• Қазақ
  •   
  • Qazaq
  •   
  • قازاق
  •   
  • Рус
  •   

    سپورتشىلار وقۋ-جاتتىعۋ جيىندارىن قايتا باستادى

    قازاقستان ۇلتتىق وليمپيادا كوميتەتىنىڭ (ۇوك) كارانتين كەزىندە وقۋ-جاتتىعۋ جيىندارىن ۇيىمداستىرۋ جانە باقىلاۋ ءۇشىن قۇرىلعان جەدەل شتابى ۇلتتىق كوماندالاردىڭ وقۋ-جاتتىعۋ جيىندارىن ۇيىمداستىرۋ مەن وتكىزۋ تۋرالى شەشىم قابىلدادى، دەپ حابارلادى ۇلتتىق وليمپيادا كوميتەتى.

    قازاقستاننىڭ باس سانيتارلىق دارىگەرىنىڭ 2020 جىلعى 14 تامىز كۇنگى № 47 قاۋلىسىنا سايكەس سانيتارلىق-دەزينفەكتسيالىق رەجيمدى تولىق ساقتاعان جاعدايدا عانا مامانداندىرىلعان سپورتتىق بازالار، اككرەديتتەلگەن ۇوك جاتتىعۋ جيىندارىنا جىبەرىلەدى.

    «باسىمدىقتار بۇرىنعىشا قالادى، ياعني، جاتتىعۋ پروتسەسىنە قاتىسۋشىلاردىڭ قاۋىپسىزدىگىن قامتاماسىز ەتۋ باستى ماقسات. ۇوك-نىڭ بارلىق قىزمەتتەرىندە، سپورتتىق بازالاردىڭ اكىمشىلىكتەرى مەن فەدەراتسيالارىندا تاۋەكەلدەردى ازايتۋ جانە ۇلتتىق قۇرامالارعا تولىققاندى دايىندىقتى ۇيىمداستىرۋ ءۇشىن جاڭارتۋ پروتسەستەرى  پىسىقتالدى. ءماجبۇرلى تۇردە ۇزاققا سوزىلعان ءۇي كارانتينى سپورتشىلاردىڭ دەنە دايىندىعىنا اسەر ەتكەن سوڭ، باپكەرلەر مەن اتلەتتەر جيىنداردىڭ جاڭارۋىن  كۇتتى. وسىعان وراي،  جەدەل شتاب سپورتتىق بازالاردا سانيتارلىق نورمالاردىڭ ساقتالۋىن باقىلاۋدى كۇشەيتتى، سونىمەن بىرگە، ءبىز تۇسىنىستىك پەن جاقسى ۇيلەستىرىلگەن جۇمىس ءۇشىن بارىنە العىس ايتامىز. ارينە،  ءبارىمىز سپورتقا ورالعىمىز كەلەدى، دەسەك تە، سپورتشىلار مەن باپكەرلەردىڭ دەنساۋلىعىن  ساقتاۋدا ءتيىستى شارالاردى ساقتايتىن بولامىز»، دەيدى قازاقستان ۇلتتىق وليمپيادالىق كوميتەتىنىڭ باس حاتشىسى اندرەي كريۋكوۆ.

    ايتۋ كەرەك، تامىزدىڭ ءۇشىنشى ونكۇندىگىنەن جاتتىعۋ جيىندارىن باستاعان كوماندالارعا بۇگىندە  اۋىر اتلەتيكا، فريستايل، مانەرلەپ سىرعاناۋ، شايبالى حوككەي، كەرلينگ، ساداقتان اتۋ، شورت-ترەك، گاندبول جانە سپورتتىق گيمناستيكا كوماندالارى قوسىلدى. وقۋ-جاتتىعۋ پروتسەسى كەزىندەگى دايىندىق، نىسانداردىڭ سايكەستىگى جانە ولاردا بەلگىلەنگەن نورمالاردىڭ ساقتالۋىن جەدەل شتاب باقىلايدى. نىسانداردا بارلىق سانيتارلىق نورمالاردىڭ ساقتالۋىن قامتاماسىز ەتۋ ءۇشىن ۇنەمى ءتيىستى تەكسەرۋلەر جۇرگىزىلەدى. ايتا كەتەيىك،  وقۋ-جاتتىعۋ جيىندارىنا رۇقسات الۋ ءۇشىن بارلىق سپورتشىلار مەن جاتتىقتىرۋشىلار بىرنەشە مارتە پتر تەستىلەۋدەن وتەدى: بازاعا كەلگەنگە دەيىن جانە كارانتيندىك رەجيم وتكەننەن كەيىن تكب كەزىندە. تەك وسى پروتسەدۋرادان وتكەن ادامدار عانا جيىندارعا جىبەرىلەدى. جۇمىسقا قاتىساتىن بارلىق ادامدار (سپورتشىلار، جاتتىقتىرۋشىلار، قىزمەتكەرلەر) قاجەتتى جەكە قورعانىس قۇرالدارىمەن جەتكىلىكتى كولەمدە قامتاماسىز ەتىلگەن. تاۋەكەلدەردى جويۋ جانە وقۋ-جاتتىعۋ جيىندارىنداعى بايلانىستاردى ازايتۋ ءۇشىن ۇوك سپورت بازالارى ءۇشىن دە، جۇمىسقا تارتىلعان ادامدار ءۇشىن دە ارنايى ەرەجەلەر ازىرلەدى. بازاعا كىرۋ ۇلتتىق قۇراما كوماندا مۇشەلەرىنەن باسقا بارلىق ساناتتاعى ازاماتتار ءۇشىن جابىق، ال قىزمەتكەرلەردىڭ سانى مۇمكىندىگىنشە قىسقارتىلعان.

    سپورتشىلارمەن بايلانىسقا تۇسەتىن قىزمەتكەرلەردىڭ پەرسونالى قۇراما كوماندا مۇشەلەرى سەكىلدى قابىلداۋ پروتسەدۋراسىن ورىندايدى. سىرت جاقتاعى بازالىق قىزمەتتى قامتاماسىز ەتەتىن قىزمەتكەرلەرگە سپورتشىلارمەن بايلانىسۋ مۇمكىندىگى جوق. سپورتشىلار مەن قىزمەتكەرلەر پەرسونالى كۇنىنە بىرنەشە مارتە تەكسەرۋدەن وتەدى. بەلگىلەنگەن كەستەگە سايكەس، سپورتشىلار بولماعان كەزدە بارلىق جالپى ءۇي-جايلار دەزينفەكتسيالانادى.

    بارلىق ۇلتتىق قۇرامالار توكيودا وتەتىن وليمپيادا ويىندارىنا ليتسەنزيا جەڭىپ الۋ جانە وليمپيادا الدىنداعى ماۋسىمعا دايىندىق سەكىلدى ءورشىل ماقساتتاردى العا قويا بەرەتىن بولادى. ەندەشە «العا قازاق سپورتشىلارى» دەگەن ءبىزدىڭ دە تىلەگىمىز بار.

     

    دۋمان  ارعىنگەلدى

    پىكىر جازۋ

    Your email address will not be published. Required fields are marked *

    *