• Қазақ
  •   
  • Qazaq
  •   
  • قازاق
  •   
  • Рус
  •   

    جەتىسۋدا جالىندى جاستاردىڭ جارىسى جالاۋ كوتەردى

    ءبىر اپتا بويى الماتى وبلىسى، ىلە اۋدانى  وتەگەن باتىر كەنتىندەگى ءزاۋلىم سپورت سارايىندا  قولدوبىنان  2008 جىلى تۋعان قىزدار اراسىندا قازاقستان چەمپيوناتى بولىپ ءوتتى.

    بۇل  جارىسقا ەلىمىزدىڭ بارلىق ايماعىنان 11 كوماندا قاتىسىپ، باقتارىن سىناعان ەدى.  فينالدىق سىندا قىزىلوردا مەن الماتى وبلىسىنىڭ كوماندالارى كەزدەستى. تارتىستى وتكەن ويىندا ەكى جاق شەبەرلىكتەرىن ايانىپ قالمادى.  دەگەنمەن ۇجىمدىق ويىندى ادەمى ۇيلەستىرە بىلگەن سىر ءوڭىرىنىڭ قىزدارى جەڭىستى ج ۇلىپ اكەتتى. ال، جۇلدەلى ءۇشىنشى ورىندى اقتوبە وبلىسى قاندىاعاش اۋدانىنىڭ  كومانداسى يەلەندى. الماتى وبلىسىنىڭ قۇراماسى ءالى دە بولسا ءبىر تەرىسى الىنباعان سايگۇلەكتەي  جەڭىسكە ءسال جەتپەي قالدى دەۋگە بولادى. الايدا، قولدى تومەن تۇسىرمەيتىن جەتىسۋ ءوڭىرىنىڭ جاس قۇراماسى جىبەرگەن قاتەلىكتەرىنەن ساباق الىپ، جاتتىعۋلارىن شىڭداي ءتۇسۋ كەرەك ەكەنىن جاقسى تۇسىنەدى. وسىنداي ەلىمىزىدڭ ءار وڭىرىنەن ۇكىلىپ قوسىلعان كوماندالار اراسىنان توپ جارىپ،  ەل چەمپيوناتىندا فينالعا شىعىپ، ونەر كورسەتۋدىڭ ءوزى  ۇلكەن جەتىستىك دەپ باعالاعان ءجون بولار.

    شىن مانىندە الماتى  مەن قىزىلوردا كوماندالارىنىڭ فينالدا كەزدەسۋى كەزدەيسوقتىق دەپ الىپ قاراۋعا  بولمايدى. ويتكەنى، قازاقستان بويىنشا بۇگىنگى كۇنى وسى ەكى وبلىستا عانا قول دوبى جوعارى قارقىنمەن دامىپ كەلەدى. مىسالى، الماتى وبلىسى دەنەشىنىقتىرۋ جانە سپورت باسقارماسىنىڭ باستىعى، ايگىلى بالۋان نۇرباقىت تەڭىزباەۆتىڭ سپورتتىڭ قاي سالاسىنا بولماسىن بەلسەنە ارالاسىپ، قارجى كوزىن قيىننان بولسا دا تاۋىپ قولداۋ جاساپ جاتقاندىعىنىڭ ارقاسىندا قول دوبى  سپورتى ەڭسەسىن تىكتەپ، تاماشا كورسەتكىشتەرگە قول جەتكىزىپ كەلەدى. ياعني، توگىلگەن تەر، جاسالعان جاعداي ءوز جەمىسىن بەرىپ وتىر دەگەن ءسوز. سول سياقتى ءار وبلىستا وليمپيادا باعدارلاماسىنا كىرگەن قول دوبىنداي سپورتتىڭ بەكزات تۇرىنە قولداۋ بارىنشا جاسالسا نۇر ۇستىنە نۇر بولار ەدى.

    جارىس سوڭىندا قازاقستان چەمپيوناتىندا ۇزدىك شىققان ءۇش كوماندا ويىنشىلارىن وتەگەن باتىر كەنتىندەگى گاندبول مەن فۋتزالدان بالالار مەن جاسوسپىرىمدەر سپورت مەكتەبىنىڭ ديرەكتورى دارحان ءاشىروۆ سالتاناتتى تۇردە  ماراپاتتاپ، ءجاسوسپىرىم ويىنشىلارعا امان-ەسەن ۇيلەرىنە جەتۋلەرىن تىلەدى. ءيا، جەڭىسكە جەتكەن سىر ءوڭىرىنىڭ  قىزدارى قۋانىشتان كوز جاستارىن ءسۇرتىپ، جەڭىپ العان باس كۋبوكتارىن باستىرىنا كوتەرىپ قۋانىپ بارادى. ال، الامان ەل جارىسىنىڭ كۇمىسىن جەڭىپ العان الماتى وبلىسى مەن قولا جۇلدەگەر اقتوبە وبلىسىنىڭ كوماندالارى الداعى جىلى قالايدا جەڭىسكە جەتۋدىڭ ءۇشىن ەندى جاتتىعۋدا ايانىپ قالاماسى بەك انىق. جارىس اياقتالعاندا كوماندالار ەستەلىككە سۋرەتكە ءتۇستى.

     

    اقىن ورداباي ۇلى،

    وتەگەن باتىر كەنتى،

    ىلە اۋدانى،

    الماتى وبلىسى

    2 پىكىر

    1. وكسانا

      س ەتيم ترۋدنو نە سوگلاسيتسيا. فورسۋنكا دۆيگاتەليا دليا ۆاشەگو اۆتوموبيليا فورسۋنكا دۆس Cummins ەست ۆ ينتەرنەت ماگازينە altesta.ru

    2. بلاگوداريۋ ۆاس، وچەن پرياتنو بىلو پروچيتات، ي سدەلات دليا سەبيا وپرەدەليوننىە ۆىۆودى.

    پىكىر جازۋ

    Your email address will not be published. Required fields are marked *

    *