«Ybyraıdyń izimen» atty Nur-Sultan – Qostanaı velosherýiniń attaný rásimi

Bul velomarafon Táýelsizdigimizdiń 30 jyldyǵyna, Ybyraı Altynsarınniń 180 jyldyǵyna jáne Ybyraı Altynsarın atyndaǵy Ulttyq Bilim akademııasynyń 100 jyldyǵyna, sondaı-aq elimizdegi barlyq ustazdar qaýymyna arnalady.    

«Nur-Sultan – Qostanaı» velosherýi 23 tamyz kúni, dúısenbide,  tańerteńgi saǵat 09. 00-de Nur-Sultan qalasyndaǵy Ybyraı Altynsarın kóshesiniń boıyndaǵy Ybyraı Altynsarınge ornatylǵan taqtatas janynan bastaý alady. Attanatyn jerdiń naqty mekenjaıy – Ilııas Esenberlın kóshesi, 20/1 úı. Osy úıdiń qabyrǵasynda Ybyraı Altynsarınge arnalǵan taqtatas bar.

Qatysýshylardyń barlyǵy – áýesqoı veloshabandozdar. Mamandyqtary ártúrli. Muǵalim, jýrnalıst, zeınetker. Velomarafonshylar memlekettik «Rýhanı jańǵyrý» baǵdarlamasyn jáne Qazaqstan Respýblıkasynyń Prezıdenti Qasym-Jomart Toqaevtyń «Táýelsizdik bárinen qymbat» maqalasyn negizge ala otyryp, Táýelsizdigimizdiń 30 jyldyǵyn jáne Ybyraı atamyzdyń 180  jyldyǵyn nasıhattaýǵa azamattyq úles qosqysy keledi.

Ashyq aspan astynda ótetin kóp kúndik velosherý eldegi, aımaqtaǵy qazirgi epıdemıologııalyq jaǵdaıǵa baılanysty engizilgen sanıtarlyq talaptar qatań saqtala otyryp, ótkiziledi.

Is-sharanyń birneshe maqsaty bar:

1) Ybyraı Altynsarınniń ónegeli ómirin, baı murasyn jáne izbasarlarynyń eńbegin ózimiz taný jáne tanytýǵa, nasıhattaýǵa atsalysý;

2) Qalyń jurtshylyqty, ásirese jastardy salamatty ómir saltyn ustanýǵa úndeý;

3) Táýelsizdiktiń qadir-qasıetin seziný jáne sezindirý, eldi, jerdi súıýdi, patrıotızmdi nasıhattaý;

4) Qorshaǵan ortany qorǵaýǵa, aınalany, tabıǵatty aıalaýǵa úndeý.

 

Velomarafonnyń uzaqtyǵy –750 shaqyrym. Ol bir baǵytqa (Nur-Sultan – Qostanaı) ǵana jasalyp, 6 kúnge sozylady.

 

Velosherý baǵdary:

№	Baǵdar	Shaqyrym	Kúni	Apta kúni
1 kún	Nur-Sultan – Astrahan	140	23 tamyz	Dúısenbi
2 kún	Astrahanka – Atbasar	140	24 tamyz	Seısenbi
3 kún	Atbasar – Jaqsy	90	25 tamyz	Sársenbi
4 kún	Jaqsy – Oktıabrskoe	142	26 tamyz	Beısenbi
5 kún	Oktıabrskoe – Áýlıekól	120	27 tamyz	Juma
6 kún	Áýlıekól – Qostanaı	110	28 tamyz	Senbi
Barlyǵy:		742 (boljaldy qashyqtyq)
7 kún	Nur-Sultanǵa qaıtý, poıyzben		29 tamyz	Jeksenbi

 

 

Velotop Qostanaı qalasyna jetken soń, osy qalanyń irgesindegi Ybyraı Altynsarın kesenesine baryp ustaz rýhyna duǵa baǵyshtaýdy, Ybyraı Altynsarın memorıaldyq mýzeıimen tanysýdy jáne Ybyraı Altynsarın atyndaǵy mektepke barýdy josparlap otyr.

 

Velotop 5 adamnan turady:

1. Ernat Melsuly, bastamashy (ınııator), aǵylshyn tiliniń oqytýshy-aýdarmashysy. «Habar 24» telearnasynda sheteldik sholýshy. Jýrnalıst. Nur-Sultan qalasynyń turǵyny. 2018 jyly 500 shaqyrymdyq «Astana – Aqtoǵaı», 2019 jyly 208 shaqyrymdyq «Qaraǵandy – Jańaarqa», 2020 jyly Abaıdyń 175 jyldyǵyna arnap 1088 shaqyrymdyq «Nur-Sultan – Jıdebaı» velosherýlerin uıymdastyrǵan. 1982 jyly týǵan.
2. Qaırat Yrǵyzbaev, Nur-Sultan qalasynyń turǵyny, zeınetker, UKQ zapastaǵy podpolkovnıgi, pensıoner, «Qostanaı veloqaýymdastyǵynyń» múshesi. 2019 jyly búkil qazaq jerin aralap, 7 myńnan astam shaqyrymdy artta qaldyrǵan (osy tizimdegi Ernst Baımuhambetov ekeýi). 1964 jyly týǵan.
3. Túgelbek Qasymov, Almaty qalasynyń turǵyny, zeınetker, ardager-ustaz, zeınetker, 76 jastaǵy aqsaqal «Atom qarýyna jol joq!» degen uranmen 2016 jyly Japonııaǵa velosıpedpen barǵan. Ol jalpy 40 eldi velosıpedpen aralap shyqqan. 1945 jyly týǵan.
4. Ernst Baımuhambetov, Nur-Sultan qalasynyń turǵyny, QR Prezıdentiniń Kúzet Qyzmetiniń (qazirgi – QR Memlekettik Kúzet qyzmetiniń) otstavkadaǵy polkovnıgi, zeınetker. 2019 jyly búkil qazaq jerin aralap, 7 myńnan astam shaqyrymdy artta qaldyrǵan (osy tizimdegi Qaırat Yrǵyzbaev ekeýi). 1955 jyly týǵan.
5. Qazybek Bekeev, Nur-Sultan qalasynyń turǵyny, ınjener bolyp jumys istegen. Zeınetker. Buǵan deıin «Petropavl – Almaty» baǵytynda 1800 shaqyrymdy velosıpedpen 104 saǵatta júrip ótken. 1954 jyly týǵan.

 

Igi tilekpen, velotop atynan, bastamashy Ernat MELSULY

Baılanys telefon nomeri jáne ýotsap: 8-702-497-49-82

Feısbýk: Ernat Melsuly

Instagram: @ernat_melsuly