• Қазақ
  •   
  • Qazaq
  •   
  • قازاق
  •   
  • Рус
  •   

    Aqıyq aqynnyń atyndaǵy mekteptiń talanttary

    Qazaqtyń aqıyq aqyny, poezııanyń  Alataýdaı alyby  Muqaǵalı Maqataevtyń týǵan kúnine oraı eske alýǵa arnalǵan sharalar  elimizdiń ár óńirinde bolyp ótti.

    Qazaq dalasy áıgili aqynnyń óleńderin  osy bir kúni maıdalap  soqqan jelmen, tóbeden salǵan qustyń únimen jyrlap turǵandaı bolady. Muqaǵalı Maqataevtyń jyrlarynda týǵan jer, zaman tynysy, saıyn dala, tabıǵat, sulýlyq, ásemdik, tazalyq, eldik, erlik  óleńmen órilip tamasha jarasym tapqan. Uly aqynnyń júreginen jaryp shyqqan óleńderin mánerlep oqyǵanda janyńdy tebirentpeı qoımaıdy. О́ıtkeni, muzbalaq aqyn kezinde Qazaq radıosynda dıktor bolyp ta qyzmet etken eken. Sondyqtanda  bolar uly aqynnyń óleńderin mánerlep  oqý saıystaryn ótkizýdiń máni tereńde jatqany.

    Aqıyq aqynnyń óz óleńderinde qazaqtyń qara sózine jan bitirip, óleńmen jyrlaǵanda janyńdy tebirentpeı qoımaıdy. Adamdy ózine baýrap alatyn qupııa-syr óleńderinde tunyp tur. Muqaǵalı óleńderiniń ár shýmaqtarynda ómirdiń bar shyndyǵy esip turǵandaı. Sol sebepti biz uly aqynnyń shyǵarmashylyǵyna ǵashyqpyz. Muqańnyń óleńderi jyldar ótse de bizdiń ómirimizben bite qaınasyp, birge jasasyp kele jatqan týyndylar. Sondyqtan ómirsheń, ózekti.

    Aqıyq aqynnyń týǵan kúinine oraı elimizdiń ár aımaǵynda jyr saıystary uıymdasyrtyrylyp, aqyndy eske alý sharalary jalǵasyn úzbeı keledi. О́leńmen ómirdi kestelegen aqtańger aqynnyń atynda mektepter ǵana emes, joǵary oqý oryndarynda da eske alý sharalary ótti.

    Jýyrda Almaty oblysy Ile aýdany О́tegen batyr kentindegi № 13 mektepte «Men ómirdi jyrlaý úshin kelgenmin» atty Muqaǵalı Maqataevtyń óleńderine jazylǵan ánder jáne aqynnyń óleńderin mánerlep oqýdan II Halyqarlyq óner baıqaýy bolyp ótkizildi. Jas ta bolsa bas bolǵan Muqaǵalı Maqataevtyń  atyndaǵy № 13  mektep dırektory Aıaýlym Jaqashbaıqyzy Kerimqulova muzbalaq aqynnyń shyǵarmashylyǵyna arnalǵan jyr saıysyn  uıymdastyrýda barynsha qoldaý kórsetip, uıytqy bolǵan eken. Aıtýly bilim ordasynda kórnekti aqynnyń atyndaǵy jyr saıysynda sahna tórine shyqqan oqýshylar úshin ońaı bolmasy anyq edi.  О́ıtkeni, bul oqý ornynda ekiniń biri Muqaǵalıdiń shyǵarmashylyǵymen jaqsy tanys. Aqynnyń  óleńderin bul mektepte jatqa aıta biletin talantty  oqýshylar kóptep tabylady. Dúrmekti baıqaýda aqynnyń shyǵarmashylyǵy boılaryn baýraǵan  jasóspirimder jeńis úshin baryn saldy. Ásirese, ulaǵatty ustaz Janar Álimǵazyqyzy Abıtqanova dáris beretin 4 «V» synybynyń oqýshylary, synyp jetekshileriniń asqan yntamen sheber daıyndyǵynyń arqasynda   «Kórkem sóz» taqyryby boıynsha mánerlep oqýdan aıyryqsha talanttaryn pash etip, qazylar alqasynyń qoshametine bólendi. Negizi aıtýly mektepte daryndy sportshylar da jeterlik. Mektep qabyrǵasynda kórkem gımnastıkadan úıirme ashylǵan. Bul úıirmede  6 –10 jas aralyǵynda kóptegen talantty jasóspirim qyzdar  sport sheberi Malıka Bolatqanqyzy da sheberlikterin shyńdap jattyǵady. Kórkem gımnastıkadan Afına Olımpıdasynda 4 oryn, Beıjiń Olımpıdasynda 5 orynǵa ıe bolǵan, Azııanyń absolıýttik chempıony atanǵan qazaqtyń  áıgili qyzy Álııa Júsipova sekildi Olımpıada asýyna kóterilý jasóspirim árbir qarakóz qyzymyzdyń armany. Armandaryna jetsin degen tileýdemiz. О́ıtkeni, osy olımpıadalyq sport túrinde elimizde áli Álııadaı dańqty sportshy shyqpaı keledi. Sonyń ókshesin basý mektep qabyrǵasynan bastalady dep oılaımyz. Al, qazaq qyzdarynyń arasynda osy bir sport túrine qyzyǵýshylyqty arttyrý, jastarǵa jol ashý búgingi kúnde óte mańyzdy.  «Sport pen óner egiz» dep alsaq, ónermen qosa sportty da birge ala júrgen jas urpaqtyń bolashaǵy jarqyn, baıtaǵy keń. Hosh, sonymen Muqaǵalı Maqataevtyń jyrlaryna arnalǵan jyr dodalary onkúnmen shektelip qalmasa anyq. Aqıyq aqynnyń árbir óleńi kúndelikti ómirimizde aladymyzdan jaryq etip shyǵyp otyratyn ólmes shyǵarmalar. Mektepterde Muqaǵalı pánin engizip jatsa, qazaq poezııasy utpasa utylmaıdy. О́ıtkeni, jastarymyzdyń boıyna Otanyn súıýdi, elin, jerin qurmetteýdi Muqaǵalı jyrlaryn oqı otyryp qýattanamyz,  alamyz.

     

    Aqyn ORDABAIULY,

    Ile aýdany,

    Almaty oblysy

    Bir pikir

    1. Qalmaqbaev Ǵanı Mýtalipuly

      Keremet áserli jazylǵan eken Aqyn Ordabaı uly óte keremet talanty jýrnalıst. Qansha maqalasyn oqyp júrmin óte kórkem júrekke oısalady jáne adamdy tartady. Qyzyqty jáne áserli túsiniikti adamǵa oısalady.Aqyn myrza qalamyńyz ushtala bersin sizge Alla qýat bersin!

    Pikir jazý

    Your email address will not be published. Required fields are marked *

    *