قازاق بوكسى امەريكادا كورسەتىلەدى

«MTK GLOBAL KAZAKHSTAN» مەنەدجەرلىك كومپانياسى مەن ءىرى امەريكالىق  حولدينگتاردىڭ ءبىرى «ESPN+» ەكسكليۋزيۆتى تەلەديدارلىق كەلىسىم-شارتقا قول قويدى.

بۇل تۋرالى بۇقارالىق اقپارات قۇرالدارىنىڭ وكىلدەرىمەن وتكىزىلگەن پرەسس-لانچ بارىسىندا بەلگىلى بولدى.

كەلىسىم-شارتتا  اقش اۋماعىندا «MTK GLOBAL KAZAKHSTAN» ۇيىمداستىراتىن كاسىپقوي بوكس تۋرنيرلارىن 2023 جىلعا دەيىن كورسەتۋ تۋرالى كەلىسىم بار.

«MTK GLOBAL KAZAKHSTAN» مەنەدجەرلىك كومپانياسىنىڭ پرەزيدەنتى  اسقار سالىقباەۆ:

— وزدەرىڭىز بىلەتىندەي، 2019 جىلى كومپانيانىڭ قۇرىلعان كەزىنەن باستاپ، ءبىز اقش-تىڭ  «ESPN+» ارناسىنىڭ تىكەلەي ەفيرىندە  وزىمىزدىڭ 5 شوۋ باعدارلامامىزدى كورسەتكەن بولاتىنبىز. ەڭ العاشقى شوۋ وتكىزگەن كەزىمىزدە ەلىمىزدىڭ استاناسى نۇر-سۇلتان قالاسىنا  اتى اڭىزعا اينالعان پروموۋتەر بوب ارۋم مەن ۇلىبريتانيالىق الەم چەمپيونى  بيللي دجو سوندەرس كەلگەن بولاتىن. الدىڭعى كەلىسىم-شارتىمىز 10 شىلدە كۇنى  الماتى قالاسىندا وتەتىن التىنشى تۋرنيردان كەيىن اياقتالۋ كەرەك بولاتىن.

جاڭا كەلىسىم 2023 جىلدىڭ سوڭىنا دەيىن ەسەپتەلگەن. بۇل كەلىسىم بويىنشا ءبىز قازاقستاننان «ESPN+» تەلەديدارلىق جەلىسىنە ەنەتىن شامامەن 9 ءتۋرنيردى كورسەتۋگە كەپىلدىك بەرەمىز. ءوزىمىزدىڭ تاڭداعان ستراتەگيامىزدىڭ دۇرىستىعىن دالەلدەيتىن جانە امەريكالىق كورەرمەننىڭ قازاقستان بوكسشىلارى مەن ءبىزدىڭ كومپانياعا دەگەن ۇلكەن قىزىعۋشىلىعىنا وتە قۋانىشتىمىز.

سول كۇنى  «MTK GLOBAL KAZAKHSTAN» كومپانياسى  كەزەكتى سپورت شاراسىن 10 شىلدە كۇنى الماتى قالاسىنداعى  بالۋان شولاق اتىنداعى سپورت سارايىندا وتكىزەتىنى تۋرالى بەلگىلى بولدى. كاسىپقوي بوكس كەشىنىڭ باستى جەكپە-جەگى قازىرگى تاڭدا انگليانىڭ مانچەستەر قالاسىندا وقۋ-جاتتىعۋ جيىنىندا جۇرگەن ءبىرىنشى ورتا سالماقتاعى (69 كگ) تۇرسىنباي قۇلاحمەتتىڭ تيتۋلىن قورعاۋ جەكپە-جەگى بولادى.

ول سۋپەر جەڭىل سالماقتاعى شوتلانديالىق بوكسشى لي ماكگرەگور ونەر كورسەتەدى. سونىمەن قاتار «ESPN+» ەفير كەستەسىنە تالعات شايكەن، نۇرتاس اجبەنوۆ جانە سۇلتان زاۋربەكتىڭ قاتىسۋىمەن بولاتىن جەكپە-جەكتەر ەنەدى.

