• Қазақ
  •   
  • Qazaq
  •   
  • قازاق
  •   
  • Рус
  •   

    Jeltoqsan batyrlarynyń jarystary jalǵasyp jatyr

    Demalys kúnderi Almatydaǵy M.Tynyshpaev atyndaǵy  Qazaq kólik jáne kommýnıkaııalar akademııasynyń  shańyraǵynda tamasha bir sporttyq báseke bolyp ótti.

    Voleıboldan Jeltoqsan ardagerleri arasynda ótken bul qalalyq týrnır Jetisý aýdany «Jeltoqsan aqıqaty» qoǵamy men Jetisý aýdany ákimshiliginiń qoldaýymen uıymdastyryldy.

    Baıraqty jarys Táýelsizdigimizge 30 jyl jáne Jeltoqsan kóterilisine 35 jyl tolýyna arnalǵandyqtan Almaty qalasyndaǵy PQ «Jeltoqsan aqıqaty» respýblıkalyq qoǵamdyq birlestigine múshe qaladaǵy 8 aýdannyń ardagerleri kelip baqtaryn synady.

    Jarystyń saltanatty ashylýyna arnaıy kelgen Jetisý aýdanynyń ákimi Gúlnár Kókebaeva Jeltoqsan ardagerlerine degen erekshe yqylasyn quttyqtaý sózderimen jetkizip, qatysýshylarǵa jeńisti oıyndar tiledi. Sodan keıin sóz alǵan PQ «Jeltoqsan aqıqaty» respýblıkalyq qoǵamdyq birlestiginiń tóraǵasy Bolat Qurymbaev, osyndaı sporttyq jarystar Jeltoqsan batyrlarynyń birligin nyǵaıtyp, salamatty ómir saltyn ustanýylaryna jol ashatynyn tilge tıek ete otyryp, jarysqa qatysýshylardy kele jatqan 35 jyldyq uly merekemen shyn júrekten quttyqtady. Sonymen birge, Bolat Qurymbaev aýdan basshysy Gúlnár Ahmetjanqyzyna Jeltoqsan batyrlaryna árdaıym aıyryqsha kóńil bólip, qoldaý kórsetip kele jatqanyn elep eskerip, 35 jyldyqqa arnalyp shyǵarylǵan sý jańa ordendi qurmetpen keýdesine taqty. Sosyn oıyn alańynda eki topqa bólingen komandalar arasynda keskilesken kezdesýler jalǵasyn tapty.

    Jeltoqsan ardagerleri jeńis úshin jan aıamaı óner kórsetti. Jas keldi demeseńiz, ardagerlerdiń óte ábjil qımyl-qozǵalysy kásipqoı sportshylarǵa teńdeı dese bolady. Ásirese, 70-tiń jetegine jetken jeltoqsanshy, ǵalym Shora Qarabaev aǵamyzdyń alańda qoıandaı yrǵyp, qustaı ushyp júrgen jyldamdyǵyn kórip, eriksiz qol soǵasyń. Sonymen qatar, Ábdirashıt Bákiruly, Jumabaı Tájibaev syndy alpystyń asýyna shyqqan Jeltoqsan batyrlarynyń sheber oıyndaryna kóz sala otyryp, syrly aıaqtyń syry ketse de syny ketpegen eken-aý, aman bolyńyzdar aǵalar dep otyrdyq. Al, áıelder arasynda Roza Jemtyqova apaıymyzdyń árdaıym jeltoqsanshylardyń  qoǵamda ótkizgen árbir sporttyq sharalarynan  qalmaı, belsendilikpen qoldaý jasap, shapqylyp júrgenine dán rıza bolyp, «Jaraısyz! Jasaı berińiz Roza apaı!», degendi aıtsaq jarasady. Negizi, aıtýly jyl jeltoqsandyqtar úshin tarıhı mańyzy zor jyl bolǵandyqtan, is-shara, kezdesýler jıi uıymdastyrylyp keledi. Ásirese, sportttyq tartysty jarystar dástúrge aınalyp barady. Iá, uzaǵynan súıindirsin deımiz. О́ıtkeni, Sport – densaýlyqtyń kepili, janyń sergek, oıyń myǵym bolyp júredi. Sondyqtanda bıyl Jeltoqsan batyrlary sport alańdarynda jıi kezdesip, bir-birimen syrlasyp, dostyq qatynastaryn nyǵaıtýǵa úlken múmkindikter bolyp jatqanyn jasyra almaspyz. Degenmende olardyń basty armany – memlekettik deńgeıde mártebe alyp, túgeldeı aqtalý ekeni belgili. «Kóringen taýdyń alystyǵy joq», demekshi, Alla buıyrtsa ol kúnniń de aýyly alys emes shyǵar degen senimdemiz.

    Hosh, sonymen tańazannan tartysty bastalǵan oıyndar kún eńkeıe baryp máresine jetti. Jarys qorytyndysy boıynsha, «Alataý» komandasy bas júldeni jeńip alsa, týrnırdiń kúmis júldesi osy jarysty uıymdasyra otyryp, jeńis jolynda tamasha oıyn órnegin kórsete bilgen «Jetisý» komandasyna tabys etildi. Al, jarystyń qola júldesine «Áýezov» aýdanynyń Jeltoqsan ardagerleri ıe boldy.

    Tartysty ótken synnyń sońynda jeńimpaz men júldegerler qurmetpen marapattaldy. Sonymen qosa týrnırdiń úzdik oıynshysy, belsendi oıynshysy, ardager oıynshysy, belsendi jankúıer taǵy sol sekildi birtalaı nomınaııa boıynsha ozyq kóringenderge syılyqtar tabys etildi. Budan basqa osy básekeniń jaqsy ótýine zor úlesterin qosqan Tóken Smaǵulov, Almaty qalasy qoǵamdyq damý basqarmasynyń Jetisý aýdany boıynsha aýmaqtyq bóliminiń basshysy Asylbek Sataev, Jetisý aýdany «Jeltoqsan aqıqaty» qoǵamynyń tóraıymy Nurjamal Bógenbaeva men Alma Ahtanova  syndy  azamattarǵa jıylǵan halyq  erekshe alǵystaryn bildirip jatty.

    Iá, kishigirim  jarysty ótkizýdiń qanshalyqty aýyrlyǵy bar ekenin jaqsy bilemiz. Al, qalalyq týrnırdi sondaı bir tamasha deńgeıde uıymdastyrǵan Jetisý aýdanynyń eńbegin erekshe atap ótken oryndy bolar. Sonymen, kúni boıy ótken tartysty oıyndardan keremet áser alǵan Jeltoqsan batyrlaryna bul kún esterinde  umytylmastaı bolyp saqtap qalary sózsiz. О́ıtkeni, aǵalar baqyttyń bastaý bulaǵy birlikte ekenin jaqsy biledi.

     

    Aqyn ORDABAIULY,

    Qazaqstan Jýrnalıster Odaǵynyń múshesi,

    Jeltoqsan ardageri

     

     

    Bir pikir

    1. Mne kajetsıa ochen poleznaıa shtýka. Seıchas mojno pereveztı absolıýtno vse, tak chto dostavka lıchnyh veщeı naprımer v etoı kompanıı https://mclogistica.ru stoıt nedorogo.

    Pikir jazý

    Your email address will not be published. Required fields are marked *

    *