• Қазақ
  •   
  • Qazaq
  •   
  • قازاق
  •   
  • Рус
  •   

    Júzden júırikter júlde aldy

    Búgin Almaty qalasyndaǵy Qazaq Sport jáne Týrızm akademııasynda sport salasy boıynsha jyl úzdikterin marapattaý rásimi bolyp ótti. Osymen besinshi jyl qatarynan ótken is-sharanyń mańyzdylyǵy orasan zor. Birinshiden, bul jolǵy marapat El Táýelsizdiginiń 30 jyldyǵyna arnalsa, ekinshiden, álemdegi eń úzdik oqý oryny men qazaq tilinde jaryq kóretin sport jýrnalynyń uıǵarymymen elimizdiń túkpir-túkpirinen shyn myqtylar anyqtalyp, halyqtyń atynan marapatqa ıe boldy.

    Ulttyq sportymyzdy ulyqtap júretin «Topjarǵan» etno-óner ortalyǵy jigitteriniń tańdaı qaqtyrar ónerimen ashylǵan kesh Musaǵalı Tasqalıev pen Oryngúl Ismaǵulovanyń «Baýyrjan batyr» ánine jalǵasty. Ándi jandy daýysta Aqtaý qalasynan arnaıy kelgen QR Mádenıet qaıratkeri, Mańǵystaý oblystyq fılarmonııasynyń ánshisi, Qaraqııa aýdanynyń qurmetti azamaty Jolaman Kóshkinov naqyshyna keltirip oryndady.

    Baýyrjan Momyshulyna arnalǵan ánmen kesh shymyldyǵynyń ashylýynyń sebebi, 24 jeltoqsan batyrdyń týǵan kúni. Uıymdastyrýshylar osy arqyly aty ańyzǵa aınalǵan tulǵaǵa qurmet kórsetti.

    Keshke aýyr atletıkadan qazaqtan shyqqan tuńǵysh álem chempıony Jasulan Qydyrbaev jáne grek-rım kúresinen Azııa chempıony, ardagerler arasynda álem chempıony Erbol Qońyratov sekildi qazaq sportynyń sańlaqtary qatysyp, jyl úzdikteri olardyń qolynan marapatqa ıe boldy.

    Sonymen qatar qazaqtyń Qajymuqany atanǵan alyp kúsh ıesi Tımýr Spataev keshke qatysýshylarǵa óz ónerin kórsetse, qazaq estradasynyń juldyzdary О́ktem Altaev, Eset Sádýaqasov jáne Estaı Álekeevter patrıottyq ánder shyrqady.

    Endi sizderdiń nazarlaryńyzǵa júzden júırik shyǵyp, «Jyl úzdigi-2021» nomınaııasynyń jeńimpazdary atanǵan darabozdarmen tanystyra keteıik:

    «Úzdik sportqa janashyr qala ákimi» — Jaqsylyq Omar (О́skemen qalasynyń ákimi), «Úzdik sportqa janashyr aýdan ákimi» — Ádilkereı Áýelbaev (Aqtóbe oblysy, Yrǵyz aýdanynyń ákimi) jáne Asylbek Shamenov (Qyzylorda oblysy, Jalaǵash aýdanynyń ákimi).

