• Қазақ
  •   
  • Qazaq
  •   
  • قازاق
  •   
  • Рус
  •   

    ساعىنىپ ەسكە الامىز

    وسىناۋ ءبىر ساتتىك ومىردەن جالت ەتىپ وتكەن جاندار از با؟!  ادامنىڭ ۋاقىتى كەلگەندە ءبارىمىز دە دارمەنسىزبىز. بيىلعى 29 تامىز كۇنى قاسيەتتى تورعاي دالاسىنىڭ توپىراعىنان شىققان باۋىرىمىز، وتباسىنىڭ ارداقتى اكەسى جاڭبىرشى شالاباي ۇلى قاليەۆتىڭ «ءومىر – وتكىنشى»، «دۇنيە – جالعان» دەگەن سوزدەردى تاعى ءبىر دالەلدەپ،  ارامىزدان كەتكەنىنە قىرىق كۇن بولادى. اقجارقىن، اق پەيىلىمەن، اق كوڭىلدىگىمەن بارشا اعايىندى، بارشا ەل-جۇرتتى باۋراعان باۋىرىمىزدىڭ ماڭگىلىككە قيىلادى دەپ ويلاپپىز با؟ ءومىر اتتى وتكەلدىڭ جۇمباقتىعى دا وسى بولار، اق كەبىن بىرەۋگە ەرتە، بىرەۋگە كەش پىشىلەدى.

    جاڭبىرشى شالاباي ۇلى 1962 جىلى تورعاي وبلىسى، ارقالىق اۋدانىنا قاراستى قايىڭدى سوۆحوزىندا تۋعان. وسى اۋىلدا ەر جەتىپ، ەڭبەككە ەرتە ارالاسىپ، ەلگە قىزمەت ەتتى. ول سوۆحوزدا ءتۇرلى جۇمىستار ىستەپ، ەلدىڭ ىستىق ىقىلاسىنا، قۇرمەتى مەن سىيىنا بولەندى. جان جارى مايرا كامونقىزىمەن ءۇش ۇل ءوسىرىپ، بالالارىنا  جاقسى ءبىلىم بەرىپ، ادال ەڭبەك ەتۋگە تاربيەلەدى. ونىڭ اكەسى شالاباي قالي ۇلىنىڭ دا قايىڭدى سوۆحوزىنا ەڭبەگى سىڭگەن. وسى اۋىلدا ول مەحانيزاتور، ۇستا بولىپ جۇمىس ىستەگەن. ول كىسى دە دارحان، اقكوڭىل، اقجارقىن، ەلگە سىيلى ادام بولعان ەدى.

    قامشىنىڭ سابىنداي قايران تىرلىك ءبىر كۇنى شارت سىنارى امبەگە ايان. ءومىردىڭ ءوزى كۇشتى بولعانىمەن، وتەتىنى وكىنىشتى… «تۋماق بار جەردە، ولمەك تە بار»، دەيدى شاريعات ءسوزى. شىركىن، ءبارى ورنىمەن، ءبارى رەتىمەن كەلسە – وكىنىشتىڭ وزەنى تاسىپ، قايعىنىڭ قارا جاڭبىرى جاۋماس ەدى عوي.

    كەشە عانا ارامىزدا جارقىلداپ جۇرگەن جاڭبىرشى شالاباي ۇلىنان قاپىدا ايرىلعانىمىزدا ءبىر قاناتىمىز قايرىلدى. «ولشەۋلى ءومىر» دەيتىن حالىق ءسوزى بار. ماڭدايعا باسىلعان ءمور مەن جازىلعان جازۋدى ەشكىم وزگەرتە المايدى…

    ءبىز ەندى باۋىرىمىزدى ەسكە الۋمەن عانا جۇبانا الامىز.  وتكەن كۇننەن قالاتىن تەك قانا ەستەلىك. ول جانىمىزدان كەتسە دە جادىمىزدان وشپەيدى. جاڭبىرشى شالاباي ۇلى ادالدىعىمەن، اڭقىلداعان كوڭىلدىگىمەن، كوپشىلدىگىمەن بۇكىل ەل-جۇرتقا سىيلى دا قادىرلى بولدى.

    ول جارىق جالعاننان ماڭگىلىك باقيعا بيىلعى جىلدىڭ 19 شىلدە كۇنى اتتاندى. ارتىندا جان جارى، ءۇش بالاسى، نەمەرەلەرى، باۋىرلارى، اعايىن-تۋىس، ەل-جۇرتى، دوستارى مەن ارىپتەستەرى قالدى. بۇل ومىرگە وشپەستەي ءىز تاستادى.

    جاتقان جەرىڭ جايلى دا جارىق بولسىن. توپىراعىڭ تورقا، جانىڭ ءجانناتتان ورىن السىن. باقۇل بول، باۋىر!

    وقىعان دۇعامىز قابىل بولىپ، جاڭبىرشى شالاباي ۇلىنىڭ جانى جۇماقتا بولسىن!

     

    باۋىرلارى، اعايىندارى

    3 پىكىر

    1. سۆەتلوە پرەدستوياششەە ۆرەميا گراجدان يسحوديت وت پراۆديۆوي ينفورماتسي. بولشوي پوكلون ۆام زا كونسترۋكتيۆنوە سودەيستۆيە ۆ ۋكازاننوم كۋرسە.

    2. ۆالەنتين

      ياسنوە بۋدۋششەە گراجدان يسكليۋچيتەلنو زاۆيسيت وت پراۆدى. نيزكي پوكلون ۆام زا جيۆوە سوۋچاستيە ۆ ۋكازاننوم دەلە.

    3. ۆاش ۆەب سايت نادو نازۆات سامىم لۋچشيم. ۆسەگدا ۆيدات كومپەتەنتنىي پودحود ي كونەچنو كاچەستۆو، كاكيە پريتياگيۆايۋت ەففەكتنوە ۆنيمانيە.

    پىكىر جازۋ

    Your email address will not be published. Required fields are marked *

    *