ەڭبەك ەلەنسە ەستە قالادى

قازىرگى تاڭدا دۇنيەجۇزىن جايلاعان ىندەتتىڭ اسەرى ءبىزدىڭ ەلگە دە ءتيىپ تۇر. دەگەنمەندە  وسىنداي قيىن كەزدە ىندەتكە مويىنۇسىنباي كۇرەسۋدىڭ ەڭ ءبىر ءتيىمدى ءتاسىلى سپورت دەۋگە بولادى.

سپورت – دەنساۋلىق كەپىلى دەسەك، دەنەشىنىقتىرۋمەن بەلسەنە اينالىسقان جانعا ەشقانداي دەرت تۇزاعىن سالا المايدى. زاماننىڭ اعىمىنا قاراي اعىسپەن ارپالىسا ەڭبەك ەتىپ جاتقان سپورت مەكتەپتەرىنىڭ يگىلىكتى ىستەرى ەشقاشان ەلەۋسىز قالمايتىنى ءبىر انىق. ايتالىق، بۇگىندە قاركەن احمەتوۆ اتىنداعى وليپيادالىق رەزەرۆىنىڭ ارنايى رەسپۋبليكالىق مامانداندىرىلعان مەكتەپ-ينتەرنات كوللەدجى ەلدەگى ىلگەرى وقۋ جانە سپورت ورداسىنىڭ ءبىرى بولىپ سانالادى. بۇل مەكتەپتە ءتالىم الىپ جاتقان دارىندى جاسوسپرىمدەر سپورتپەن بەلسەنە اينالىسىپ، تابىستان تابىسقا جەتىپ كەلەدى. اسىرەسە، ايتۋلى مەكتەپ-ينتەرناتتىڭ قابىرعاسىندا سالىنعان ەلىمىزدە تەڭدەسى جوق دزيۋدو اكادەمياسىندا جاتتىعاتىن بوتا بالۋانداردىڭ جەڭىستى جولدارى كوپكە ۇلگى بولارلىقتاي.

تاريحى تەرەڭنەن تاراۋ العان ايتۋلى مەكتەپتىڭ قابىرعاسىنان ەلىمىزگە تانىمال كوپتەگەن سپورتشىلاردىڭ شوعىرى شىقتى. مىسالى، دزيۋدو كۇرەسىنەن  اسحات جيتكەەۆ، ەلدوس سمەتوۆ سىندى ساڭلاقتارىمىز وليمپيادا ويىندارىندا كۇمىس جۇلدەلەردى يەلەنىپ، كوك بايراعىمىزدى كوكتەن جەلبىرەتسە، التىن القالى اعالارىنىڭ ءىزىن جالعاستىرۋشى جاس تالانت بەكارىس سادۋاقاس ارگەنتينانىڭ استاناسى بۋەنوس-ايرەستە جاسوسپىرىمدەر اراسىندا وتكەن ءىىى وليمپيادا ويىندارىنىڭ چەمپيونى اتانىپ، ەلىمىزدىڭ اتىن شىعاردى. مىنە، وسىنداي قازاق سپورتىنىڭ ماقتانىشىنا اينالعان ءاپايتوس سپورتشىلاردىڭ كوپشىلىگى وسى قاركەن احمەتوۆ اتىنداعى وليپيادالىق رەزەرۆىنىڭ ارنايى رەسپۋبليكالىق مامانداندىرىلعان مەكتەپ-ينتەرنات كوللەدجدىڭ قابىرعاسىنان قاناتتارى  قاتايىپ تۇلەپ ۇشسا، كەيبىر جاس تالانتتار ءبىلىمىن ۇشتاپ جاتتىعۋىن ءالى جالعاستىرۋدا.

بۇگىندە قۇرىلىسى جاڭارىپ، جاڭاشا كورىنىس العان ايتۋلى مەكتەپ-ينتەرناتتىڭ اۋلاسىندا ورنالاسقان ءزاۋلىم دزيۋدو اكادەمياسى تالانتتى بالۋانداردى شىعارىپ جاتقان ۇستاحانا ىسپەتتى. سوندىقتاندا بۇل مەكتەپ-ۇجىمى بارلىق ماقتاۋعا لايىقتى جۇمىس ىستەپ وتىر.

بۇگىن ايتۋلى مەكتەپكە ۇلتتىق وليمپيادا كوميتەتىنىڭ سپورت ديرەكتسياسىنىڭ ديرەكتورى ەلسيار بايمۇحامەد ۇلى قاناعاتوۆ ارنايى ات باسىن بۇرىپ، ەڭبەكتەرىمەن كوپكە ۇلگى بولىپ وتىرعان قاركەن احمەتوۆ اتىنداعى وليپيادالىق رەزەرۆىنىڭ ارنايى رەسپۋبليكالىق مامانداندىرىلعان مەكتەپ-ينتەرنات كوللەدجدىڭ ديرەكتورى سەيىلحان قاراقوۆقا دزيۋدو اكادەمياسىن اككرەديتاتسيالاۋ سەرتيفيكاتىن قۇرمەتپەن تابىس ەتتى. ەلىمىزدەگى ۇلتتىق وليمپيادا كوميتەتى سەكىلدى مارتەبەلى سپورت ورىننىڭ وسىنداي جوعارى باعا بەرىپ كەتۋى مەكتەپ ۇجىمىنىڭ ىرگەلى ىستەرىنىڭ ناتيجەسى  دەپ بىلەمىز.

اقىن ورداباي ۇلى،

الماتى