«Shyqqan tegi Qorǵaljynnan»: Sápıev Qorǵaljynǵa ata-babasy týǵan óńirge baryp qaıtty

Bokstan Olımpıada jáne eki dúrkin álem chempıony Serik Sápıev Aqmola oblysy Qorǵaljyn aýdanyna ata-babalary týǵan óńirge baryp qaıtty.

Ataqty boksshy Qorǵaljyn aýdanynda alǵash ret ótkizilgen «Jiger – 2022» oqýshylar spartakıadasyna qatysty. Onyń ashylý rásiminde Parlament májilisiniń eks-depýtaty, Qorǵaljynnyń týmasy, UQK-iń otstavkadaǵy polkovnıgi Faızýlla Qamenov jergilikti zııaly jáne sport qaýymynyń atynan bokstan 2012 jylǵy Olımpıada chempıony, «Vel Barker» kýbogynyń ıegeri, eki dúrkin álem chempıony (2005, 2007), Azııa oıyndarynyń jeńimpazy (2010) Serik Sápıevke saltanatty túrde qarabaıyr tulpar mingizdi.

Osy is-sharaǵa Kazaqstandyq sportshylar odaǵynyń prezıdenti, bokstan jastar arasynda álem birinshiliginiń júldegeri Azamat Qarlyǵashev, osy jarystyń demeýshileriniń biri, Karate kıkýshýnkaı federaııasynyń vıe-prezıdenti, astanadaǵy sport mektebiniń dırektory, Qorǵaljyn aýdanynyń Úshsart aýylynyń týmasy Azamat Imashev, sport janashyry, saıysqa atsalysyp, kómek qolyn sozǵan, Nur-Sultan qalasy sporttyq is-sharalardy ótkizý dırekııasynyń basshysy, Qorǵaljyn aýdany Keńbıdaıyq aýylynyń týmasy Baqtııar Masanov pen basqa da jerles-azamattar qatysty.

Qorǵaljyn azamattarynyń Serik Jumajanulyna at mingizgeni tegin emes. О́ıtkeni, Olımpıada chempıonynyń týǵan atasy Dáýit Sápıev osy Qorǵaljyn aımaǵynda týyp-ósken. Qazir ony bireý bilse, bireý bilmeıdi. Qolda bar málimetke qaraǵanda, ol 1901 jyly buryn Qaraǵandy olbysynyń quramyna kirgen Qorǵaljyn aýdanynyń №3 aýylynda týǵan. Búginde ol Úshsart aýyly dep atalady. Ol  Qorǵaljynnan 25-30 shaqyrym jerde ornalasqan.

Dáýit Sápıev 1929 jylǵa deıin sovhozda jumys istep, odan keıin Qaraǵandy qalasyna baryp, ken oryndaryna jumysqa ornalasqan.  Onyń ata-anasy 1909 jyly qaıtys bolǵan degen derek bar.

Búgin Serik Sápıev babasynyń Qorǵaljyn óńirinen shyqqanyn jáne sol jerge baryp kelgeni týraly óziniń Instagram-daǵy paraqshasynda da jazdy.

«Jaqynda ata-babamnyń týǵan jerine baryp, Qorǵaljyn aýdanynda alǵash ret ótken «Jiger – 2022» oqýshylar spartakıadasyna qatystym.
Bizdiń Qorǵaljyn qoryǵy óte ádemi eken», — dedi ol.

Dastan KENJALIN