Golovkın-Alvares. Uıymdastyrýshylar qansha qarjy tapty?

Orta salmaqta WBA (Super), IBO, WBC jáne IBF belbeýleriniń ıegeri qazaqstandyq Gennadıı Golovkın (37-0-1, 33 KO) men meksıkalyq Saýl «Kanelo» Alvares (49-1-2, 34 KO) jekpe-jegindegi tóreshilerdiń qansha qarjy alǵany belgili boldy.

Las-Vegastaǵy T-Mobile arenasynda ótken boks keshinde Don Trella, Deıv Morettı jáne Adelaıda Berd tórelik etti. 12 raýndtyń qorytyndysy boıynsha aıqastyń jeńimpazy anyqtalmaı, teń aıaqtalǵan bolatyn.

Adelaıda Berd 118-110 esebin tirkep, jeńiske Alvares laıyq dep tanyǵan. Onyń bul sheshimi kórermender men álemdik deńgeıdegi sarapshylardyń narazylyǵyn týdyrǵan edi. Al Deıv Morettı 115-113 esebimen qazaqstandyq boksshy jeńiske jetti dep eseptedi. О́z kezeginde Don Trella 114-114 esebimen teń aıaqtaldy degen sheshim shyǵardy.

Daily Mail-diń habarlaýynsha, ár tóreshi bul kezdesýden 100-500 myń dollar aralyǵynda aqsha tapqan. Alaıda, chekti Golden Boy promoýterlik kompanııasy bergennen keıin naqty somasy ázirge belgisiz.

Atalǵan basylym osyǵan deıin Golovkın men Alvarestiń tabysyn da jarııa etken. Málimetter boıynsha qazaqstandyq boksshy 25 mln dollar tapsa, meksıkalyqtyń úlesine on mıllıon artyq tıgen.

Al Ispanııanyń bedeldi Marca.com basylymy PPV aqyly translıaııa arqyly qansha paıda túskenin jarııalaǵan. Basylymnyń aqpary boıynsha uıymdastyrýshylar 100 mln dollar paıda tapqan. Bul tıisinshe 1,25 mln PPV satylymyna teń. Alaıda, HBO bul kórsetkish eki mln-nan asady dep boljam otyr.

Taǵy bir aıta keterligi, Golovkın-Alvares jekpe-jegi T-Mobile arenasynda kórermender sany boıynsha jańa rekord ornatty. Los Angeles Times tilshisi Lens Pagmaıerdiń aıtýynsha, uıymdastyrýshylar bılet satý arqyly 30 mln dollar qarjy tapqan.