمداستىرىلدى.

    بارلىق وقۋ ورنىندا كارانتين شارالارى ءالى دە بولسا قاتاڭ ساقتالۋدا.

    الماتىداعى سپورت ورىندارىن ارالاعان بيلىك وكىلدەرى ساقتىق شارالارىن ءبىر ءسات بوساڭسىتپاۋدى دۇرىس دەپ وتىر.

    شىن مانىندە ەلگە ەكپىندەپ كىرگەن بۇل ىندەتكە قارسى تۇرىپ ءالى دە بولسا ساقتىق شارالارىن كۇشەيتۋدىڭ ماڭىزى زور. سوندىقتان دا ساقتانعاندى  ساقتايتىنىن  ۇمىتپاعانىمز ابزال.

     

    اقىن ورداباي ۇلى،

    الماتى

     

    پىكىر جازۋ

    Your email address will not be published. Required fields are marked *

    *