• Қазақ
  •   
  • Qazaq
  •   
  • قازاق
  •   
  • Рус
  •   

    ەسىمى ەل ەسىندە

    الماتىداعى قازاقتىڭ سپورت جانە تۋريزم اكادەمياسىنىڭ شاڭىراعىندا قازاق كۇرەسىنە ولشەۋسىز ۇلەس قوسقان ۇلتتىق كۇرەسىمىزدىڭ جاناشىرى، قازاقستان رەسپۋبليكسىنا ەڭبەگى سىڭگەن جاتتىقتىرۋشى مارقۇم نۇرجان وتەنوۆتى ەسكە الۋعا ارنالعان ءتول كۇرەسىمىزدەن ەرەسەكتەر اراسىندا رەسپۋبليكالىق جارىس بولىپ ءوتتى.

    نەگىزى بۇل قازاق كۇرەسىنىڭ قازانىندا قايناسىپ، ءومىرىنىڭ سوڭعى ساتىنە دەيىن بار كۇش جىگەرىن سالعان ارداقتى جاندى ەسكە الۋعا ارنالعان ساۋاپتى شارا ەدى. قازاق كۇرەسى بىردە قۇلديلاپ، بىردە ورلەپ، تالاي قيىن كەزەڭدى باسىنان كەشىرگەندە نۇرجان جانى قالاعان سپورتىن تاستاپ كەتكەن ەمەس. قاشان كورسەڭ كۇرەس زالىندا شۇمەكتەپ تەرىن توگىپ شاكىرت تاربيەلەدى. ەڭبەگى دە ەلەۋسىز قالمادى. باۋىرجان ءتالىپ، ەركىن سايداقوۆ، جانگەلدى حاميتوۆ، عاني كەلدىباەۆ سىندى الەم، ەۋروپا، ازيا چەمپيوناتتارىندا قازاق ەلىنىڭ نامىسىن ابىرويمەن قورعاپ، چەمپيون اتانعان ءجالاڭتوس ءباhادۇر بالۋانداردى شىڭداپ شىعاردى.

    «جاقسىنىڭ اتى، عالىمنىڭ حاتى ولمەيدى»، دەمەكشى، مىنە ەندى بار شاكىرتتەرى جۇمىلا جيىلىپ، ۇلاعاتتى ۇستازدارىنىڭ اتىندا ءدۇبىرلى دودا ۇيىمداستىرعان ەكەن. بۇل جارىسقا ەلىمىزدىڭ بارلىق وبلىسىمەن قاتار الماتى، نۇر-سۇلتان قالالارىنان 200-گە تارتا بالۋان قاتىسىپ، كۇش سىناستى.

    جارىستىڭ اشىلۋىنا نۇرجان وتەنوۆتىڭ جارى ءدىلداش پەن ۇلى ماعجان، قىزى جانار جانە اعايىن-تۋىستارى كەلىپ قاتىستى. سونىمەن قاتار، ەرعالي مۇحيتدينوۆ، قاپار راۋانوۆ، عالىم كۇلەكەشەۆ، شىڭعىس تۇرسىنوۆ، بەلاي، نۇرعالىم سىندى ەلىمىزدە قازاق كۇرەسىنىڭ دامۋىنا ۇلكەن ەڭبەك سىڭىرگەن ارداگەر جاتتىقتىرۋشىلار قاتىسىپ، نۇرجان وتەنوۆتىڭ اتىنا اشىلعان الامانعا اقجول ايتىپ، بالۋاندارعا جەڭىس تىلەدى. قۇرمەتتى قوناقتاردىڭ اراسىندا كيكبوكسينگتەن الەم كۋبوگىنىڭ يگەرى ەلمۇرات قايىپجانوۆ پەن تاەكۆاندو سپورتىنىڭ ارداگەرى، ۇلتتىق سپورتىمىزدىڭ جاناشىرى بۇلجان نۇرلىبەكتە بار ەدى.