سونىمەن قاتار، كاردتا «MTK GLOBAL KAZAKHSTAN» مەنەدجەرلىك كومپانياسىنىڭ بوكسشىلار دا قولعاپ تۇيىستىرەدى. ولار:   ءالي بالوەۆ، باعدات ۋايداەۆ، ااعيىندى راي مەن راحات سەيتجانوۆتار، نۇربول سۇلتانباي، اباي تولەش، نۇردوس تولەباي، ايدوس مەدەت، جانسايا راحىمبەردى.

«MTK GLOBAL KAZAKHSTAN» — سەرپىندى تۇردە دامىپ كەلە جاتقان كاسىپقوي بوكستاعى مەنەدجەرلىك كومپانيا. ول ەلىمىزدە كاسىپقوي بوكستى دامىتۋ جانە تانىمال ەتۋ، كاسىپقوي بوكس يندۋسترياسىن قۇرۋ، كاسىپقوي بوكسشىلاردى حالىقارالىق ارەناعا شىعارۋ جانە ەڭ بەدەلدى الەمدىك ۇيىمداردىڭ نۇسقالارى بويىنشا تيتۋلدار ءۇشىن جەكپە-جەككە كومەك كورسەتۋمەن اينالىسادى.

ماقساتتار مەن مىندەتتەردى ىسكە اسىرۋدا «MTK GLOBAL KAZAKHSTAN» مەنەدجەرلىك كومپانياسى «TUKESHOV BOXING PROMOTION» پروموۋتەرلىك كومپانياسىمەن بىرلەسىپ، قازاقستاندا 2019 جىلدان بەرى 20-دان استام كاسىپقوي بوكس كەشتەرىن وتكىزدى.

وسى ۋاقىت ارالىعىندا «MTK GLOBAL KAZAKHSTAN» جانە «TUKESHOV BOXING PROMOTION» كومپانيالارىنىڭ قولداۋىمەن وتكەن تۋرنيرلارعا قازاقستاننىڭ بارلىق ايماقتارىنىڭ اتىنان 250-دەن استام بوكسشى قاتىستى. وسى كەزەڭدە سۇلتان زاۋربەك، ۆيكتور كوتوچيگوۆ، قامشىبەك قۇنقاباەۆ، تۇرسىنباي قۇلاحمەت، نۇرتاس اجبەنوۆ سياقتى بوكسشىلار، دۇنيەجۇزىلىك بوكس كەڭەسى (WBC) جانە دۇنيەجۇزىلىك بوكس ۇيىمى (WBO) نۇسقالارى بويىنشا چەمپيوندىق بەلبەۋلەردىڭ يەگەرلەرى بولدى. 

2020 جىلى «MTK GLOBAL KAZAKHSTAN GOLDEN CONTRACT» اۋقىمدى سپورت جوباسى ءساتتى تۇردە جۇزەگە اسىرىلدى. بۇل جوباعا ەكى سالماق دارەجەسىندەگى  (59 كگ-عا جانە 69 كگ-عا دەيىن) قازاقستاندىق بوكسشىلار قاتىستى. جوبا جەڭىمپازدارى بونۋس رەتىندە قوماقتى اقشالاي سىيلىقتارعا، «MTK GLOBAL KAZAKHSTAN» مەنەدجەرلىك كومپانياسىمەن تولىق كەلىسىم-شارت جانە WBC مەن WBO نۇسقالارىنا سايكەس بەلبەۋلەرگە يە بولدى.

جاقسى ۇيىمداستىرىلعان جۇيەلى جۇمىس  الەمدىك سپورت قوعامداستىعىنىڭ نازارىن اۋداردى. مىسالى، تىكەلەي ەفيردە قازاقستاندا وتكىزىلگەن 5 ءىرى ءتۋرنيردى كورسەتكەن  اقش-تىڭ  «ESPN» كومپانياسىمەن جاسالعان كەلىسىم-شارتتى سونىڭ ناتيجەسى دەۋگە بولادى.

