• Қазақ
  •   
  • Qazaq
  •   
  • قازاق
  •   
  • Рус
  •   

    شۋحرات دانباي: «اتىراۋ بوكسشىلارىن وليمپياداعا اپارۋعا جۇمىس ىستەپ جاتىرمىز»

    ءساۋىر ايىنىڭ ورتا تۇسىندا اتىراۋ جاسوسپىرىمدەر بوكسىنىڭ ورتالىعىنا اينالدى. ويتكەنى مۇندا وسى سپورت تۇرىنەن جاسوسپىرىمدەر اراسىنداعى قازاقستان چەمپيوناتى ءوتتى. سول سەبەپتى ەلىمىزدىڭ باتىس ايماعىنا ارنايى بارىپ، قازاقستان قۇراماسىنىڭ رەزەرۆتەرىن بايقادىم. سونداي-اق جارىستىڭ جوعارى دەڭگەيدە وتكەنىن ەرەكشە ماقتانىشپەن ايتا الامىن. كەلگەن قوناقتار دا جوعارى باعالارىن بەردى.

    چەمپيوناتتىڭ وسىنداي دەڭگەيدە وتۋىنە اتىراۋ وبلىستىق بوكس فەدەراتسياسىنىڭ پرەزيدەنتى شۋحرات دانبايدىڭ ەڭبەگى زور. ول وسىمەن ءۇشىنشى جىل قاتارىنان بۇل قىزمەتتى اتقارىپ كەلەدى. ءوزىنىڭ كاسىبي شەبەرلىگىن پاۆلوداردا شىڭداعان. بىرنەشە جىل وسى ءوڭىردىڭ بوكس فەدەراتسياسىن باسقاردى. بۇگىنگى تاڭدا دانباي تاجىريبەسى مەن سپورتتاعى مەنەدجەرلىك قابىلەتىن مۇنايلى استانادا جۇزەگە اسىرىپ جاتىر. ول نەگىزىنەن اتىراۋدا ەلىمىزدەگى ءىرى مۇناي زاۋىتتارىنىڭ ءبىرىن باسقارادى.

    ونىڭ پىكىرىنشە، اتىراۋ وبلىسى – سپورتتىق تالانتتاردى كوتەرۋگە قولايلى جەر. ويتكەنى مۇندا دارىندى سپورتشىلار وتە كوپ. بوكس – وسى تالانتتاردى كورىپ قانا قويماي، ولاردى شىڭداي الاتىن ەڭ جاقسى سپورت ءتۇرى.

    قاراعاندىدا وقىپ جۇرگەن كەزىمدە دوستارىممەن ۇنەمى نۇركەن ءابدىروۆ اتىنداعى سپورت كەشەنىنە بارىپ تۇراتىنبىز. وندا كەڭەستىك بوكس مەكتەبىنىڭ ۇزدىكتەرى جارىسقا دايىندالاتىن. قاراعاندى بوكس مەكتەبىنىڭ تۇلەكتەرىن اتتارىن اتاپ، تۇستەرىن تۇستەپ ايتۋدىڭ قاجەتى شامالى دەپ بىلەمىن. بۇل وڭىردەن بوكس مەكتەبى – الەمدەگى ۇزدىكتەرى ءبىر ەكەنى بارشاعا ايان. ءدال سول كەزدە قاراعاندىدا، جالپى رەسپۋبليكادا بوكستاعى بۋم باستالدى. سودان بەرى وسى سپورت ءتۇرىن جاقسى كورەمىن. بوكستىڭ دامۋىنا ءوز ۇلەسىمدى قوسىپ كەلەمىن. بۇل جۇمىستى قۋانا-قۋانا ىستەپ ءجۇرمىن دەسەمم دە بولادى ، – دەيدى ول.

    شۋحرات دانبايدىڭ ايتۋىنشا، پاۆلودار وبلىسىنىڭ 10 جىل بوكس فەدەراتسياسىن باسقارعاندا، بولاشاقتى ويلاپ، ۇزاق مەرزىمدى جوسپار قۇرعان ەكەن.

