• Қазақ
  •   
  • Qazaq
  •   
  • قازاق
  •   
  • Рус
  •   

    ەلدىڭ ءىسى – ەردىڭ قولىندا

    كەڭەس وداعىنىڭ ەڭبەك سىڭىرگەن سپورت شەبەرى، كسرو جانە قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى، كسرو  اۋە كۇشتەرى اسكەرىنىڭ ءۇش دۇركىن ءابسوليۋتتى چەمپيونى، ەرەجەسىز جەكپە-جەكتەن توعىز دۇركىن الەم چەمپيونى، كسرو مەن قازاقستاندا  كيكبوكسينگ پەن ۋشۋ-ساندانىڭ ىرگەتاسىن قالاۋشى، دۇنيەجۇزىلىك «جەكپە-جەك» قاۋىمداستىعىنىڭ پرەزيدەنتى سابىرجان عالىمجان ۇلى ماحمەت تۋرالى ءبىر ۇزىك سىر.

    «بىراق، ۇلتشىل بولۋ – وزگە ۇلتتاردى باسىنۋ دەگەن ءسوز ەمەس. ۇلتشىل ادام عانا، ءوز ۇلتىن سۇيگەن ادام عانا وزگە ۇلتتاردى سىيلاي بىلەدى. ءبىز ءوزىمىزدى وزگەلەردىڭ الدىندا تىلىمىزبەن، سالت-داستۇرىمىزبەن، بىلىمىمىزبەن بيىك قويا ءبىلۋىمىز كەرەك»، – دەيدى باتىر باۋىرىمىز سابىرجان ماحمەت. راسىمەندە ويلاپ قاراساق، وسى دۋالى اۋىزدان شىققان اتالى ءسوزدىڭ ءمان-ماعىناسى تەرەڭدە جاتىر.ۇلتىن، انا ءتىلىن، ءدىنىن ءسۇيۋ، قۇرمەتتەۋ ول ەشكىمگە قيانات ەتپەيتىن ۇلى سەزىم. راسۋل گامزاتوۆ: «ەگەر تۋعان ءتىلىم ەرتەڭ ولەدى دەسە، مەن بۇگىن ولۋگە ءازىرمىن»، – دەگەن ەكەن. سوندىقتان دا انا تىلىنە، تۋعان ۇلتىنا سەلسوق قاراپ، ەشبىر پايداسى تيمەگەن ادام جارتىلاي ادام دەپ ايتۋعا بولاتىن شىعار.

    ۇلت تاعدىرىنا قالاي بولسا سولاي قاراۋ كەشىرىلمەس كۇنا. قازاقتىڭ انالارى ەل قورعايتىن باتىر تۋعان. ەنتەلەگەن جاۋدىڭ ەكپىنىن باساتىن ەر مىنەزدى، ەلىم دەگەن ەرلەر كوپ بولسا، ءبىزدى سىرتقى جاۋ دا داۋ دا باسقا پالەنىڭ ءبارى الا المايدى. ويتكەنى، سابىرجان باۋىرىمىزداي ەل ءۇشىن تۋعان، ارقالى بيىك، اسقارى زاڭعار ەلىم، تۋعان جەرىم دەپ تىك تۇرىپ ايتاتىن قازاقتىڭ قورعاۋشىلارى باردا، كيەلى مەكەنىمىزدى ەشبىر قاسكوي ويىن ىسكە اسىرا المايدى.

    سوناۋ 1990-جىلداردىڭ باسىندا ەلىمىز ەگەمەندىگىن الار كەزەڭدە، ەلىمىزدە الام-عايىپ، جاعدايلار تۋىپ، حالىقتىڭ دەگبىرى قاشقان جىلدار بولاتىن. قازاقتىڭ باسىنا نە كەلىپ نە كەتپەدى. سول ءبىر اۋىر جىلدارى قازاقتىڭ باسىنا سىرتتان كەلىپ بي بولماق نيەتپەن ۇمتىلعاندارعا، كەۋدە قويا بىلگەن باتىر ۇلدارىمىز اتقا قونعانى انىق. سول قازاقتىڭ بولاشاعى ءۇشىن سىن ساداعى قادالعان كەزەڭدە سابىرجان ماحمەت باۋىرىمىز دا باتىر بابالارىنىڭ جولىمەن شوۆينستىك رەجيمنىڭ سۇرقيا ساياساتىنا قارسى تۇرعان اسىل تەكتى ارداقتى ازماتتىڭ ءبىرى بولدى.

