• Қазақ
  •   
  • Qazaq
  •   
  • قازاق
  •   
  • Рус
  •   

    Nes-aǵa!

    Qazaq baspasózinde sportty aıshyqty taqyrypqa aınaldyrǵan Seıdahmet Berdiqulovtaı kórnekti qalamgerden tálim alǵanyn maqtan etetin Nesip Júnisbaıuly búgingi tańda ózi de qarymdy, qarýly qalamgerge aınaldy.

    Qalyń oqyrmany men shákirtteri Nes-aǵa dep qurmetpen qaraıtyn qalamgerdiń shyǵarmashylyq qabileti jastaıynan jarqyrap kórindi.

    Taldyqorǵan oblysynyń Qaratal aýdanyndaǵy «Kópbirlik» aýylynda týyp-ósken mektepten keıin kóp oılanbastan Otan aldyndaǵy boryshyn óteýge attandy. Al áskerden oralǵan soń armany men maqsatyna aınalǵan QazGÝ-ge jol tartady. Jýrnalıst bolýdy qalaıdy. Sóıtip 1970 jyly jýrnalıstıka fakýltetine qabyldanyp, 1975 jyly qyzyl dıplommen bitiredi. Júregi qalaǵan mamandyqty meńgergen betten «Lenınshil jas» gazetine jumysqa qabyldanady. О́ıtkeni, jastar gazetiniń oqyrmandaryna Nesip Júnisbaev esimi onyń stýdent kezinen-aq tanys bolatyn. Sol kezdegi júz myńdaǵan oqyrmany bolatyn «Lenınshil jas» gazetinde sport jáne áskerı-patrıottyq tárbıe bólimin basqardy, redakııa alqasynyń múshesi, kásipodaq, komsomol, partııa uıymdarynyń hatshysy boldy. Osy gazette júrip sport salasyn oqyrmannyń eń súıikti taqyrybyna aınaldyra bildi.

    1991 jyly Nesip Júnisbaıuly respýblıkalyq «Sport» gazetine bas redaktor bolyp taǵaıyndalady. Bul basylymda keńinen kósilýine jol ashyldy. Tek qana sportty jazyp qoımaı, sportty memlekettik, ulttyq turǵyda jandandyrýǵa kiristi. Sonyń bir aıǵaǵy egemen eldiń fýtbol chempıonatyna qazaq jigitterinen quralǵan komanda qosýdy oılastyryp, ol maqsatyna da jetti. Ol úshin eldiń túpkir-túpkirinen talantty jastardy irikteý uıymdastyryp, demeýshiler taýyp, «Namys» atty komandany Qazaqstan chempıonatyna qosty. Sol komandada oınaǵan birneshe fýtbolshylar keıinnen Qazaqstan ulttyq quramasy sapynda óner kórsetti. Osydan keıin Nes-aǵany qalaı qaıratker demessiń?! Al sońǵy jyldary uıymdastyryp júrgen «Bir atanyń balalary» atty fýtbol jarysy da buqaralyq is-sharaǵa aınalyp ketti. Áýlet-áýlet bolyp oınaıtyn dop dodasyna ózimiz de qatysyp máre-sáre bolǵanymyz bar.

    Nesip Júnisbaıulynyń shtattaǵy jumysynan tys shyǵarmashylyq eńbegi de ushan-teńiz deýge negiz bar. Olımpıada oıyndaryna on ret baryp, fýtboldan bes álem chempıonatyna qatysyp, júzdegen reportaj, maqalalar usynǵan qalamgerge qazaq oqyrmany dán rıza ekeni sózsiz-aý. Qalamgerdiń qalamynan týyndaǵan «Úshinshi raýnd», «Aýyldan shyqqan alyptar», «Fýtbolmen tynystaǵan Ispanııa», «Ákemniń qamshysy», «Namys jyrtar ul qaıda?!», «Meksıkadaǵy fýtbol toıy», «Mustafa О́ztúrik», «Erejesiz «beldesý», «Bas ıemin!» atty maǵynaly-mazmundy kitaptary oqyrmannyń oljasyna aınalǵany da anyq. Sonymen qatar, el egemendigin alǵaly ulttyq komandamen qatysqan Olımpıada oıyndarynyń shejiresi bop sanalatyn, orys tilinde jazylǵan «Olımpııskıı marshrýt» kitaptarynyń tórt tomy da Qazaqstan sportynyń tarıhnamasy ispetti.