    العاش جۇمىسقا كىرىسكەن 2010 جىلدارى پاۆلودارعا وزگە ءوڭىردىڭ بوكسشىلاردىن شاقىرىپ، سولاردىڭ كومەگىمەن ناتيجە كورسەتۋگە تىرىستىق. كەيىن ءبىز ءوز كادرلارىمىزدى تاربيەلەۋدىڭ ستراتەگيالىق باعىتىن تاڭدادىق. الداعى توكيو وليمپياداسىنا پاۆلوداردان ءبىر بوكسشى جولداما الدى. بۇعان دەيىن پاۆلوداردان ەشكىم بوكستان وليمپياداعا قاتىسپاعان. ەندى سول جەتىستىگىمدى اتىراۋدا دا قايتالاعىمىز كەلەدى.  كوماندامەن بىرگە اتىراۋدا وسى سپورت ءتۇرىن دامىتۋدىڭ ستراتەگياسىن دايىنداپ، ونى وبلىستىڭ بوكس بەلسەندىلەرىنىڭ جالپى جينالىسىندا ۇسىندىق، – دەيدى اتىراۋ وبلىستىق بوكس فەدەراتسياسىنىڭ پرەزيدەنتى.

    ايتا كەتۋ كەرەك، بۇعان دەيىن ول وڭىردەگى بارلىق قول جەتىمدى سپورت زالدارىن مۇقيات قاراپ شىققان. بوكسشىلاردىڭ جاتتىعۋلارىن، جىلىنا وتكىزىلەتىن جارىستاردىڭ سانىن، سپورت مەكتەپتەرىندەگى قۇرال-جابدىقتاردى، وبلىستىڭ اۋداندارىندا بوكسپەن اينالىساتىن بالالاردىڭ سانىن بارىنە تالداۋ جاساعان. وسىدان كەيىن عانا بوكستى دامىتۋ باعدارلاماسىن كەزەڭ-كەزەڭىمەن ىسكە اسىرۋعا مۇمكىندىك بولادى دەپ وتىر.

    بۇگىنگى تاڭدا بوكستىڭ قازىرگى جاعدايىن سيپاتتايتىن العاشقى وڭ ناتيجەلەردى كورىپ وتىرمىز. جاسوسپىرىمدەر قۇراماسىنا شاقىرتۋ العان جاس جىگىتتەر بولاشاعىنان ۇلكەن ءۇمىت كۇتىرەدى. بۇل بالالار ءۇشىن قولايلى جاعداي جاسالىنۋدا. ونداي مۇمكىندىكتەر قاراستىرىلعان كەزدە ناتيجە ءسوزسىز كەلەدى. وبلىستىق بارلىق جاس كاتەگوريالارىمەن جۇيەلىك بايلانىس ورناتا الدىق. سونىمەن قاتار مۇنداي تىعىس بايلانىس اعا جاتتىقتىرۋشىلارمەن دە ورناتىلعان. وسىنىڭ ءبارى ماكسيمالدى تۇردە ءتيىمدى جۇمىس ىستەۋگە مۇمكىندىك بەرەدى، –  دەيدى شۋحرات دانباي.

    سپورتتىڭ بىرنەشە تۇرىنە جاقىنسىز. بىراق نەلىكتەن باسقا قىزىعۋشىلىقتارىڭىزدى ىسىرىپ، ءدال بوكستى تاڭدادىڭىز. الداعى ۋاقىتتا بوكستىڭ دامۋىندا ءوزىڭىزدى قانداي ورىننان كورەسىز؟

