SportPress.kz Қазақстан спорт жаңалықтары
Еуропа лигасының топтық кезеңіндегі 2-турда «Астана» өз алаңында Чеxияның «Славия» командасын қабылдап, 1:1 есебімен тең түсті.
Кездесудің 18-минутта қонақтар есеп ашып алға шықты. Айып добынан әуелей келген допқа Нгадеу-Нгаджуи бірінші болып жетіп, маңдайымен дәл соққы жасады. Бұл тұста қақпашы Ненад Эрич тосқауыл бола алмады.
Жерлестеріміздің алғашында жоспары өрге жүрмегенмен, бірінші таймның соңына таман ойынды өз қолдарына алды. Матчтың 42-минутында Джуниор Кабананганың соққысын «Славия» қақпашысы Пржемысл Коварж қайтарғанмен, іле-шала алдынан шыққан Марин Томасовқа қарсы тұра алмады.
Ал екінші тайм бастапқыда тартысты өтпегенмен, «Астана» ақырындап ойынды өз иелігіне ала бастады. Басымдықты арттыратын мүмкіндіктер болғанмен, жерлестеріміз тиімді пайдалана алмады.