ترانسلياتسيالار مەن رەيتينگتەردىڭ جوعارى ساپاسى جانە ۇيىمداستىرىلعان تۋرنيرلاردىڭ دارەجەسىن ەسكەرە وتىرىپ، «MTK GLOBAL KAZAKHSTAN» مەن «ESPN» تەلەارناسى 2023 جىلدىڭ سوڭىنا دەيىن كوزدەلگەن ۇزاق مەرزىمدى ەكسكليۋزيۆتى كەلىسىم-شارت جاساۋعا كەلىستى. كەلىسىم-شارت بويىنشا، «ESPN»  اقش ايماعىندا «MTK GLOBAL KAZAKHSTAN» كومپانياسى  وتكىزگەن تۋرنيرلەردى  كورسەتۋدى كوزدەپ وتىر.

قازىرگى تاڭدا «MTK GLOBAL KAZAKHSTAN» كومپانياسىنىڭ الەمدىك سەرىكتەستەرى:

• «BUKA BOXING» — سپورتتىق جابدىقتار ءوندىرىسىنىڭ نارىق جەتەكشىلەرىنىڭ ءبىرى.
• «IFL TV» – بريتاندىق ستريمينگ قىزمەتى.
• «ROUND10BOXING» – الەمدەگى ەڭ ۇلكەن بوكس زالدارىنىڭ جەلىسى.
• «ESPN» – امەريكاندىق تەلەديدار الىبى.

 «MTK GLOBAL KAZAKHSTAN» كومپانياسىنىڭ الەمدىك سەرىكتەستەر قاتارىنا «Neo SAUMAL» ساۋدا ماركاسىمەن «BBPARTNERS» كومپانياسى قوسىلاتىنىن قۋانا جاريالايمىز. «Neo SAUMAL» — مۇزداتىلىپ، كەپتىرىلگەن بيە ءسۇتىن وندىرەتىن ەلىمىزدىڭ ەڭ ءىرى ءوندىرۋشىسى.

بۇقارالىق اقپاراتتار قۇرالدارىنىڭ وكىلدەرىمەن وتكەن كەزدەسۋدە «MTK GLOBAL KAZAKHSTAN» جانە «TUKESHOV BOXING PROMOTION» جوبالارىن دامىتۋعا قاتىستى بىرقاتار نەگىزگى ماسەلەلەر دە تالقىلاندى:

• «MTK GLOBAL KAZAKHSTAN» مەن «ESPN» تەلەارناسى اراسىنداعى ەكسكليۋزيۆتى كەلىسىم-شارت;
• «TUKESHOV BOXING PROMOTION» پروموۋتەرلىك كومپانياسىنىڭ قولداۋىمەن جانە «قازاقستاننىڭ كاسىپقوي بوكس كوميسسياسىنىڭ» قولداۋىمەن وتەتىن تۋرنيرلەر اياسىندا ەڭ جەڭىل سالماقتاعى كاسىپقوي بوكسشىلار اراسىندا قازاقستان چەمپيونى اتاعى ءۇشىن جەكپە-جەك وتكىزۋ;
• «MTK GLOBAL KAZAKHSTAN»، «TUKESHOV BOXING PROMOTION» جانە «BBPARTNERS» كومپانيالاردىڭ بىرلەسىپ، بىرەگەي جوبانى ىسكە قوسۋ. بۇل بۇكىل قازاقستاندىق جانكۇيەلەرگە ۇلكەن بوكس الەمىنە قاتىسۋىن سەزىنۋگە مۇمكىندىك بەرەتىن جوبا;
• شىلدە ايىندا الماتىدا قازاقستاندىق جانە الىس-جاقىن شەتەل بوكسشىلارىنىڭ قاتىسۋىمەن وتەتىن ۇلكەن بوكس كەشى تۋرالى حابارلاندىرۋ. بۇل ايقاستار «ESPN» تەلەارناسىنىڭ تىكەلەي ەفيرىندە كورسەتىلەدى.

 

«MTK GLOBAL KAZAKHSTAN»

 بايلانىس ءۇشىن:

 8-707-550-55-89

دانيار كارىمجان