    – بالا كەزىمدە كەنتاۋدا باسسەين سالىندى. جەتى جىل وسىندا جۇزۋمەن اينالىستىم. ودان كەيىن دزيۋدو زالىنا باردىم. ال قاراعاندىداعى ينستيتۋتقا وقۋعا تۇسكەنىمدە بوكسقا دەگەن قىزىعۋشىلىعىم وياندى. ول جىلدارى سەرىك نۇرقازوۆ، اركادي توپاەۆ سەكىلدى شەبەرلەر اتوي سالىپ جۇرگەن. سولارعا قاراپ، ءبىزدىڭ دە بوكسقا دەگەن كوزقاراسىمىز جاقساردى.كوپتەگەن قازاقستاندىق بوكسشىلار – كەڭەس وداعى سپورتىنىڭ ۇزدىكتەرىنىڭ قاتارىندا ءجۇردى.  مۇنىڭ ءبارى جاس ۇرپاققا ۇلگى ەدى. ستۋدەنتتىك كەزىمنەن باستاپ، بوكس مەنىڭ تاعدىرىمنىڭ ءبىر بولىگىنە اينالدى. سوندىقتان بولار، وسى كۇنى كەز كەلگەن سپورتتىق جوبالارعا قۋانا-قۋانا قاتىسامىن. ونىڭ ىشىندە اۋەسقوي، مەكتەپارالىق نەمەسە كاسىپقوي دەڭگەيدەگى سپورت بولسا دا ايىرماشىلىق جوق.

    «نازارباەۆ ۋنيۆەرسيتەتىنىڭ» ۇلكەن سپورتزالى ەسىمدە. اندا-ساندا ۇستەل تەننيسىن ويناۋعا بارىپ تۇراتىنبىز. سوندا بايقايتىنىم، بوكس رينگىنىڭ اينالاسىندا ءاردايىم ادام كوپ جۇرەدى. ءبىر ايتا كەتەرلىگى، ول جەردە ستۋدەنتتەر ابونەمەنت الىپ، قالاعان سپورت تۇرلەرىمەن اينالىسا الادى.

    بۇگىنگى تاڭدا ءاربىر قازاقستاندىق وتاندىق بوكسشىلاردىڭ جەتىستىكتەرىنە قاراپ، ماقتانا الادى. تاۋەلسىزدىك العاننان بەرى ارالىقتا بوكسشىلارىمىز حالىقارالىق جارىستاردان ۇنەمى التىن مەدالمەن ورالىپ ءجۇر. جەرلەستەرىمىزدىڭ حالىقارالىق دودالاردا جوعارى دەڭگەيدە ونەر كورسەتۋلەرىنە قاراپ، قازاقستاندىقتاردىڭ ولارعا دەگەن سەنىم ارتاتىنى بايقالادى. ءبىزدىڭ بوكسشىلار تۇعىردىڭ ەڭ جوعارى ساتىسىنا كوتەرىلۋگە ءاردايىم لايىقتى دەپ ويلايمىن. بۇل ءۇردىس الداعى ۋاقىتتا دا جالعاسا بەرمەك.

    شۋحرات دانباي، قازاقستاندىقتار بوكسشىلارىمىزدىڭ جەتىستىكتەرىنە قاراپ ماقتانۋى كەرەك دەپ سانايدى. ويتكەنى، كەز كەلگەن شەتەلدىك جارىسقا بارعاندا وتاندىق بوكسشىلار جەڭىسپەن ورالىپ، جانكۇيەرلەرىن جەرگە قاراتقان ەمەس.

    سپورتشىنىڭ الەمدىك بەلەستى باعىندىرۋىنا ينفراقۇرلىمنىڭ ماڭىزى زور. سونىمەن قاتار جەڭىمپازدىق رۋحىن قالىپتاستىرۋ ءۇشىن تاعى نە قاجەت؟

    –ەڭ نەگىزگى باسىمدىقتىڭ ءبىرى – ىشكى تۇراقتىلىق. ول بىرنەشە كومپونەنتتەردەن تۇرادى. اتاپ ايتساق، فيزيكالىق دايىندىق، مەديتسينالىق قىزمەت كورسەتۋ، باپكەرمەن قارىم-قاتىناس سەكىلدى بولىپ جالعاسا بەرەدى. ودان بولەك، كوماندالىق رۋحتىڭ دا ماڭىزى ەرەكشە. شىنىندا دا، ءوزارا قولداۋ بولماسا، بىردە-ءبىر ورتا سىناققا توتەپ بەرە المايدى. جەڭىمپازداردىڭ پسيحولوگياسىنىڭ قالىپتاسۋىنا كوپتەگەن فاكتورلار اسەر ەتەدى.

