• Қазақ
  •   
  • Qazaq
  •   
  • قازاق
  •   
  • Рус
  •   

    Almatyda jyl úzdikteri marapattaldy

    19 jeltoqsan kúni Almaty qalasynda Qazaqtyń Sport jáne týrızm akademııasy men «Sport juldyzdary» respýblıkalyq jýrnalynyń uıymdastyrýymen «Jyl úzdigi-2020» jeńimpazdaryn marapattaý rásimi men «Ult batyrlary» kitabynyń tusaýkeseri bolyp ótti.

    Osymen tórtinshi jyl qatarynan ótip jatqan is-shara jer-júzin jaılaǵan pandemııa kezinde uıymdastyrylǵandyqtan barlyq sanıtarlyq normalardy qatań saqtaı otyryp ótkizildi.

    Byltyr dál osy jerde ótken is-sharada qazaq sportshylary týraly «Uly dala batyrlary» kitabynyń tusaýyn qazaqtyń maqtanyshtary Jaqsylyq Úshkempirov, Ámın Tuıaqov pen Ermahan Ybyraıymov kesken bolatyn. О́kinishke qaraı, búgin aramyzda Jaqsylyq aǵamyz joq. Sum ajal birtýar azamatty ortamyzdan alyp ketti. Osyǵan oraı is-shara qazaq sportynyń sımvoly atanǵan sańlaqty bir mınýt eske alýmen bastaldy.

    Osydan keıin QazSTA-nyń birinshi prorektory Muhtar Esqalıev óziniń quttyqtaý sózimen keshti ashyp, is-shara ári qaraı esimi elge belgili qalamger Pernebaı Dúısenbın men «Sport juldyzdary» jýrnalynyń bas redaktory Musaǵalı Tasqalıev birigip jazǵan «Ult batyrlary» kitabynyń tusaýkeserine jalǵasty.

    Bıyl dańqty qolbasshy Baýyrjan Momyshulynyń týǵanyna 110 jyl tolady. Osy aıtýly dataǵa oraı tusakeser rásimi elimizdegi patrıottyq baǵyttaǵy ánshi-sazger Oryngúl Ismaǵulovanyń «Baýyrjan batyr» ánimen bastaldy. Karantındik jaǵdaıǵa baılanysty ánniń avtory ózi bul keshke kele almasa da sahnadaǵy LED ekrannan án oryndalyp, Baýyrjan batyr týraly týyndy tyńdarman júreginen oryn tapty. Sóıtip, kitappen birge ánniń de tusaýy kesildi.

    Qazaqtan shyqqan Keńes odaǵynyń batyrlary týraly kitaptyń tusaýyn jeńil atletıkadan KSRO-nyń 8 dúrkin chempıony, Eýropa kýbogynyń ıegeri, KSRO halyqtary Spartakıadasynyń jeńimpazy Ámın Tuıaqov pen Muhtar Esqalıev kesip, atalǵan kitaptyń demeýshisi bolǵan Qylysh О́tetileýulynyń urpaqtary jınaq avtorlaryna qazaqtyń dástúrimen at mingizdi.

    Qazaq Sport jáne týrızm akademııasy atynan keshtiń qurmetti qonaqtary men akademııanyń bir top oqytýshylaryna QazSTA-nyń 75 jyldyǵyna oraı marapat jasalyp, qazaq estradasynyń jaryq juldyzdarynyń biri О́ktem Altaev «Qazaǵym» ánin oryndap berdi.

    Osydan keıin qurmetti qonaqtardyń qatysýymen pandemııa kezi bolsa da qazaq sportynyń damýyna úlesterin qosqan el aǵalary, sport salasynyń basshylary, sport janashyrlary, sportshylar, bapkerler men dene shynyqtyrý páni muǵalimderin marapattaý rásimi boldy.

    Marapatqa ıe bolǵandar arasynda Batys Qazaqstan oblysynyń ákimi Ǵalı Esqalıev «Sportqa janashyr úzdik oblys ákimi-2020» nomınaııasymen marapattalsa, BQO sportynyń basshysy Qaımen Esendııarov «Úzdik oblystyq dene shynyqtyrý jáne sport basqarmasy-2020» jeńimpazy atandy. Túrkistan qalalyq sportty damytý bóliminiń basshysy Qýatbek Aıdarbekov «Úzdik qalalyq dene shynyqtyrý jáne sport bólimi-2020» marapatyna ıe bolsa, Q.Ahmetov atyndaǵy Olımpıada rezervi respýblıkalyq mamandandyrylǵan mektep-ınternat kolledji (Dırektory — Seıilhan Qaraqov) «Jyldyń úzdik mektep-ınternat kolledji – 2020» atandy. «Úzdik aýdandyq dene shynyqtyrý jáne sport bólimi – 2020» atalymyn Qyzylorda oblysy, Jalaǵash aýdandyq dene shynyqtyrý jáne sport bólimi (Basshysy Erkebulan Jamalatov) jeńip aldy.