    اللاعا شۇكىر، ەلىمىز تاۋەلسىزدىگىن العان جىلدان باستاپ، قالت-قۇل ەتكەن ەكونيكامىز دا اياعىنان تۇرىپ، حالىقتىڭ ءال-اۋقاتى جاقسارا تۇسكەن ەدى. سول جىلداردان باستاپ، ەل سپورتىنىڭ دا ىرگەسى كوتەرىلىپ، الەم جارىستارىندا قازاقتىڭ ءجالاڭتوس سپورتشىلارى كوك تۋمىمىزدى كوكتەن جەلبىرەتىپ، دەربەس مەملەكەت رەتىندە الەم ساحناسىنان كورىنە باستادىق. وسى كەزەڭدە سابىرجان ماحمەت باۋىرىمىز دا ەلدەگى سپورتتىڭ دامۋىنا بارىنشا قولداۋ كومەگىن سالىپ، ايانباي تەر توكتى.  ايتالىق، 2000 جىلى الماتىدا تۇڭعىش رەت ورتالىق ستاديوندا  كيكبوكسينگتەن «عاسىر ماتچى» دەپ  اتاۋ العان دۇرمەكتى جارىستىڭ وتۋىنە  ۇيىتقى بولا ءبىلدى. سول جارىس ءالى كۇنگە دەيىن كوز الدىمىزدا. ەلىمىزدى ەلەڭ ەتكىزگەن ءدۇبىرلى شاراعا سابىرجان ماحمەت الەمگە تانىمال بولا يانگ سەكىلدى گولليۆۋدتىڭ كينو جۇلدىزدارىن  ەلگە شاقىرىپ حالىققا شەكسىز كوڭىل-كۇي تارتۋ ەتكەن ەدى. سونىمەن قاتار الەمنىڭ ءار تۇكپىرىنەن جانە دە تمد ەلدەرىنىڭ بارلىق مەملەكەتتەرىنەن سپورتشىلار كەلىپ باقتارىن سىناعان بولاتىن. سوندا سابىرجان ماحمەت باستاعان سپورشىلار 11 سالماقتىڭ 7-دە توپجارىپ كوماندالىق باس جۇلدەنى يەلەنگەنى ەسىمدە. سول ءبىر-اق تۇيەنىڭ قارىنى جارىلعان  جەڭىستى كۇندى كوزىمەن كورگەن كونەكوز كورەمەندەر ءالى كۇنگە دەيىن الامان جەكپە-جەكتەردى ساعىنىشپەن ەسكە الىپ وتىرادى.

    «وراعىڭ وتكىر بولسا، قارىڭ تالمايدى، وتانىڭ بەرىك بولسا جاۋىڭ المايدى»، – دەگەن ەكەن بابالارىمىز. وتانىمىزدىڭ بەرىك ءارى تىنىش بولۋى ساكەڭدەي قارا قىلدى قاق جارىپ شىندىقتى ايتاتىن، قازاق ءۇشىن جان بەرۋگە بار باتىر باۋىرلارىمىزدىڭ ورتامىزدا بولۋى اللانىڭ بەرگەن ءناسىبى شىعار. «سابىرجان باۋىرىمىزدىڭ قازاق ءۇشىن جان بەرۋگە دايىن ەكەندىگىن ءاربىر جاساعان يگىلىكتى  ءىس-ارەكەتىمەن ايعاقتاتاپ كەلەدى. سابىرجان عالىمجان ۇلىنىڭ ۇلتتىق رۋحتى وياتۋ باعىتىندا  جاستارعا ايتىپ جۇرگەن، ماعىنالى ءماندى، وت جالىنداي سوزدەرى باۋىرجان مومىش ۇلى سەكىلدى قازاقتىڭ وتتان دا وقتان دا قورىقپاعان ۇلتجاندى حاس باتىرىن كوز الدىمىزعا ەلەستەتەدى.

    «ەلدىڭ ءىسى – ەردىڭ قولىندا»، دەمەكشى، ەل-جۇرتتىڭ مۇڭىن جوقتاپ، بارىن اسقاقتاتىن ساكەڭدەي باتىر ۇلدارىمىزعا اللا قۋات بەرسىن دەيمىن.

     

    اقىن ورداباي ۇلى،

    الماتى

    ءبىر پىكىر

    1. ەكاتەرينا

      جو؟؟ار مەملەكەتى تال؟اندالىپ، شى؟ىستا؟ى ب؟رىن؟ى جاۋ ؟ولىندا ؟ال؟ان جەرلەر بوساتىل؟ان كەزدە سوندا ؟ايتا ؟ونىس اۋدار؟ان ؟ازا؟تاردى اتا مەكەنىنە ءبىرجولا ورنى؟تىرۋ جولىندا ا؟تانبەردى ايتارلى؟تاي رول ات؟ارادى. ؟زىنە ؟ارا؟ان رۋلاردى وتىرى؟شىلاندىرما؟ بولىپ، ارى؟، تو؟ان ؟ازدىرادى، ەگىن ەكتىرەدى.

    پىكىر جازۋ

    Your email address will not be published. Required fields are marked *

    *