    ء–بىر كەزدەرى جەكە باپكەرى سپورتشىنىڭ تالىمگەرى ءارى اكەنىڭ ءرولىن اتقارىپ، تاربيە جۇمىسىندا وراسان زور ءرول اتقارعانىن بىلەمىز. بۇگىنگى كۇنى پسيحولوگتاردى بولاشاق چەمپيوندارمەن تاربيە جۇمىسىنا تارتۋعا دەگەن كوزقاراس بار. قازىرگى جاعدايدا ولاردىڭ كومەگى قانشالىقتى كەرەك بولادى؟

    – مەنىڭ تۇسىنىگىمدە، كەز كەلگەن چەمپيوننىڭ جەتىستىككە جەتۋىندە باپكەرىنىڭ ۇلەسى 80 پايىزدى قۇرايدى. جاتتىقتىرۋشىنىڭ باسىندا شاكىرتىن دايىنداۋعا قاتىستى 100 دەگەن ۇساق-تۇيەك ماسەلەلەر جۇرەدى. سوندىقتان پسيحولوگتار تۇراقتىلىقتى نىعايتۋعا جانە دامىتۋعا دا كومەك كورسەتۋلەرى كەرەك.

    توپ-مەنەدجەردىڭ قۇپياسىمەن بولىسسەڭىز: ءسىزدىڭ ويىڭىزشا، جەكەلەگەن الىپ ونەركاسىپتىك ءوندىرىستى نەمەسە وبلىستىق سپورتتىق فەدەراتسيانى دامىتۋداعى تابىستىڭ كىلتى نەدە؟

    –كوپ قىرلى مەحانيزمنىڭ جۇمىسىن باسقارۋعا جانە رەتتەۋگە بايلانىستى كەز-كەلگەن جوبادا كوپ نارسە پىكىرلەس ادامدارعا جانە باسىمدىقتارعا دۇرىس كوڭىل بولۋگە بايلانىستى. جول كارتاسى جانە ءبىزدىڭ نازار اۋداراتىن وبەكتىنىڭ جالپى دامۋ ستراتەگياسىن ءتۇسىنۋ جۇمىستى كەزەڭ-كەزەڭىمەن قۇرۋعا مۇمكىندىك بەرەدى. مەن ايتىپ وتكەندەي، بوكس قىسقا مەرزىمدى جوبا ەمەس، بۇل ۇزاق مەرزىمدى جۇمىس. العا قويىلعان ماقساتقا جەتۋ ءۇشىن ءبىر وليمپيادالىق تسيكل ۇزاق ۋاقىتتى الادى. ءبىز پاۆلودار وبلىسىندا جۇمىس ىستەگەن كەزدە بەلگىلى ءبىر جەتىستىككە جەتۋ ءۇشىن ۇزاق مەرزىمدى جوسپارمەن قادام جاسادىق. ءبىر ساتتىك جەتىستىكتەرمەن شەكتەلىپ قالمادىق. بۇل كاسىپقويلار مەن ەنتۋزياستاردىڭ كۇش-جىگەرىن بىرىكتىرە العان فەدەراتسياداعى جۇيەلى ۇيىمداستىرىلعان جۇمىستىڭ ناتيجەسى بولدى. سونىڭ ارقاسىندا ءتۇرلى تۋرنيرلەر وتكىزدىك.