    «Úzdik oblystyq dene shynyqtyrý jáne sport basqarmasy» — Almaty oblystyq dene shynyqtyrý jáne sport basqarmasy (Basshysy Nurbaqyt Teńizbaev), «Úzdik aýdandyq sport bólimi» — Qyzylorda oblysy, Jańaqorǵan aýdandyq dene shynyqtyrý jáne sport bólimi (Basshysy Mahmýt Rahymjanov), «Úzdik aýdandyq sport mektebi» — BQO, Bórli aýdandyq sport mektebi (Basshysy Esenaman Stamǵazıev), «Úzdik sportqa janashyr mektep» — Taraz qalasy, Y.Altynsarın atyndaǵy № 49 mektep-gımnazııa (Dırektory Gúlfııa Joldasova), «Úzdik sport mektebi» — Mańǵystaý oblystyq «Jas batyr» sport mektebi (Basshysy — Manarbek Bısekenov), «Úzdik belbeý kúres federaııasy» — Qyzylorda oblystyq belbeý kúres federaııasy (Prezıdenti Madııar Ahmetov), «Úzdik ulttyq qurama bapkeri» — Birjan Imahanov (QR sambodan ulttyq quramanyń bas bapkeri), «Úzdik sport klýb» — QR QM OSK (Basshysy Aıtalap Qurǵambaev), «Úzdik sambo federaııasy» — Mańǵystaý oblystyq sambo federaııasy (Prezıdenti Beknur Balıuly), «Úzdik qazaq kúres federaııasy» — Mańǵystaý oblystyq qazaq kúres federaııasy (Prezıdenti Abbat О́risbaev), «Úzdik doıby federaııasy» — BQO doıby federaııasy (Prezıdenti Jarqyn Tájiǵalıev), «Úzdik báıge federaııasy» — BQO, Kaztalov aýdandyq báıge federaııasy (Prezıdenti Nurbolat Ádıetov), «Úzdik MMA promoýterlik kompanııasy» — «Turan FC» promoýterlik kompanııasy (Prezıdenti Álimjan Bektaev, Shymkent qalasy), «Úzdik jaýyngerlik klýb» — «Alash praıd Túrkistan» klýby (Prezıdenti Murat Ahanov), «Úzdik sport mektebi» — Jekpe-jek sport túrlerinen ORMBJM (Dırektory Abaı Bakmanov, BQO) jáne «Sultan Gúldala» sport mektebi (Dırektory Sultanmurat Sasıkov, Talǵar qalasy), «Úzdik ulttyq sport janashyry» — «Qazaq Golden Steed» JShS (Prezıdenti Ertileý Satybaldıev) jáne Murat Qozybaev (Almaty oblysy) pen Qurmanbek Ahmetov (Qyzylorda oblysy, Jańaqorǵan aýdany), «Úzdik ulttyq sportqa janashyr ortalyq» — «Topjarǵan» etno-óner ortalyǵy (Jetekshisi Ǵabıt Tańatov), «Úzdik ardager sportshy» — Maral Kóshenov (Atyraý qalasy) jáne Igor Zadneprıannyı (Qostanaı oblysy), «Úzdik balalar-jasóspirimder klýby» — Jylyoı DShK (Basshysy Aıbek Altaev, Atyraý oblysy), «Úzdik belbeý kúres balýany» — Bekbol Nurlanuly (Aqmola oblysy) jáne Mereke Qudaıbergenova (Qyzylorda oblysy, Jańaqorǵan aýdany), «Úzdik belbeý kúres bapkeri» — Nurlan Máýlen (Aqmola oblysy) jáne Ábdisattar Sadyqov (Qyzylorda oblysy, Jańaqorǵan aýdany), «Úzdik atbegi» — Nurjigit Tabyldıev (Almaty oblysy), «Úzdik sambo sportshysy» — Gúldana Álmuhambetova (Mańǵystaý oblysy), «Úzdik sambo kúres bapkeri» — Berik Jumaǵalıev (Mańǵystaý oblysy), «Úzdik qazaq kúres balýany» — Nurdáýlet Jarylǵapov (Mańǵystaý oblysy), «Úzdik trıatlon sportshysy» — Marat Orazalıev (Atyraý oblysy), «Úzdik tóreshi» — Nurlan Qurmanǵazın (Aqtóbe oblysy), «Úzdik qusbegi» — Qýanysh Isabekov (Almaty oblysy), «Úzdik armrestlıng sportshysy» — Qydyrǵalı Ońǵarbaev (Túrkistan oblysy, Shardara aýdany), «Úzdik dzıýdo sportshysy» — Almas Ataev (ShQO), «Úzdik jekpe-jek sportshysy» — Tımýr Orazov (ShQO), «Úzdik jas mýaıtaı sportshysy» — Iýsýf Muhtasıp (Almaty oblysy), «Úzdik mýaıtaı bapkeri» — Baǵytjan Muhambetalıev (Almaty oblysy), «Úzdik jas shabandoz» — Ańsar Arystanbek (Almaty oblysy), «Úzdik jas MMA sportshysy» — Tursyn Nurjigit (Almaty oblysy), «Úzdik karate-shotokan sportshysy» — Aıajan Ǵanıqyzy jáne Araı Smet (Ekeýi de Jambyl oblysy), «Úzdik karate-shotokan bapkeri» — Baǵlan Qulbaev (Jambyl oblysy), «Úzdik sport jýrnalısi» — Qaırat Ábilda («Egemen Qazaqstan» gazetiniń Qaraǵandy oblysy boıynsha menshikti tilshisi), «Úzdik baspasóz hatshysy» — Ardaq Toǵym (Qajymuqan Muńaıtpasov atyndaǵy olımpıada rezerviniń mamandandyrylǵan respýblıkalyq mektep-ınternat kolledjiniń baspasóz hatshysy, Nur-Sultan qalasy), «Úzdik ıýtýb arnasy» — «Aralas jekpe-jek» arnasy (Almaty qalasy), «Úzdik sport ádiskeri» — Sáken Kirjibaev (ShQO, Aıagóz aýdany), «Úzdik dene shynyqtyrý páni muǵalimi» — Serik Qojambaev (ShQO), Atlas Muhtar (Aqtóbe oblysy), Aıdyn Prmahanbetov (Jambyl oblysy), Sanat Qaıyrov (Almaty qalasy), Kabýljan Egamberdıev (Túrkistan oblysy), «Úzdik sportshy ustaz» — Baıqabyl Joldybaev (Aqtóbe qalasy, Fızıka-matematıka páni muǵalimi).

