دارىنداردى دايىندايتىن ديرەكتور

كيكبوكسينگتەن حالىقارالىق دارەجەدەگى سپورت شەبەرى، ازيا، ەۋروپا قۇرلىقتارىنىڭ ەكى دۇركىن چەمپيونى، الەم كۋبوگىنىڭ يەگەرى، 1997 جىلعى الەم چەمپيوناتىنىڭ جۇلدەگەرى، قازاقستاننىڭ بىرنەشە دۇركىن چەمپيونى، داڭقتى سپورتشى ەلمۇرات قايىپجانوۆ الماتى وبلىسى، ەڭبەكشىقازاق اۋدانى، شەلەك اۋىلىنداعى  №2 بالالار مەن جاسوسپىرىمدەر سپورت مەكتەبىنىڭ ديرەكتورى بولىپ تاعايىندالدى.

2018 جىلدان بەرى تالانتتى جاسوسپىرىمدەردى سپورتتىڭ  سەگىز ءتۇرى بويىنشا وقىتاتىن مەكتەپتە 584 وقۋشى ءبىلىم الادى. بۇل سپورت ورداسىنداعى بوكس بولىمىنەن 2019-2020 وقۋ جىلدارى ءتورت وبلىستىق چەمپيون شىقتى. ولاردى ە.نۇرقالىقوۆ، ا. ءداۋىتوۆ، س. احمەتوۆ جاتتىقتىردى.  قازاقستان چەمپيوناتىندا ءبىر وقۋشى ءۇشىنشى ورىندى يەلەندى (جاتتىقتىرۋشىلارى ە. نۇرقالىقوۆ، ا. ءداۋىتوۆ).

قازاق كۇرەسىنەن ءبىر بالۋان وبلىس چەمپيونى اتاندى. ونىڭ جاتتىقتىرۋشىسى م. مامەتوۆ.

م. مامەتوۆتىڭ ءبىر وقۋشىسى الەمدەگى ىندەتكە بايلانىستى قازاقستان چەمپيوناتىنا بارمادى.

سايات بولىمىنەن ق.يسابەكوۆتىڭ ءبىر وقۋشىسى حالىقارالىق تۋرنيردا ءبىرىنشى ورىن الدى.

م.كودەكوۆتىڭ ءبىر وقۋشىسى ەل چەمپيوناتىندا قۇرمەت تۇعىرىنىڭ ەڭ بيىك ساتىسىنا كوتەرىلدى. جاتتىقتىرۋشىلار ق. يسابەكوۆ سپورت شەبەرلىگىنە ءبىر ۇمىتكەردى، ا.يسمايلوۆ ءتورت سپورتشىنى دايىنداسا، م.كودەكوۆ ءبىر سپورت شەبەرىن شىعاردى. م.كودەكوۆتىڭ ءتورت وقۋشىسى قازاقستان قۇراما كومانداسىنا قابىلداندى.

اشىق ساباقتاردى ا.يسمايلوۆ، ب.تىنىشپاەۆ، ا.ءداۋىتوۆ، ە.نۇرقالىقوۆ وتكىزدى. باسقا جاتتىقتىرۋشىلار كارانتينگە بايلانىستى وتكىزە المادى.

كارانتيندە قاشىقتىقتان وقۋ-جاتتىعۋ جۇمىستارىن جاتتىقتىرۋشىلار ە.نۇرقالىقوۆ، ا.ءداۋىتوۆ، ب.سايدەنوۆا، ۆ. دە، ە.الياسقاروۆ، ۆ.تايروۆ، ا.يزبۋللاەۆ، ج.قوجامبەردى، ب.ەرماكاشەۆ، ا.يسمايلوۆ، م.كودەكوۆ وتكىزدى. وعان ا.اكىمجانوۆ، ب.تىنىشپاەۆ، پ.داناحۋنوۆ، ۇ.قوجامبەردى، ە.ورتىقوۆ، ۋ.اسانوۆ، ج.يساحان، م.تيۋپەەۆ، ت.مامانوۆ سەكىلدى جاتتىقتىرۋشىلار نەمقۇرايلى قارادى.

وسى جىلى سپورت مەكتەبىنە راحات دۇيسەن، باحتيار جامالوۆ، باۋىرجان نۇرماحان وقۋعا ءتۇستى.  ولاردى ۆ.دە جاتتىقتىرادى. ال وقۋعا قابىلدانعان اقنار ايداربەك پەن بەيبارىس سۇلەيمەنوۆتى  جارىسقا سپورت مەكتەپتىڭ مامانى – ا. يسمايلوۆ، اقبوتا ءسماتالىدى –ە.الياسقاروۆ، ايبەك بايعالىقتى  – ب.ەرماكاشەۆ، لاۋرا قۋاتالى مەن داستان تۇرلىقوجانى  ە. نۇرقالىقوۆ دايىندايدى

ءبىلىم وشاعىندا بوكس، ەركىن كۇرەس، دزيۋدو، ۆولەيبول، فۋتبول سەكىلدى وليمپيادا باعدارلاماسىنا ەنگەن سپورت تۇرىنە قوسا قازاق كۇرەسى، توعىزقۇمالاق، سايات ونەرىنە دە باۋليدى.

ەكى جىلدىڭ بەدەرىندە ءبىلىم وشاعىنىڭ تالاپتى جاستارى وبلىستىق، رەسپۋبليكالىق، حالىقارالىق جارىستارعا دا قاتىسىپ، جۇلدەلى ورالىپ كەلەدى. سپورت مەكتەبىنىڭ باپكەرلەرى مەن وقىتۋشىلارىنا  قويىلار باستى تالاپ – قازاقستان قۇراماسىنا قابىلداناتىن  تالانتتاردى دايىنداپ شىعارۋ.

قۋانىش جانىبەك،

الماتى وبلىسى