    شۋحرات دانباي پاۆلودارداعى بوكستى وبلىستىڭ سپورت باسشىلارى ازامات ماقاجانوۆقا سەنىپ تاپسىرعان كەزدە فەدەراتسيا ەسكىرگەن سپورت زالدىڭ قوجايىندارىنىڭ جوندەۋگە بايلانىستى وتىنىشىنە قالاي جاۋاپ بەرگەنىن ايتىپ بەردى. ءار ءتۇرلى كاسىپكەرلەر سپورت كەشەنى ورنالاسقان جەر ۋچاسكەسىنە ءۇمىتتى بولعان. الايدا سول كەزدە وبلىس اكىمى باقىتجان ساعىنتاەۆ ول جەردە وبلىستىق بوكس فەدەراتسياسىنا بەرۋگە تاپسىرما بەرەدى. سونىڭ ارقاسىندا زاماناۋي سپورت كەشەنىن سالىنادى.

    –ازامات ماقاجانوۆ سپورت مەنەدجمەنتى بويىنشا شەتەلدەن ءتالىم الدى. ءبىز وسىلايشا كەرەمەت مامانعا يە بولىپ، كادرلاردى دايارلاۋ ماسەلەسىندە بۇل ءۇردىستى قامتاماسىز ەتتىك جانە بۇگىندە بۇكىل پاۆلودار وبلىسى جاقسى «سپورتتىق» ناتيجەلەرگە قول جەتكىزۋدە، – دەيدى شۋحرات دانباي.

    توكيو وليمپياداسىنىڭ قارساڭىندا سەرىكجان تەمىرجانوۆقا قاتىستى پىكىرىڭىزدى بىلگىم كەلەدى. ول جىگىتتەن ءتورت جىلدىقتىڭ باستى دوداسىنا جولداما الادى دەپ كۇتتىڭىز بە؟

    –قازىر قانشاما تالانتتى بالالار ءوستى. سولاردىڭ اراسىنان بىرەۋى جارىپ شىعۋى ءتيىس بولاتىن. سەرىكجان دا وسى بۋىننىڭ وكىلدەرىنىڭ ءبىرى. بىراق باسىندا توكيو وليمپياداسىندا ءدال سول جولداما الاتىنىن بولجاعان جوقپىن. بۇگىنگى تاڭدا اتىراۋدا دا قانشاما تالانتتى بوكسشىلار ءجۇر. قازاقستان جاسوسپىرىمدەر قۇراماسىنا قابىلدانعان رايىس نۇرقانات، امانات سابىرعالي، بەكزات ءبيتىموۆ، بەكزات قونىسباي سەكىلدى جىگىتتەردى الداعى ۋاقىتتا الىس-جاقىن مەملەكەتتەردە تانىپ قالۋى ءتيىس. ولاردىڭ پوتەنتسيالدارى جوعارى. بىزگە سول جاقۇتتارىمىزدى تانىتۋ ءۇشىن كوپتەن جۇمىس اتقارۋىمىز قاجەت.

    شۋحرات دانباي سپورتشىلاردىڭ تاربيەسىمەن اينالىسۋ جاقسى، بىراق كاسىپقوي مامانداردىڭ جۇمىسىنا ارالاسپايمىن دەپ وتىر.

    مەنىڭ مىندەتىم – وكىلەتتىكتەردى ءبولىپ بەرۋ. مەن بۇل مىندەتتى اتقارۋشى ديرەكتورعا  (باتىرحان قالىقوۆ) جۇكتەدىم. ەگەر مۇنداي لاۋازىمدا بىلىكتى مەنەدجەر وتىرسا، جەتىستىكتىڭ جارتىسى دەپ بىلەمىن. مەن ءوز تاراپىمنان تاپسىرمالار بەرە الامىن، كەڭەس ايتامىن. سونىمەن قاتار قاراجات ءبولىپ، ونىڭ قايتارىمىن كۇتەمىن، –  دەيدى فەدەراتسيا باسشىسى.