    Sonymen qatar árkez sportqa qoldaý kórsetip, aýyldarda sport keshenderin salyp, jarystar ótkizip, aýyl sportshylaryna qarjylaı demeýshilik tanytyp júrgen bir top azamat «Úzdik sport janashyry» nomınaııasynyń jeńimpazy atandy. Olar: Aıtbaı Kósherbaıuly (Qyzylorda oblysy, Qazaly aýdany), Rústem Muqatov (Almaty qalasy), Aıdos Aqjanov (Mańǵystaý oblysy), Baımuhamed Qozybaev, Baýyrjan Kópeev, Samat Jumbekov (Úsheýi de Qyzylorda oblysy, Shıeli aýdany), Talǵat Isqaqov, Bolatbek Balǵabaev, Baqyt Berdillaev, Gúljaına Rysbaeva, Meıirbek Úsenov (Beseýi de Qyzylorda oblysy, Jańaqorǵan aýdany) jáne Seılhan Abdyqadyrov (Mańǵystaý oblysy).

    Kesh barysynda budan bólek esimi elge belgili sport kommentatory Erjan Muqash halyqaralyq jýrnalıster odaǵynyń músheligi kýáligi men tósbelgisine ıe bolsa, uzaq jyl Semeı óńirinde basshylyq qyzmetter atqarǵan Áshim Jobýlaev aǵamyz ben grek-rım kúresinen Azııa chempıony, ardagerler arasynda álem chempıony Erbol Qońyratovtyń anasy Kúljanat Nııazbekqyzy apamyz jáne basqa da qazaq sportynyń damýyna óz úlesin qosyp júrgen azamattar arnaıy marapatqa ıe boldy.

    Osylaısha elimizdiń túkpir-túkpirinen jınalǵan ardaqty azamattar Táýelsizdiktiń 30 jyldyǵyna oraı el úshin atqaryp júrgen eńbekteriniń jemisin kórip, bir marqaıyp qaldy. Júzden júırik shyqqandardyń barlyǵy osy is-sharany bes jyl qatarynan ótkizip, eldiń alǵysyna bólenip júrgen Qazaq Sport jáne Týrızm akademııasy men «Sport juldyzdary» respýblıkalyq jýrnalynyń ujymyna rızashylyqtaryn bildirip, alǵystaryn jaýdyrdy.

    «Altyn degen jer syıy,

    Alǵys degen el syıy», — deıdi dana halqymyz. Kóp tilegi qabyl bolyp, jaqsy kúnderimiz kóp bolsyn aǵaıyn! Qazaq sportynyń alar asýy budan da bıik bolsyn! Barlyq marapatqa ıe bolǵan úzdikterdi shyn júrekten quttyqtaımyz! Kelesi marapat sizderge Aqorda tórinen buıyrsyn!

     

    Jandos AIaNBEKULY

     ALMATY

    Pikir jazý

    Your email address will not be published. Required fields are marked *

    *