Ashǵabad-2017: Qazaqstan komandalyq esepte tórtinshi orynǵa kóterildi

Búgin Túrikmenstannyń astanasy Ashhabad qalasynda jaýyngerlik óner túrleri boıynsha jabyq ǵımaratta ótip jatqan V Azııa oıyndarynda Qazaqstan sportshylary ózbekterdi basyp ozyp, komandalyq esepte tórtinshi orynǵa kóterildi.

Birer saǵat buryn О́zbekstan men Qazaqstan sportshylary altyn medaldar sany jaǵynan teńesken bolatyn. Mine, kóp uzamaı otandastarymyz el qorjynyna eki altyn medal salyp, ózbekstandyqtardy besinshi orynǵa syrǵytty.

Qazirgi ýaqytta Qazaqstan qorjynynda 25 altyn, 26 kúmis, 33 qola medal bolsa, О́zbekstanda 23 altyn, 30 kúmis, 67 qola medal bar. Al kósh basynda Túrikmenstan sportshylary tur. Olar jalpy medaldar sanyn 236-ǵa jetkizdi, onyń 87-si — altyn, 67-si — kúmis, 82-si — qola medal. Ekinshi orynda eki kúnnen beri Qytaı sportshylary eshkimge bermeı keledi. Olardyń enshisinde 38 altyn, 28 kúmis, 23 qola, jalpy 89 medal bar. Úshinshi orynǵa 26 altyn, 18 kúmis, 59 qola, barlyǵy 103 medal ıelengen Iran quramasy jaıǵasyp otyr.

Dúbirli doda erteń, ıaǵnı 27 qyrkúıek kúni óz máresine jetedi. Bul dodada el namysyn qorǵaýǵa Qazaqstannyń 150 sportshysy attanǵan bolatyn. Olar jarystyń 17 túrinen synǵa túsýde.