    Sońǵy jyldary elimiz boıynsha kóptegen bıznes ókilderi ózderiniń týǵan jerlerine sport keshenderin salyp, qazaq sportynyń damýyna úlken úlesterin qosyp júr. Olardyń el úshin jaqsylyq jasaýyna pandemııa da kesirin tıgize almady. Osyndaı jomart jandardyń bir toby búgin «Jyldyń úzdik sport janashyry-2020» marapatyna ıe boldy. Olar: Rafhat Ájigereıuly, Tólegen Saǵyntaıuly, Alpamys Ámirǵalıuly, Qarlyǵash Janshaqyzy pen Arkadıı Rýbov.

    Ulttyq sportty damytýǵa qosqan úlesi úshin Mahambet Paıdın (BQO, Jánibek aýdany, Jaqsybaı aýyly) «Úzdik ulttyq sport janashyry – 2020» nomınaııasymen marapattalsa, Jaqynda Almaty oblysy, Eńbekshiqazaq aýdanynda ótken «Sonar-2020» respýblıkalyq týrnırinde Atyraý oblysynan qatysqan Arman Abdýlkárimuly Qazaqstan jáne álem chempıonattarynyń júldegeri «Naryn» atty búrkiti bas júldeni ıelengeni úshin «Úzdik qusbegi-2020» ataǵyna ıe boldy. Sonymen qatar Erlan Tursynáliuly (BQO, Jánibek aýdany, Jaqsybaı aýyly) men Serik Qazybekov (Almaty oblysy) «Úzdik atbegi – 2020» atansa, Baqyt Sadýaqas (BQO, Jánibek aýdany, Jaqsybaı aýyly) «Úzdik shabandoz – 2020», Arnur Samatuly (Almaty oblysy) «Úzdik jas shabandoz – 2020» atanyp, marapattaldy.

    Qazaq boksyn damytýǵa qosqan úlesi úshin «SULEIMEN Promotions» promoýter kompanııasy (Prezıdenti –Ibragım Akdrashev, Atyraý oblysy) «Úzdik promoýter klýby-2020» jeńimpazy atansa, Jekpe-jek sport túrlerin damytýǵa qosqan úlesi úshin «Alash-Praıd» promoýsheni jaýyngerlik klýby (Prezıdenti – Danııar Qasqaraýov) «Jyldyń úzdik sport klýby – 2020» ataǵyn jeńip aldy. «Narkesken» sport klýby (Qyzylorda oblysy, Jalaǵash aýdany. Dırektory – Bahytbek Tólekov) «Úzdik aýyldyq sport klýb – 2020» júldesine ıe boldy.

    Buqaralyq sportty damytýǵa qosqan úlesi úshin «QR Prezıdenttik synaq jáne prezıdenttik kópsaıys federaııalar odaǵy» (Vıe-prezıdenti – Saıat Nádirbek) «Jyldyń úzdik federaııasy – 2020» nomınaııasymen marapattaldy. Parasportty damytýǵa qosqan úlesi úshin Almaty oblystyq múgedekterge arnalǵan mamandandyrylǵan sport mektebi (Dırektory – Erlan Baqtybaev) «Úzdik múgedekterge arnalǵan sport mektebi – 2020» atansa, aýyl sportyn damytýǵa qosqan úlesi úshin Jylyoı aýdandyq BJSM Atyraý oblysy, Qulsary qalasy (Dırektory – Murat Jarylǵasov) «Úzdik aýdandyq sport mektebi – 2020» ataǵyna aldy. Kásipqoı at sporty túrlerinen «ALTYN TULPAR» aqparattyq-saraptamalyq komandasy (Basshysy – Sherhan Iqlasov) «Úzdik sporttyq bloger – 2020» atalymynda jeńimpaz atandy.

    Sondaı-aq, bıyl ótken jarystarda úzdik shyqqan bir top sportshylar men olardyń bapkerleri de «Úzdik sportshy» jáne «Úzdik bapker» ataǵyna ıe boldy. Olar: Bekzat Nurdáýletov (boks, bapkeri – Marat Jaqıev, Mańǵystaý), Dáýlet Nııazbekov (erkin kúres, bapkeri – Abýtálip Amanov, Qyzylorda), Sábıt Danııal (boks, bapkeri – Sattar Sultanǵalıev, Oral), Bekbolat Rahat (aýyr atletıka, bapkeri – Nurjan Smahanov, Qyzylorda), Mıras Barshalyqov (grek-rım kúresi, bapkeri – Danııar Turlyhanov), Dıas Qanaıbekov (djıý-djıtsý, bapkeri – Nursultan Orynbasarov, Almaty) jáne djıý-djıtsý sportynan jas jetkinshekterdi tárbıelep, kóptegen chempıondardy shyǵarǵan bilikti bapker Azat Musabaev úzdikter qatyrynan kórindi.

