• Қазақ
  •   
  • Qazaq
  •   
  • قازاق
  •   
  • Рус
  •   

    Kózden ketse de, kóńilden ketpeıdi

    (Amangeldi Seıithanovtyń qurmetine komanda quryldy)

    Jaqynda astanada shaǵyn fýtboldan jýrnalısterdiń BAQ League birinshiliginiń kezekti maýsymy bastaldy.

    Oǵan belgili jýrnalıst, sport kommentatory Amangeldi Seıithanovtyń qurmetine qurylǵan «Jeńis Dream team» komandasy da qatysyp jatyr. Osy jasaqqa jınalǵan barlyq jigitterge alǵysymdy aıtamyn. Komandaǵa shaqyrǵan áriptesim Vsevolod Hvanǵa rızashylyǵymdy bildiremin. Aýjekeń ekeýi «Lıter» komandasynda birge oınaǵan edi. Ol kezde Aman aǵammen men 2020 – 2021 jyldary «Folıant» baspasynyń klýbynda dop tepkende kezdesip júrdik.

    Al meni «Folıant» baspasynyń komandasyna shaqyrǵan belgili aqyn Dáýren Berikqajy bolatyn. Buǵan deıin stýdent kezimde Almatyda «Dostar international» aýla klýbyn, 2001 – 2017 jyldary «Astana aqshamy», «Egemen Qazaqstan» gazetteri men Qazaqstan sport baspasózi qaýymdastyǵy Astana qalalyq fılıalynyń «Jeńis» komandasyn jasaqtap, kóptegen jarystarǵa qatysqan edik. «Jeńis» komandasy degende biz Aman aǵam ekeýmiz bir klýbta oınaǵan edik. Ony komandaǵa shaqyrǵan edim. Ol soǵan rıza bolyp, bir maýsym astanadaǵy burynǵy «Avtomobılıst» stadıonynyń (qazirgi Boks ortalyǵynyń) kókmaısa alańynda dop tepkenbiz. Al meniń stýdent kezimdegi alǵashqy komandam – «Dostar international» Almatynyń aýla komandalarymen jáne qalanyń shetindegi aýyldarǵa baryp oınasa, «Astana aqshamy» qalalyq týrnırlerde top jaryp júrdi. «Egemen Qazaqstan» gazetiniń jasaǵy jýrnalıster arasynda Qazaqstan Áýesqoı fýtbolshylar lıgasyna qatysqan alǵashqy komanda bolyp, jaqsy oıyn órnegin kórsetti.

    Bizdiń klýb áýeli «V» lıgasynda, odan keıin «A» lıgasynda Qazaqstan atynan Eýropanyń Áýesqoı fýtbol lıgasyna qatysqan ujymdarmen talaı ret ıyq teńestirip oınady. Osy jyldary bas basylymnyń klýby jylda Almatyda, odan keıin Astanada jalaýy jelbiregen Seıdahmet Berdiqulovty eske túsirýge arnalǵan týrnırge qatysyp otyrdy.
    2016 jyly bizdiń Qazaqstan sport baspasózi qaýymdastyǵynyń Astana qalalyq fılıaly alǵash ret uıymnyń kýbogy úshin  BAQ-nyń segiz komandasy bas qosqan týrnır ótkizdi. Osy synda atalǵan birlestiktiń «Jeńis» klýby kýboktyń ıegeri atandy. Odan keıin «Jeńis» jasaǵy eki maýsym BAQ League birinshiligine qatysyp, jaqsy nátıje kórsetti.
    Sodan keıin 2020 jyly úsh jyl úzilisten keıin «Folıant» baspasynyń shaqyrýymen qaıtyp alańǵa shyqqanmyn. Endi mine, bir jarym jyl úzilisten soń, 44 jasqa qaraǵan shaǵymda taǵy jasyl alańǵa shyǵyp otyrmyn. Komandanyń jigitterine senim bildirgeni úshin rahmetimdi aıtyp, shama kelgenshe jasaqty jerge qaratpaýǵa tyrysamyn dep sóz berdim. Buǵan talaı komandalardy quryp, aıaqqa turýyna júgirip, jarystarda basynan sońyna deıin júrgen az-maz tájirbıemniń de septigi tıedi dep oılaımyn.

    Fýtbol oınaýdy 10 jasymnan bastasam, qazir kóz aldyma 18-22 jasta «Dostar international» klýbynda oınaǵan shaǵym, 23-25 jasta «Astana aqshamy» gazetiniń namysyn qorǵaǵan jyldarym, 26-39 jasta «Egemen Qazaqstan» men «Jeńis» jasaqtarynda dop tepken kezim, 42-43 jasymda «Folıant» fýtbol komandasynda jasyl alańǵa shyqqanym kóz aldyma keledi. Jas alady eken. Biraq, «Sport degen bir sıqyr» dep beker aıtpaıdy…

    Dastan KENJALIN

    XI SEZON. NUR-SULTAN CITY — JEŃIS DREAM TEAM — YouTube

     

    Bir pikir

    1. Spasıbo vam za ınformaııý. Fıaty ý nas lıýbıat, a eslı eщe ı skrýtıt probeg na fiat v horosheı kompanıı, chtoby bez sledov, naprımer týt https://obdservice.ru/skrutit-probeg/fiat , to zaberýt avto srazý je.

    Pikir jazý

    Your email address will not be published. Required fields are marked *

    *