SportPress.kz Qazaqstan sport jańalyqtary
Qazaq kınomatogafııasy men Ortalyq Azııa aımaǵy boıynsha alǵashqy kınomehanık qazaq áıeli, KSRO kınomatografııa salasynyń úzdik qyzmetkeri, Qurmet jáne Oktıabr Revolıýııasy ordenderiniń ıegeri, Jambyl jáne Qordaı aýdandarynyń qurmetti azamaty Rápııa Halyqqyzy Halyqova anamyz baqılyq dúnıege jol tartty.
Halyqtyń, týǵan eliniń ystyq yqylasymen kıno qoıý salasynda ólsheýsiz eńbek etken uly ananyń uly júregi 2021 jylǵy 25 mamyr kúni toqtap, máńgilik saparǵa attandy.
Rápııa anamyzdan jas ta kári de úlgi alyp, maqtanatyn edi. Ol kisini jaqsy kórmegen jan bolmaǵan. Rápııa anamyz týraly Qazaqfılm «Rápııa» degen derekti fılmdi áıgili rejısser Oraz Ábishev 1984 jyly túsirip jaryqqa shyǵarsa, uly belgili jýrnalıst Aqyn Ordabaıuly «Rápııa» degen qundy kitapty elge tartý etti.
Rápııa Halyqqyzynyń ómiri tek ulaǵatpen, izgilikpen órilgen ómirden turady. Ol – Máskeýde ótken Búkilodaqtyq kınomotografııa salasynda ótken sezde úlken minbede turyp, Qazaqstandaǵy halyqqa kıno qoıý salasyndaǵy ózekti máselelerdi qaımyqpaı ashyq aıta bilgen qaısar ana. Asyl ananyń ómirjolynda qanshama qıynshylyqtar kezdesse de ol esh ýaqytta moıymaı tik turyp jeńe bilgen. Naǵyz batyr ana dese bolady. Solardyń biri qazaq halqynyń basyna kelgen ashtyq náýbeti edi. Anamyz asharshylyqty da kózimen kórgen adamnyń biri.
Uly Otan soǵysynan keıingi aýyr jyldarda Rápııa apamyz tynymsyz eńbek etip, bar aýyrtpalyqty eńsere bildi. El qurmetine talmaı etken eńbegimen jete bilgen aıaýly ana, aqtyq demi qalǵansha, eldiń, bala-shaǵanyń tileýin tilep otyrdy. Osylaısha ǵazız ana, 86 jasynda Allanyń qalaýymen jaryq dúnıemen qoshtasty. Rápııa ananyń mápelep ósirgen ul-qyzdary bul kúnde elimizdiń kórnekti salalarynda qyzmet etip júr. Ana –meıir, ana – baqyt, ana – ómir degen osy bolar. Artyna óshpes iz qaldyrǵan Rápııa Halyqqyzynyń qaıtys bolýy orny tolmas qaza.
Asyl ananyń týǵan-týystary men ósken ortasyna qaıǵyryp kóńil aıtamyz. Alla Rápııa Halyqqyzyn rahymyna alyp, jany jannattan bolsyn! Topyraǵyńyz torqa bolsyn elanasy!
