جەتى جاستاعى جاس سپورتشى انتيادرولىق ۆەلوشەرۋگە قاتىستى

جاس سپورتشى التاير وماروۆ قازاقستاننىڭ باستاماسىمەن بۇۇ جاريالاعان يادرولىق سىناقتارعا قارسى حالىقارالىق كۇن اياسىندا وتاندىق ديپلوماتتاردىڭ «بەيبىتشىلىك ءۇشىن ۆەلوسيپەد» قوزعالىسىمەن بىرلەسىپ ۇيىمداستىرعان شىعىس نورۆەگيا قالالارى ارقىلى انتيادرولىق ۆەلوشەرۋگە قاتىستى.

–مەن سوعىستىڭ بولماۋىن قالايمىن، بارلىق ەلدەردىڭ بالالارى ءبىر-بىرىمەن ەركىن ويناۋىنا مۇمكىندىك بولۋى كەرەك، — دەدى جاس وتانداسىمىز  ۆەلوشەرۋ باستالماس بۇرىن. ۆەلوشەرۋدىڭ اشىلۋ ءراسىمى نورۆەگيانىڭ برۋمۋندال قالاسىندا اعاشتان جاسالعان الەمدەگى ەڭ ۇلكەن عيماراتتىڭ جانىندا ءوتتى.

نورۆەگيادا حالىقارالىق يادرولىق سىناقتارعا قارسى ءىس-قيمىل كۇنىنە وراي ۇيىمداستىرىلعان ۆەلوشەرۋ باستالدى.

قازاقستان رەسپۋبليكاسىنىڭ باستاماسى بويىنشا بىرىككەن ۇلتتار ۇيىمى جاريالاعان يادرولىق سىناقتارعا قارسى حالىقارالىق ءىس-قيمىل كۇنى شەڭبەرىندە وتاندىق ديپلوماتتار «Bike for Peace» («ۆەلوسيپەدشىلەر بەيبىتشىلىك ءۇشىن») قوزعالىسىمەن بىرلەسىپ، شىعىس نورۆەگيا قالالارى بويىنشا انتيادرولىق ۆەلوجارىس ۇيىمداستىردى.

برۋمۋندال قالاسىندا وتكەن سالتاناتتى اشىلۋ راسىمىنە قازاقستاننىڭ نورۆەگياداعى ەلشىسى ەركىن احينجانوۆ، رينگساكەر كوممۋناسىنىڭ مەرى انيتا يلە ستين، بەدەلدى نورۆەگيالىق ساياساتكەر، مەملەكەتتىك زەينەتاقى قورىنىڭ نەگىزىن قالاۋشىلاردىڭ ءبىرى، بۇرىنعى نورۆەگيا قارجى ءمينيسترى سيگبورن يونسەن، «Bike for Peace» قوزعالىسىنىڭ نەگىزىن قالاۋشى تورە نەرلاند، ۇەۇ وكىلدەرى، انتيادرولىق قوزعالىس پەن قوعام بەلسەندىلەرى قاتىستى.

قازاقستان ەلشىسى ءوز سوزىندە، باستى باعىتتارىنىڭ ءبىرى يادرولىق قارۋعا قارسى كۇرەس پەن قارۋدى تاراتپاۋدىڭ تۋرالى ايتىپ بەردى.

–قازاقستان تاۋەلسىزدىك العان ساتتە الەمدەگى ءتورتىنشى يادرولىق الەۋەتكە يە بولدى. بۇل ەل ءوز ەركىمەن بارلىق يادرولىق قارۋىن بولشەكتەدى. بۇل باسقا يادرولىق ەلدەر ءۇشىن ۇلگى»، — دەپ اتاپ ءوتتى ءوز سوزىندە «Bike for Peace» قوزعالىسىنىڭ پرەزيدەنتى تورە نەرلاند.

برۋمۋندالدان حامار قالاسى ارالىعىندا وتكەن ۆەلوجارىسقا قاتىسۋشىلاردى قالا مەرى ەينار بۋستەرۋد كۇتىپ السا، قىسقا ۇزىلىستەن كەيىن سپورتشىلار حاماردان شتانگتا دەيىن جارىستى. وندا ولاردى مەر نيلس رەنە دە قارسى الدى.

ۆەلوجارىستا قازاقستان ەلشىسى برۋمۋندال، حامارا جانە شتانگە قالالارىنىڭ اكىمدەرىمەن بىرقاتار ەكىجاقتى كەزدەسۋلەر وتكىزدى. كەزدەسۋدە ءوزىنىڭ سۇحباتتاسۋشىلارىن قازاقستان پرەزيدەنتى ق.توقاەۆتىڭ جۋىردا جاريالاعان «جاڭا جاعدايداعى قازاقستان: ءىس-قيمىل كەزەڭى» جولداۋىنىڭ نەگىزگى باعىتتارىمەن تانىستىردى، كوروناۆيرۋسقا قارسى ءىس-قيمىل بويىنشا ءبىزدىڭ ەل باسشىلىعىنىڭ قابىلداعان شارالارى تۋرالى توقتالىپ، اۋىل شارۋاشىلىعى، «جاسىل» ەكونوميكا، جاڭارتىلعان ەنەرگيا كوزدەرى سياقتى سالالارداعى ءوزارا ءىس-قيمىلدىڭ ءتيىمدى باعىتتارىن تالقىلادى.

التى كۇنگە سوزىلاتىن ۆەلوشەرۋ بارىسىندا قاتىسۋشىلار شىعىس نورۆەگيانىڭ بىرنەشە قالالارىنا بارادى.

رۇستەم جۇمان ۇلى