    –اۋقىمدى تاپسىرمالار ءبىزدىڭ قىزمەتكەرلەرىمىزدى قاناتتاندىردى دەپ ويلايمىن. وبلىس بوكسىنداعى بىلىكتى مامانداردىڭ ارقاسىندا از ۋاقىتتىڭ ىشىندە ۇلتتىق قۇراماعا كانديدات بوكسشىلاردى تاربيەلەپ شىعارۋعا بولادى. ۇزاق مەرزىمدى نەگىزگى ماقساتتاردىڭ ءبىرى – الداعى وليمپياداعا اتىراۋ وبلىسىنىڭ  تۋماسىن جىبەرۋ.

    «اتىراۋ مۇناي وڭدەۋ زاۋىتى» بۇل قۋاتتى سالالىق كاسىپورىن. ونىڭ قالا جانە وبلىس جانە جالپى اتىراۋدىڭ سپورتتىق ومىرىندە ءرولى قانداي؟  مىسالى، پاۆلودار مۇناي وڭدەۋ زاۋىتىنىڭ سپورتتىق دەڭگەيىمەن سالىستىرا الاسىز با؟

    پاۆلودار مۇناي-حيميا زاۋىتىمەن سالىستىرعاندا ايماق ومىرىنە اۋقىمى مەن ەكونوميكالىق اسەرى مۇلدەم باسقاشا. پاۆلوداردا اتىراۋمەن سالىستىرعاندا زاۋىتتاردىڭ سانى از. اتىراۋدا مۇناي وندەۋ زاۋىتى – قالانىڭ نەگىزگى وندىرىستىك جانە قالا قۇراۋشى كاسىپورىندارىنىڭ ءبىرى بولىپ سانالادى. ەكى جىل بۇرىن اياقتالعان زاۋىتتى كەڭ اۋقىمدى مودەرنيزاتسيالاۋ قازىر دۇرىس ءارى ساۋاتتى جۇمىس ىستەۋدى تالاپ ەتەدى. بىزدە وتە جاۋاپتى ءوندىرىس بار. سوندىقتان ۇجىم ءاردايىم تونسۋتا بولۋعا مىندەتتى. مۇنداي ماسەلەلەردى شەشۋدە بۇقارالىق سپورتسىز قالاي بولادى؟ زاۋىت  كەز كەلگەن سپورت تۇرىمەن اينالىساتىنداردى قولدايدى. زاۋىت بازاسىندا حوككەي كومانداسى مەن ۇستەل تەننيسى كومانداسى بار. فۋتبول، باسكەتبول، ۆولەيبول، شاحماتتى جانە ت.ب. سپورت تۇرلەرىن دامىتۋ ءۇشىن بىلىكتى اكىمشىنى جالدادىق. سوسىن سپورتتىڭ 12 تۇرىنەن سپارتاكيادا ءوتىپ تۇرادى. مەن ءوزىم بەلسەندى دەمالىس پەن  سالاۋاتتى ءومىر سالتىن سۇيەتىن اداممىن. قىزمەتكەرلەردىڭ دە ۇنەمى سەرگەك جۇرگەندەرىن قالايمىن. دۇرىس ءومىر ءسۇرۋ تۋرالى ويلاناتىنىن جانە مەملەكەتكە، قوعامعا ءوز ۇلەستەرىن قوسۋعا تىرىساتىن جاڭا بۋىن ءوسىپ كەلە جاتقانىنا قۋانىشتىمىن. مىڭداعان قۇرامنان ءوز ورنىڭدى تابۋ وتە قيىن، بىراق ءبىزدىڭ كادر ساياساتىمىز جاس ماماندارعا، سونداي-اق زاۋىتقا ءبىر جىلدان استام ۋاقىت ادال قىزمەت ەتەتىندەرگە كومەكتەسۋگە جانە قولداۋ كورسەتۋگە ارنالعان.

     

    –اڭگىمەڭىزگە راحمەت!

     اڭگىمەلەسكەن ەرزات سەرعازين

     

     

     

     

     

    پىكىر جازۋ

    Your email address will not be published. Required fields are marked *

    *