Ulttyq qurama taǵy upaısyz qaldy

Búgin «Astana-Arena» stadıonynda fýtboldan 2022 jylǵy álem chempıonatynyń irikteý týrnıriniń aıasynda Qazaqstan ulttyq quramasy Fınlıandııa komandasymen kezdesip, 0:2 esebimen jeńilip qaldy.

Bul kezdesýde Sýomı eliniń saıypqyrandary óte saýatty oıyn órnegin kórsetip, alań ıelerine gol soǵýdy bylaı turmaq, qaýipti jaǵdaı jasaýdyń ózine eshqandaı múmkindik bermedi. Olar oıynnyń birinshi mınýtynan bastap, dopqa ózderi ıelik etip,  bizdiń qurama komandany júgirtip sharshatýǵa tyrysty. Fınder bir-birine dál pas berip, alańnyń barlyq jerinde dopqa jaqsy talasyp, ara-tura qaýipti shabýyldar uıymdastyryp, Shakıı qorǵaǵan qaqpany nysanaǵa alyp otyrdy.

Qazaqstan quramasy da matchtyń birinshi taımy bitýge sanaýly mınýttar qalǵanǵa deıin qarsylastarymen teń oınaýǵa tyrysty. Alaıda, álem chempıonatyna qatysyp, nebir myqty komandalarmen ıyq teńestirip oınaǵan Sýomı eliniń sańlaqtary qorǵanysta saýatty oınap, alań ıelerine qaýipti jaǵdaı jasaýdy oılaýǵa da esh múmkindik bermedi.

Bizdiń qurama fınderdiń shabýylyna toıtarys bere almaı, aqyr sońynda óz aıypdop alańynda bolmashy bir qateden gol jiberip aldy. Fınder bolsa, ondaı qatelikti bosqa jibermeı, bir-birine dál pas berip, dopty áp-sátte temir torǵa týlatty. 45 mınýtta Teemý Pýkkı nysanany dál kózdedi. Fınlıandııa quramasynda ekinshi dopty da osy jigit soqty. Ol 48 mınýtta dýbldiń avtory atandy. Sóıtip, otandastarymyz qarsylastardan tájirıbe jaǵynan da sheberlik jaǵynan da jeńilip, taǵy da san soǵyp qaldy. Munyń aldynda komandamyz Bosnııa jáne Gerogovına quramasymen kezdesip, dál osyndaı eseppen utylǵan edi. Osy eki jeńilis elimizdiń bas komandasyna týrnır kestesindegi jaǵdaıyn odan saıyn qıyndatyp jiberdi. Endi Qazaqstan quramasy kelesi matchyn Franııa komandasymen oınaıdy. Odan keıin 2022 jylǵy álem chempıonatynyń irikteý týrnıriniń shymyldyryǵyn jabady. Franııamen oıyn 13 qarasha kúni bolady.

Dastan KENJALIN,

Ilııas OMAROV (foto)