ءبىلىم مەن سپورت – ۇلى ۇعىم

بۇگىنگى ءبىلىم كۇنىنە وراي، ەلىمىزدىڭ بارلىق ايماعىندا ونلاين وقۋ جۇيەسى باستالدى. ءيا، ەل تاريحىندا تۇڭعىش رەت وقۋ جىلى قازىرگى كەزدەگى جاعدايعا قاتىستى وسىنداي قاشىقتىقتان وقىتۋ جۇيەسىمەن وقىلاتىن بولىپ وتىر. تاعدىردىڭ سالعانىنا كونبەستەن ارتىق شارا جوق. دەگەنمەن دە «باسقا تۇسسە باسپاقشىل»، دەمەكشى، وقۋشىلار مەن ستۋدەنتتەر دە بۇل جۇيەگە ۇيرەنىپ الىپ كەتەدى دەگەن ۇمىتتەمىز.

بۇگىنگى ءبىلىم كۇنىنە وراي، وقۋشىلار مەن ستۋدەنتتەرگە قاشىقتىقتان وقىتۋ ءبىلىم شاڭىراقتارىنىڭ اراسىندا الماتى قالاسىنداعى ق.احمەتوۆ اتىنداعى رەسپۋبليكالىق مامانداندىرىلعان وليمپيادا ءىزباسارلارىنا ارنالعان مەكتەپ-ينتەرنات كوللەدج دە بار ەدى. تاريحى تەرەڭگە تامىر جايعان ايتۋلى مەكتەپ-ينتەرنات كوللەدجگە قۇجاتتارىن تاپسىرعان وقۋشىلار مەن ستۋدەنتتەر جاز ايىندا وقۋعا ءتۇسۋ ءۇشىن نورماتيۆكە ساي ءوز باقتارىن سىنادى. سپورت پەن ءبىلىم سىناقتارىندا كوپتەن قارا ءۇزىپ شىققان تالانتتى ۇل-قىزدار، بۇيىرتسا ايتۋلى ءبىلىم شاڭىراعىندا ءدارىس الۋ قۇرمەتىنە يە بولادى. سونىمەن العاشقى وقۋ جىلى دا كەلىپ جەتتى.

ەندى ق.احمەتوۆ اتىنداعى مەكتەپ-يتەرناتىندا وقيتىن وقۋشىلار مەن ستۋدەنتتەر مەكتەپتەگى ستاندارتتىق تالاپقا ساي جوعارى ناتيجەلەر كورسەتۋگە تالپىنۋى قاجەت. ويتكەنى، بۇل وقۋ ورنىنان ەلىمىزگە تانىمال كوپتەگەن اتتارى ايگىلى سپورتشىلار قانات قاعىپ ۇشىپ شىققانى بەلگىلى. سونىمەن قاتار، بۇل مەكتەپ-ينتەرناتتا وقۋشىلارمەن ستۋدەنتتەرگە بارلىق جاعداي جاسالعان. ويتكەنى، ۇجىم باسشىسى سەيىلحان قاراقوۆ مىرزا جاسوسپىرىمدەرگە تولىقتاي قامقورلىق قاراستىرىلعاندا عانا بەلگىلى ءبىر ناتيجەگە قول جەتكىزۋگە بولاتىندىعىن ايتادى. راسىمەن دە تالاپتى جاسقا جان-جاقتى قولداۋ بولعاندا تابىستا كوپ كۇتتىرمەسى انىق. ەندەشە جاس قىراندارىمىز اتاقتى اعا بۋىنداردىڭ تابىستى جولىن ابىرويمەن جالعاستىرۋعا مىندەتتى.

اقىن ورداباي ۇلى،

الماتى