    Únemi boıy sergek, oıy elgezek júretin Nesip Júnisbaıuly tek jazyp qana qoıatyn qalamgerdiń qatarynan jatpaıdy. Ol sportty ishinen biletin maıtalmannyń ózi desek jarasady. 1996 jyly Qazaq deneshynyqtyrý jáne sport ınstıtýtyn bitirip, bapker-oqytýshy mamandyǵyn alǵan. Toǵyzqumalaq sportynan sport sheberi, respýblıka chempıony. Qazaqstannyń eńbek sińirgen jattyqtyrýshysy.

    Nesip Júnisbaıuly qoǵamdyq jumysqa da kóp jegiletin azamattyń qatarynan sanalady. Ár jyldarda QR Sport komıtetiniń alqa múshesi bolyp saılandy. Halyqaralyq sport jýrnalısteri Qaýymdastyǵynyń (AIPS) múshesi, Azııa sport jýrnalısteri Odaǵynyń (ASPU) Atqarý komıtetiniń múshesi, Azııa sport baspasózi Odaǵy prezıdentiniń keńesshisi qoǵamdyq qyzmetterin abyroımen atqardy. Azııa Olımpıadalyq Keńesiniń (OSA) baspasóz komıtetiniń múshesi bolǵan tuńǵysh ári jalǵyz jýrnalıst. Qazaqstan sport baspasózi Qaýymdastyǵyn qurýshy jáne tuńǵysh prezıdenti boldy.

    Bir qaraǵanda qarapaıym bolyp kórinetin Nesip Júnisbaıulynyń qazaq baspasózine, onyń ishinde sport salasyna, ult múddesine sińirgen eńbegine qarap qaıratker ekenine kóz jetkizemiz. Osy oraıda eline eleýli, halqyna qalaýly azamattyń qurmet pen marapattan kende qalmasy zańdylyq qoı. Bul rette Nesip Júnisbaıulynyń abyroıy da asqaq kórinedi. Qazaqstan jýrnalıster jáne jazýshylar odaǵynyń múshesi, Baýbek Bulqyshev atyndaǵy Jýrnalıster odaǵy syılyǵynyń, Seıdahmet Berdiqulov atyndaǵy syılyǵynyń ıegeri. Qazaqstan Ulttyq Olımpıadalyq komıtetiniń «Jyldyń úzdik jýrnalısi» syılyǵynyń laýreaty.  QR Prezıdentiniń Alǵys hatymen, Astana qalasynyń 10 jyldyǵy, Qazaqstan halyq Assambleıasynyń 20 jyldyq qurmet medalimen marapattalǵan. Almaty oblysy jáne Qaratal aýdanynyń Qurmetti azamaty ataǵynyń ıegeri.

    Nesip Júnisbaıuly 2010 jyly Memleket basshysynyń jarlyǵymen Qazaqstannyń eńbek sińirgen qaıratkeri ataǵyna ıe boldy.

    Osydan týra 70 jyl buryn qazaqtyń «Kópbirlik» degen alaqandaı aýylynda dúnıege kelgen qaǵylez bala búgingi kúnde juldyzy janǵan, halqyna jaqqan qaıratker bolyp otyr.

    P.S: Baıaǵyda Nes-aǵa, 1998 jyly astana Aqmolaǵa aýysqanda «Ǵalymjan astana boldyńdar, endi eldiń nazary senderge aýyp barady, «Sport» gazetine astanadan tilshi kerek, óziń bolsań qaıtedi, dep habarlasqan bolatyn. Sodan báribir jazatynym sport qoı dep kelise kettim. Sóıtip eki-úsh jyldaı «Sportqa» qyzmet etkenim bar. Nesaǵa birde Almatyǵa shaqyrdy, kelip ket, gazettiń merekesi bolaıyn dep jatyr, sen bizdiń qyzmetkersiń ǵoı… deıdi. Bardym, kórdim, rıza boldym.

    Rahmet aǵa, jasaı berińiz!!!!! Bar bolyńyz, nar bolyńyz!

     

    Ǵalym QOJABEKOV,

    «Astana aqshamy» gazeti bas redaktorynyń orynbasary, Seıdahmet Berdiqulov atyndaǵy syılyqtyń laýreaty

    Pikir jazý

    Your email address will not be published. Required fields are marked *

    *