    Bıyl jaz aıynda jaman indettiń órship turǵan kezinde kóptegen sportshylar el úshin aıanbaı eńbek etip, halyqtyń moınyna túsken aýyrtpalyqtyń sálde bolsa jeńildeýine óz úlesterin qosqan edi. Osyndaı azamattardyń da bir tobyn uıymdastyrýshylar marapatqa laıyqty dep tapty. Olardyń arasynda Nurlybek Daralıev (Atyraý oblysy) pen Rústem Yqybaev (ShQO) bar. Bul eki azamat «Halyq janashyry – 2020» marapatyna ıe boldy.

    Sonymen qatar Qazaq kúresin damytýǵa jáne baýyrlas qazaq pen qyrǵyz halqy arasyndaǵy dostyqty nyǵaıtýǵa qosqan zor úlesi úshin Nurqan Osmonalıev (Qyrǵyz Respýblıkasy, Osh oblysy, Ozgon aýdany) «Sheteldegi úzdik qazaq kúres bapkeri – 2020» nomınaııasynda jeńimpaz atandy. О́kinishke oraı Nurqan aǵamyz keshke kele almady.

    Qazaq sportynyń sımvoly Jaqsylyq Úshkempirov jáne sambodan birneshe dúrkin álem chempıondary Ashat Shaharov pen Erbolat Baıbatyrovtar týraly derekti fılmder daıyndaǵany úshin Telmuhamet Kúderov («QAZSPORT» arnasynyń jýrnalısi) «Jyldyń úzdik sport jýrnalısi – 2020» atansa, Jánibek Atyraýov (Atyraý oblysy, Jylyoı aýdany, Qulsary qalasy) «Úzdik sport ádiskeri – 2020» atalymynda qara úzip shyqty.

    Ataqty sportshylardyń barlyǵy sport álippesin mektep qabyrǵasynan bastaıtyny belgili. Olardyń sporttaǵy jolyna eń birinshi baǵyt beretin ol árıne, dene shynyqtyrý páni muǵalimderi ekeni daýsyz. Jas urpaqqa patrıottyq tárbıe berý jáne salaýatty ómir saltyn nasıhattaýda úlken jetistikterge jetip júrgen bir top ustaz «Úzdik dene shynyqtyrý páni muǵalimi-2020» jeńimpazdary atandy. Olar: Raýshan Toqaı (Almaty qalasy), Bekbol Abdrahmanov (Qaraǵandy qalasy), Nurlan Dúısebaev (Qyzylorda qalasy), Ǵalym Moldaǵojanov (Almaty qalasy), Turlybek Aıtjanov «Aqtóbe oblysy), Dáýlet Baqytbergenov (Qyzylorda oblysy) jáne Tıyshbaı Turtaev (Oral qalasy).

    «Ult batyrlary» kitabynyń tusaýkeseri men jyl úzdikterin marapattaý saltanatyna jazýshy Pernebaı Dúısenbın aǵamyzdyń shákirtteri «Shalqar» radıosynyń dırektory Bolatbek Tólepbergen qatysyp, óziniń júrekjardy tilegin jetkizse, qazaq dástúrli án óneriniń maıtalmany Ardaq Istaeva ásem ánnen shashý shashyp, ustazdaryna erekshe qurmet kórsetti. Ult janashyry Erbolat Alııadınuly qurmetti qonaqtardyń bir tobyn «Uly dala batyry» medalimen marapattady.

    Elimizdegi karantıdik jaǵdaıǵa baılanysty marapatqa ıe bolǵan úzdikterdiń birazy keshke qatysa almaǵanmen, olardyń júldelerin ózderine jetkizip beretin boldyq.

    Kesh sońynda qazaq estradasynyń taǵy bir jarqyn ókili Eset Sádýaqasov Musaǵalı Tasqalıevtiń sózine jazylǵan Orazaly Maqsutovtyń «Aǵaıynǵa tilek» ániniń tusaýyn kesip, tamyljyta oryndap berdi. Osy ánde aıtylǵandaı qýanyshty kúnderde birge bolyp, tańdarymyz araılanyp ata bersin aǵaıyn! Tezirek jaman indetten qutylyp, burynǵy jaıma-shýaq kúnderimizge qaıtyp oralaıyq! Qazaq sporty jasasyn! Jeńistiń 75 jyldyǵy qutty bolsyn! Otan úshin ot keshken atalarymyzdyń jatqan jerleri jaryq bolsyn! Endigi jerde eshqashan soǵys degen bolmasyn! Elimiz aman, jurtymyz tynysh bolsyn!

     

    Jandos AIaNBEKULY,

    ALMATY

     

    Bir pikir

    1. Gorızontalnye pamıatnıkı

      Akter 1928 jyly 22 s?ýirde ?azirgi Atyraý oblysy Mahambet aýdanynda d?nıege kelgen. 14 jasynan bastap Gýrev m?naı barlaýynda j?mys isteıdi, keıinnen Almatyda?y kınomehanıkter kýrsynda o?ıdy. 1950 jyly Almaty kınomektebin bitirip, Tashkenttegi teatr ?neri ınstıtýty akterlik fakýltetini? 3-shi kýrsyna ?abyldanyp, ony 1952 jyly bitirip shy?ady.

    Pikir jazý

    Your email address will not be published. Required fields are marked *

    *