    ءدۇبىرلى جەكپە-جەكتىڭ قازاقتىڭ سپورت جانە تۋريزم اكادەمياسىندا ءوتۋىنىڭ ءوز ورنى بار. وسى ءبىر كيەلى شاڭىراقتا نۇرجان وتەنوۆ ۇلتتىق سپورت كافەدراسىندا ءومىرىنىڭ سوڭعى كەزىنە دەيىن جاس ۇرپاققا ءدارىس بەرگەن ەدى. سوندىقتاندا ءوز كەزەگىندە ءسوز العان قازاقتىڭ سپورت جانە تۋريزم اكدەمياسى رەكتورىنىڭ كومەكشىسى مۇحتار مىرزا، نۇرجان مارقۇمنىڭ ۇستازدىق ەڭبەگىنە جوعارى باعا بەرىپ، ساعىنىشپەن ەسكە الا كەتتى. ءيا، ءبىر ادام قۇدىق قازسا، مىڭ ادام سۋ ىشەدى-دەگەن قاناتتى ءسوز بار. قازاق كۇرەسىنەن قانشاما تالانتتى شاكىرتتەردى تاربيەلگەن ارداقتى ۇستاز، قۇرمەتتى ازامات نۇرجان وتەنوۆتىڭ ەڭبەگى ەشقاشان ۇمىتىلماسى انىق. «ورنىندا بار وڭالار»، دەيدى. ەركىن سايداقوۆ پەن باۋىرجان ءتالىپ سىندا ەلگە تانىمال بالۋاندار ۇستازدارىنىڭ اتىندا وسىنداي رەسپۋبليكالىق الامان جارىستى جوعارى دەڭگەيدە وتكىزۋگە بار كۇشتەرىن سالعانى كورىنىپ تۇر. ەندەشە، «ءولى رازى بولماي ءتىرى بايىمايدى»، دەمەكشى ارداقتى اعايلارىن ۇمىتپاي يگىلىكتى ءارى ساۋاپتى ءىس-شاراعا ۇيىتقى بولعان ەركىن مەن باۋىرجانعا ۇستازىنىڭ ارۋعا رازى دەپ ويلايمىز. وسىنداي ارتىندا ىزدەۋشىسى، قامقورشىسى بار كەزدە نۇرجاننىڭ ءىسى جالعاسىن ۇزبەيدى دەگەن سەنىمدەمىن. مەن قازاق كۇرەسىنىڭ تاريحىن جازىپ 20 جىلداي جۇرگەن جىلدارى نۇرجانمەن ەتەنە جاقىن، دوس بولعان ەدىم. ءيا، نۇرجاننىڭ باپكەرلىك مەتوديكاسى مەن ادامگەرشىلىگى تۋرالى ءبىر كىتاپ جازسا ارتىق بولماس. ول كۇننىڭ دە كەلەرى انىق. ال، بۇگىنگى جارىستى ەرتەڭ تاريح دەپ قابىلدايىق.

     

    اقىن ورداباي ۇلى،

    الماتى

    6 پىكىر

    1. پيناپ كازينو

      سپاسيبو تسەننايا ينفورماتسيا.

    2. Vavada زەركالو

      ينتەرەسنو.

    3. ‚اۆادا bonus

      بلاگوداريۋ ۆاس زا ينفورماتسيۋ.

    4. ۆيتالي

      سپاسيبو زا پرەدوستاۆلەننۋيۋ ينفورماتسيۋ. منە وچەن نراۆيتسيا pin-up ، ۆ نەم كلاسسنىە سلوتى ي وچەن منوگو يگروۆىح پرەدلوجەني.

    5. ماتۆەي

      جدەم نوۆوستەي. دا كاك ي سو ۆسەح سايتوۆ سكاچات س فەيسبۋكا ۆيدەو پو سسىلكە https://getof.net/ وچەن لەگكو. زاحوديتە نا سايت، ۆستاۆلياەتە سسىلكۋ نا ۆيدەو سو سترانيتسى فەيسبۋكا ي ناجيماەتە سكاچات ۆ نۋجنوم فورماتە.

    6. پولينا

      نۋ ي حوروشو. ۋ casino pinup نورمالنايا وتداچا، ەسلي يگرات وبدۋماننو، موجنو بىت ۆ پليۋسە.

    پىكىر جازۋ

    Your email address will not be published. Required fields are marked *

    *