• Қазақ
  •   
  • Qazaq
  •   
  • قازاق
  •   
  • Рус
  •   

    Saǵynyp eske alamyz

    Osynaý bir sáttik ómirden jalt etip ótken jandar az ba?!  Adamnyń ýaqyty kelgende bárimiz de dármensizbiz. Bıylǵy 29 tamyz kúni qasıetti Torǵaı dalasynyń topyraǵynan shyqqan baýyrymyz, otbasynyń ardaqty ákesi Jańbyrshy Shalabaıuly Qalıevtiń «О́mir – ótkinshi», «Dúnıe – jalǵan» degen sózderdi taǵy bir dáleldep,  aramyzdan ketkenine qyryq kún bolady. Aqjarqyn, aq peıilimen, aq kóńildigimen barsha aǵaıyndy, barsha el-jurtty baýraǵan baýyrymyzdyń máńgilikke qıylady dep oılappyz ba? О́mir atty ótkeldiń jumbaqtyǵy da osy bolar, aq kebin bireýge erte, bireýge kesh pishiledi.

    Jańbyrshy Shalabaıuly 1962 jyly Torǵaı oblysy, Arqalyq aýdanyna qarasty Qaıyńdy sovhozynda týǵan. Osy aýylda er jetip, eńbekke erte aralasyp, elge qyzmet etti. Ol sovhozda túrli jumystar istep, eldiń ystyq yqylasyna, qurmeti men syıyna bólendi. Jan jary Maıra Kamonqyzymen úsh ul ósirip, balalaryna  jaqsy bilim berip, adal eńbek etýge tárbıeledi. Onyń ákesi Shalabaı Qalıulynyń da Qaıyńdy sovhozyna eńbegi sińgen. Osy aýylda ol mehanızator, usta bolyp jumys istegen. Ol kisi de darhan, aqkóńil, aqjarqyn, elge syıly adam bolǵan edi.

    Qamshynyń sabyndaı qaıran tirlik bir kúni shart synary ámbege aıan. О́mirdiń ózi kúshti bolǵanymen, ótetini ókinishti… «Týmaq bar jerde, ólmek te bar», deıdi sharıǵat sózi. Shirkin, bári ornymen, bári retimen kelse – ókinishtiń ózeni tasyp, qaıǵynyń qara jańbyry jaýmas edi ǵoı.

    Keshe ǵana aramyzda jarqyldap júrgen Jańbyrshy Shalabaıulynan qapyda aırylǵanymyzda bir qanatymyz qaıryldy. «О́lsheýli ómir» deıtin halyq sózi bar. Mańdaıǵa basylǵan mór men jazylǵan jazýdy eshkim ózgerte almaıdy…

    Biz endi baýyrymyzdy eske alýmen ǵana jubana alamyz.  О́tken kúnnen qalatyn tek qana estelik. Ol janymyzdan ketse de jadymyzdan óshpeıdi. Jańbyrshy Shalabaıuly adaldyǵymen, ańqyldaǵan kóńildigimen, kópshildigimen búkil el-jurtqa syıly da qadirli boldy.

    Ol jaryq jalǵannan máńgilik baqıǵa bıylǵy jyldyń 19 shilde kúni attandy. Artynda jan jary, úsh balasy, nemereleri, baýyrlary, aǵaıyn-týys, el-jurty, dostary men áriptesteri qaldy. Bul ómirge óshpesteı iz tastady.

    Jatqan jeriń jaıly da jaryq bolsyn. Topyraǵyń torqa, janyń jánnattan oryn alsyn. Baqul bol, baýyr!

    Oqyǵan duǵamyz qabyl bolyp, Jańbyrshy Shalabaıulynyń jany jumaqta bolsyn!

     

    Baýyrlary, aǵaıyndary

    3 pikir

    1. Svetloe predstoıaщee vremıa grajdan ıshodıt ot pravdıvoı ınformaıı. Bolshoı poklon Vam za konstrýktıvnoe sodeıstvıe v ýkazannom kýrse.

    2. Iasnoe býdýщee grajdan ısklıýchıtelno zavısıt ot pravdy. Nızkıı poklon Vam za jıvoe soýchastıe v ýkazannom dele.

    3. Vash veb saıt nado nazvat samym lýchshım. Vsegda vıdat kompetentnyı podhod ı konechno kachestvo, kakıe prıtıagıvaıýt effektnoe vnımanıe.

    Pikir jazý

    Your email address will not be published. Required fields are marked *

    *